ສ້າງທາງຣົດໄຟໃນລາວ ຄົນງານລາວຄວນມີສ່ວນ

ຊາວລາວ ໃນແຂວງ ສວັນນະເຂດ ວ່າ ໂຄງການ ສ້າງທາງ ຣົດໄຟ ຄວນໃຊ້ ຄົນງານ ກັມມະກອນ ທີ່ເປັນຄົນລາວ.
ສົມເນ
2012-12-03
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ຊາວລາວ ໃນແຂວງ ສວັນະເຂດ ທີ່ບໍ່ປະສົງ ອອກຊື່ ເວົ້າກັບ ເອເຊັຽເສຣີວ່າ ໂຄງການ ສ້າງທາງ ຣົດໄຟ ລາວ-ຈີນ ຫລື ລາວ-ວຽດນາມ ກໍດີ ຄວນໃຊ້ ຄົນງານລາວ ຫລາຍກວ່າ ຄົນງານ ຕ່າງຊາຕ ເພາະວ່າ ມີຫລາຍໜ້າວຽກ ທີ່ຄົນລາວ ສາມາດເຮັດໄດ້ ດັ່ງທ່ານໄດ້ກ່າວ:

"ຄົນລາວແຫລະ ຄັນແຮງງານ ຕົ້ນຕໍ ເຣື້ອງເຮັດທາງ ຣົດໄຟ ເຣື້ອງການຖາກ ການຖາງ ການຂຸດ ການຍ້າຍ ການເກັບຫີນ ຕອກລາງ ຕອກຫຍັງຊື່ໆ ມັນກະໄດ້ຕີ້ ເຂົາກໍສາມາດ ເຮັດໄດ້ ຫັ້ນແຫລະ ຄິດວ່າ ນ່າຊີ່ບໍ່ມີ ບັນຫາເຣື້ອງ ແຮງງານ ຄົນລາວ ເຣື້ອງກັມມະກອນ ຫັ້ນນະ".

ເລົາໃຫ້ເຫດ ຜົນວ່າ ການໃຊ້ ຄົນງານລາວ ມັນດີຫລາຍຢ່າງ ຍ້ອນວ່າ ເປັນຄົນທ້ອງຖິ່ນ ທາງໂຄງການ ຈະປະຫຍັດເງິນ ໄດ້ຫລາຍ ເພາະບໍ່ຈໍາເປັນ ຕ້ອງປຸກທີ່ ພັກອາສັຍ ຂນາດໃຫ່ຽ ຄືກັນກັບປຸກໃຫ້ ຄົນງານ ຕ່າງຊາຕ. ຊາວລາວໃນແຂວງ ສວັນນະເຂດ ອີກທ່ານນື່ງ ເວົ້າກ່ຽວກັບ ໂຄງການ ສ້າງທາງຣົດໄຟ ສວັນນະເຂດ ລາວບາວ ວ່າ ຄວນຈ້າງ ຄົນງານລາວ ເພື່ອໃຫ້ຄົນລາວ ມີວຽກເຮັດ ງານທໍາ:

"ເພາະເຂົາເຈົ້າ ມັນຄົນ ໃນພື້ນທີ່ເດ ກະເຮັດໃຫ້ ຂະເຈົ້າ ມາລາຍໄດ້ ທີ່ຈິງແຂວງ ສວັນນະເຂດ ກໍຍັງແບບ ແຫ້ງແລ້ງ ບໍ່ຄ່ອຍຈະມີ ຫຍັງເຮັດ ທີ່ຈິງແລ້ວ ສະໜອງຕໍ່ໄດ້".

ປັດຈຸບັນໂຄງການ ສ້າງທາງລົດໄຟ 2 ແຫ່ງນີ້ ບໍ່ທັນມີການ ຖະແຫລງ ຢ່າງເປັນທາງການ ເທື່ອວ່າ ຈະເອົາແຮງງານ ມາແຕ່ບ່ອນໃດແດ່ ພຽງແຕ່ເວົ້າ ລວມໆວ່າ ສ່ວນໄຫຍ່ຈະເອົາ ຄົນງານຈາກ ຕ່າງປະເທດ ທີ່ມາກັບ ບໍຣິສັດ ກໍ່ສ້າງເລີຽ ແລະສ່ວນນື່ງ ກໍຈະຝືກແອບເອົາ ຄົນງານລາວ ກັບທີ່ໂລດ.

ຄໍາເຫັນ (2)
  • ພິມ
  • ໃຊ້ຮ່ວມກັນ
  • ອີແມວລ໌

SBD

ຂ້ອຍມັກອ່ານເວັບໄຊ ນີ້ຫລາຍ ແຕ່ຢາກໃຫ້ ພັດທະນາການພິມ ພາສາລາວ ຂຶ້ນຕື່ມ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 02, 2013 11:41 AM

Laosamphanh

ຈາກ Laohonghai

การสร้างทางรถไฟมันก่อดีอยู่ดอก แต่ผลประโยชน์ ลาวเฮาคือสีได้หน้อยอยู่ ตามความเห็นของข้าพะเจ้าสี่งที่ดีที่สุดก่อต้องแม่นการจ้างคนงานลาว เพราะรายได้ทุกกีบมันก่อต้องตกเป็นของคนลาว และอีกอย่างหนึ่งคนลาวผู้มีสีไม้ลายมือก่อมีอยู่ แต่บ่อจ้างเขานิยมแต่ของนอก ของโตเองมีบ่ออยากใช้ ก่ออย่างว่าหั้นละเจ้าหน้าที่บ่อว่าพากรัฐพากเอกชนมันเห็นแก่โตทังนั้น บ่อเห็นประโยชน์ของเหล่าชนเลย อันนี้มันเป็นปัญหา ทางทิศดีว่าอยากให้ลาวเจรีญก้าวหน้า แต่การปะติบัติโตจิง แล้ว พัดกินเอากินเอา สํ้อหลวงบังราช มันจะเจีรญได้แนวใด.....


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 11, 2012 03:37 PM

ເຕັມຫນ້າ