ຣັຖບານລາວລໍຖ້າເງິນ 7 ຕື້ ຈາກຈີນ

ຣັຖບານລາວ ຍັງລໍຖ້າ ການປຶກສາ ຕົກລົງ ກ່ຽວກັບ ຣາຍຣະອຽດ ເງິນກູ້ ຈາກຈີນ ໃນໂຄງການ ຣົຖໄຟ ຄວາມໄວສູງ.
ສິດນີ
2012-12-20
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌

ຣັຖບານລາວ ລໍຖ້າ ຈີນ ເຊີນໄປປຶກສາ ຫາລື ຣາຍຣະອຽດ ເຣື້ອງເງິນກູ້ ສໍາລັບ ໂຄງການ ຣົຖໄຟ ຄວາມໄວສູງ ໃນມູນຄ່າ 7 ພັນລ້ານ ໂດລາ ສະຫະຣັດ ທີ່ຈີນວ່າຈະ ອະນຸມັດໃຫ້. ທາງການລາວ ບອກວ່າຕ້ອງການ ຣາຍຣະອຽດ ເພີ້ມເຕີມ ກ່ອນຈະລົງມື້ສ້າງ. ດັ່ງເຈົ້າຫນ້າທີ່ ກ່ຽວຂ້ອງ ທ່ານນື່ງ ເວົ້າວ່າ:

"ຍັງລໍຖ້າ ໃຫ້ຂະເຈົ້າ ເຊີນເຮົາໄປ ປຶກສາ ຫາລືກັນຢູ່ ທາງດ້ານ ຫລັກການ ກໍຍັງຄືເກົ່າ ຍັງບໍ່ທັນ ມີຫຍັງຄືບຫນ້າ ຈະຕ້ອງໄດ້ລົມກັນ ລາຍລະອຽດ ໃນການ ກູ້ຢຶມເງິນ ຫຍັງຕ່າງໆ ຍັງບໍ່ທັນ ມີລາຍລະອຽດ ເທື່ອ".

ທ່ານກ່າວ ຕໍ່ໄປວ່າ ຍັງບໍ່ມີກຳນົດ ທີ່ແນ່ນອນວ່າ ເມື່ອໃດ ຈີນ ຈະເຊີນ ທາງການລາວ ໄປໂອ້ລົມກັນ ກ່ຽວກັບ ເຣື້ອງນີ້ ແຕ່ເຖິງຢ່າງໃດ ກໍຕາມ ທາງການລາວ ກໍຍັງ ຕ້ອງການ ຣາຍຣະອຽດ ໃນທຸກດ້ານ ຄື: ດ້ານງົບປະມານ ເຣື້ອງແຮງງານ ແລະ ອື່ນໆ ຕ້ອງມີຄວາມ ຊັດເຈນ ແລະ ເປັນຮູບຮ່າງ ຫລາຍກວ່າເດີມ.

ກ່ຽວກັບການ ຝຶກແຮງງານ ຄົນລາວ ໃນການ ປະກອບສ່ວນ ເຮັດວຽກ ໃນໂຄງການ ດັ່ງກ່າວ ເຈົ້າຫນ້າທີ່ລາວ ບອກວ່າ ເຣື້ອງນີ້ ຕ້ອງໄດ້ ໂອ້ລົມ ກັບຈີນກ່ອນ ແລະຍັງໃຫ້ ຄຳຕອບບໍ່ໄດ້ ໃນເວລານີ້ ວ່າຈະຈ້າງ ແຮງງານລາວ ຫລາຍປານໃດ.

ໂຄງການ ຣົຖໄຟ ຄວາມໄວສູງ ລາວ-ຈີນ ເຖິງວ່າຈະມີ ກຳນົດເລີ້ມຕົ້ນ ລົງມືສ້າງ ໃນຊ່ວງກາງປີ 2013 ນັ້ນກໍຕາມ ແຕ່ໃນ ປັດຈຸບັນ ກໍມີພຽງແຕ່ ການສຳຣວດ ພື້ນທີ່ ແລະ ເກັບກູ້ຣະເບິີດ ເທົ່ານັ້ນ.

ຄໍາເຫັນ (8)
  • ພິມ
  • ໃຊ້ຮ່ວມກັນ
  • ອີແມວລ໌

ໄທສີນ

ຈາກ ສຫຣ

ຜຸ້ນຳ ສໍ້ຣາດ ພາໃຫ້ຊາດ ຈິບຫາຍ.
ຜຸ້ນຳ ສະຫລາດ ພາໃຫ້ຊາດ ຮຸ່ງເຮືອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 06, 2016 06:51 PM

ຊາວນາ

ຈາກ ວຽງຈັນ

ປະຊາຊົນລາວຈະໄດ້ຫຍັງແດ່ ຈາກໂຄງການນີ້, ຫຼາຍປານໃດ. ລັດຈະເອົາເງີນໃສ ມາທົດແທນ ຫຼື ສິຂາຍດີນໃຫ້ຈີນອີກ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 05, 2013 10:37 AM

banana

ຈາກ long

ການພັທນາປະເທດຊາດ ແມ່ນເປັນຫົນທາງ ທີດີທີສຸດ. ເຣົາຢາກໄດ້ ຢາກມີ ເຣົາສະແຫວງຫາ ເມື່ອໄດ້ແລ້ວ ກໍ່ຕ້ອງສຶກສາແລະຣຽນຣູ້ ຂໍນຳພາກສ່ວນຣັຖບານ ໃຫ້ຄວາມເປັນທັມ ແກ່ປະຊາຊົຜູ້ເສັຽສະລະ ຜົນປະໂຍດໃຫ້ ປະເທດຊາດ ຊົມເຊີຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 28, 2012 12:22 PM

ໄທສີນ

ຈາກ ສຫຣ

ຜຸ້ນຳ ສໍ້ຣາດ ພາໃຫ້ຊາດ ຈິບຫາຍ. ຜຸ້ນຳ ສະຫລາດ ພາໃຫ້ຊາດ ຮຸ່ງເຮືອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 06, 2016 06:51 PM

ຄູບ້ານນອກ

ຈາກ ຈຳພອນ

ເອົາໄປເລີຍ ຍ້ອນຢາກມີຄືໝູ່ ແຕ່ພັດຈົນທາງດ້ານ ການເງິນ ຢາກຖາມທາງລັດຖະບານວ່າ ມິຄົນລາວ ທີ່ ຣູ້ດີກ່ຽວກັບ ລົດໄຟບໍ່? ມີເງິນຈະຊື້ ລົດໄຟບໍ່?
ຄະນະລັດຖະບານ ມິແຕ່ຮູ້ເລືອງ ການຍັກຍອກເອົາເງິນ ມາໃສ່ຄອບຄົວຕົນເອງ.. ຢາກຖາມວ່າ ມີຜູ້ນຳຄົນໃດທີ່ ໃຫ້ ປະຊາຊົນ ໃຫ້ຄວາມເຊື່ອຖືໄດ້, ເບີ່ງລວມໆ ແລ້ວ ມີແຕ່ໜ້າ ບໍ່ເປັນຕານັບຖື


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 26, 2012 12:40 PM

bannok

ຈາກ 22

ດີໃຈນຳ ທີທາງຣັຖບານລາວ ສລາດ ແລະສແດງຄວາມສາມາຕ ໃຫ້ປະຊາຊົນລາວ ທົ່ວໂລກໄດ້ຣັບຣູ້ ເມື່ອເຣົາມີຫນີ້ ເຣົາຕ້ອງເຣັດງານຫລາຍຂື້ນ ຄົນເຂົາລວຍ ເຂົາກ່ຕ້ອງມີຫນີ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 22, 2012 10:32 PM

ເບິ່ງຄວາມເຫັນທັງໝົດ.

ເຕັມຫນ້າ