ນາຍທຶນທາງຣົດໄຟ ຈະມາລາວ

ບໍຣິສັດ ມາເລເຊັຽ ທີ່ເປັນ ຜູ້ລົງທຶນ ສ້າງທາງ ຣົດໄຟ ຄວາມໄວສູງ ລາວ-ວຽດນາມ ຈະພົບປະກັບ ທາງການລາວ.
ຈໍາປາທອງ
2012-12-14
ອີແມວລ໌
ຄໍາເຫັນ
ໃຊ້ຮ່ວມກັນ
ພິມ
  • ພິມ
  • ໃຊ້ຮ່ວມກັນ
  • ຄໍາເຫັນ
  • ອີແມວລ໌
ເດັກນ້ອຍ ຊາວວຽດນາມ  ໃນເຂດ ຊົນນະບົດ ລາວບາວ ທີ່ຕິດກັບ ຊາຍແດນລາວ
ເດັກນ້ອຍ ຊາວວຽດນາມ ໃນເຂດ ຊົນນະບົດ ລາວບາວ ທີ່ຕິດກັບ ຊາຍແດນລາວ
talkvietnam.org

ບໍຣິສັດ Giant Consolidated Ltd ຂອງ ມາເລເຊັຍ ຊຶ່ງເປັນ ຜູ້ລົງທຶນ ສ້າງທາງ ຣົດໄຟ ຄວາມໄວສູງ ລາວ-ວຽດນາມ ຈະພົບປະກັບ ທາງການລາວ ທີ່ ແຂວງ ສວັນນະເຂດ ເປັນຄັ້ງທໍາອິດ ເພື່ອຫາລືກັນ ໃນຫລາຍບັນຫາ ທີ່ຍັງຄົງຄ້າງ. ຕາມຄໍາເວົ້າ ຂອງ ເຈົ້າໜ້າທີ່ ກະຊວງ ໂຍທາທິການ ແລະ ຂົນສົ່ງ:

"ຂະເຈົ້າວ່າ ທິດໜ້າ ຂະເຈົ້າຊີ່ລົງມາ ພົບນະ ຍັງບໍ່ທັນ ໄດ້ພົບ ຂະເຈົ້າຄືກັນ ແຕ່ມີພວກຄົນ ມາເວົ້າຫລັງຈາກ ທີ່ເຂົາເຊັນສັນຍາ ແລ້ວຫັ້ນນະ ເຂົາຍັງບໍ່ທັນ ມາພົບ".

ທ່ານເວົ້າ ຕໍ່ໄປວ່າ ທີ່ຜ່ານມາ ທາງ ບໍຣິສັດ ມາເລເຊັຍ ເຄີຍສົ່ງ ເຈົ້າໜ້າທີ່ ມາສໍາຣວດ ເສັ້ນທາງ ທີ່ຈະສ້າງທາງ ຣົດໄຟ ນັ້ນແລ້ວ ແຕ່ບໍ່ເປັນ ທາງການ. ສໍາລັບ ການພົບປະກັນ ຄັ້ງນີ້ ແມ່ນຈະເຮັດ ໃຫ້ຮູ້ເຖິງ ຣາຍຣະອຽດ ຂອງ ເສັ້ນທາງຣົດໄຟ ນັ້ນຢ່າງ ແຈ່ມແຈ້ງ ແລະ ເປັນຮູບຮ່າງຂຶ້ນ.

ທ່ານວ່າ ສໍາລັບເຣື່ອງ ຄົນງານ ທີ່ຈະກໍ່ສ້າງ ໃນໂຄງການນີ້ ອາດຍັງບໍ່ທັນໄດ້ ເວົ້າເຖິງ ແຕ່ກໍຄາດວ່າ ຫລັງຈາກ ການພົບປະກັນ ແລ້ວ ກໍຈະຮູ້ວ່າ ທາງ ບໍຣິສັດ ຈະຈ້າງຄົນງານ ຈາກ ປະເທດໃດແດ່ ແລະ ຈະຈ້າງ ຄົນງານລາວ ຈໍານວນໜ້ອຍ ຫລາຍປານໃດ.

ທີ່ຜ່ານມາ ຄົນງານລາວ ທີ່ແຂວງ ສວັນນະເຂດ ເຄີຍເວົ້າກັບ ເອເຊັຍ ເສຣີ ວ່າພວກເຂົາເຈົ້າ ມີຄວາມພ້ອມ ທີ່ຈະຮ່ວມ ເຮັດວຽກ ໃນໂຄງການ ທາງຣົດໄຟ ແຫ່ງນີ້ ແລະວ່າ ຄວນຈ້າງ ຄົນງານລາວ ເປັນກັມມະກອນ ຫລາຍກວ່າ ຄົນງານ ຕ່າງປະເທດ ຍ້ອນວ່າ ຄົນງານລາວ ຈະຮູ້ສະພາບ ໃນບ່ອນທີ່ຈະ ກໍ່ສ້າງ ນັ້ນດີກວ່າ.

ຄໍາເຫັນ (4)
  • ພິມ
  • ໃຊ້ຮ່ວມກັນ
  • ອີແມວລ໌

ໄທສີນ

ຈາກ ສຫຣ

ຜຸ້ນຳ ສໍ້ຣາດ ພາໃຫ້ຊາດຈິບຫາຍ
ຜຸ້ນຳ ສະຫລາດ ພາໃຫ້ຊາດຮຸ່ງເຮືອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 06, 2016 07:00 PM

ໄທສີນ

ຈາກ ສຫຣ

ຜຸ້ນຳ ສໍ້ຣາດ ພາໃຫ້ຊາດ ຈິບຫາຍ.
ຜຸ້ນຳ ສະຫລາດ ພາໃຫ້ຊາດ ຮຸ່ງເຮືອງ.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 06, 2016 06:56 PM

ໄທສີນ

ຈາກ ສຫຣ

ລາວເຮົາຄວນໄດ້ປຽບ ໃນການທີ່ຈະສ້າງທາງຣົດໄຟ ຣະຫວ່າງ ຈີນ ທີ່ຈະສ້າງທາງຣົດໄຟ ຜ່ານ ປະເທດລາວ. ເພາະ ລາວເປັນ ສຸນກາງ ທີ່ຈະເປີດຫົນທາງ ໃຫ້ຫລາຍປະເທດ ໃນທະວິບ ເອເຊັຍພາກໄຕ້ ໄດ້ຕິດຕໍ່ກັນ... ສະນັ້ນ "ຢ່າຕົກໂງ່ຂົາ" ໃຫ້ເຂົາໃຊ້ແຜ່ນດີນລາວ ເປັນທາງຜ່ານ ຢ່າງບໍ່ມີເງື່ນໃຂ...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 01, 2016 12:49 PM

ຄູບ້ານນອກ

ຈາກ ຈຳພອນ

ຈັກປີ ຈື່ງຈະໄດ້ ທຶນຄຶນມາ? ເສັ້ນທາງດັ່ງກ່າວ ຈະແກ່ເອົາໝາ ຈາກໄທ ໄປຂາຍໃຫ້ ວຽດນາມຫວະ? ເປັນຕາ ຢາກຫົວແທ້ໆ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Dec 26, 2012 12:38 PM

ເຕັມຫນ້າ