អាជ្ញាធរចិន កំពុងកៀរគរសាធារណជនឱ្យដោះស្រាយវិវាទអាពាហ៍ពិពាហ៍ ផ្លូវច្បាប់ ដីធ្លី និងវិវាទហិរញ្ញវត្ថុផ្ទាល់ខ្លួន ក្រោយពីមានករណីបុរសវ័យ ៦២ ឆ្នាំម្នាក់ ដែលខឹងសម្បានឹងរឿងបែងចែកទ្រព្យសម្បតិ្តពីការលែងលះប្រពន្ធ បានបើករថយន្តបុករះដោយចេតនាលើហ្វូងមនុស្សនៅពហុកីឡាដ្ឋានមួយកន្លែងនៅភាគខាងត្បូងនៃទីក្រុង ជូហៃ (Zhuhai) ប្រទេសចិន។ មនុស្សយ៉ាងហោចណាស់ ៣៥នាក់ បានស្លាប់នៅក្នុងហេតុការណ៍នេះ។
ហេតុការណ៍បើករថយន្តបុករះលើហ្វូងមនុស្ស និងឧបទ្ទវហេតុផ្សេងទៀតនាពេលថ្មីៗនេះ បាននាំឱ្យមានការព្រួយបារម្ភនៅក្រុងប៉េកាំង ជុំវិញផលវិបាកផ្នែកនយោបាយដោយសារតែការកើនឡើងនៃអំពើវាយប្រហារបែប «សងសឹកសង្គម» មកលើជនស្លូតត្រង់ពីក្រុមមនុស្សដែលខកចិត្តក្នុងជីវិតរបស់ពួកគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។