គណបក្ស​ប្រជាជន​ប្រារព្ធ​ខួប​លើក​ទី​៣១​នៃ​ថ្ងៃ​៧​មករា

ក្នុង​ខួប​លើក​ទី​៣១ នៃ​ថ្ងៃ​រំដោះ ៧​មករា ឆ្នាំ​នេះ តើ​គណបក្ស​ប្រជាជន​កម្ពុជា​ដែល​បាន​កាន់​អំណាច ៣​ទសវត្សរ៍​កន្លង​ទៅ​ហើយ​នេះ មាន​គម្រោង​អ្វី​ខ្លះ​សម្រាប់​ការ​ដឹកនាំ​របស់​ខ្លួន?
ដោយ មណ្ឌលកែវ
2010-01-08
អ៊ីម៉ែល
មតិ
Share
បោះពុម្ព
០៧-មករា-២០១០: ប្រធាន​ព្រឹទ្ធសភា​និង​ជា​ប្រធាន​គណបក្ស​ប្រជាជន​កម្ពុជា លោក ជា ស៊ីម (ឆ្វេង) និយាយ​ទៅ​កាន់​លោក​នាយក​រដ្ឋមន្ត្រី ហ៊ុន សែន ក្នុង​អំឡុង​ពេល​ប្រារព្ធ​ខួប​លើក​ទី​៣១ នៃ​ថ្ងៃ​៧​មករា នៅ​ឯ​ទីស្នាក់ការ​គណបក្ស ក្នុង​រាជធានី​ភ្នំពេញ។
០៧-មករា-២០១០: ប្រធាន​ព្រឹទ្ធសភា​និង​ជា​ប្រធាន​គណបក្ស​ប្រជាជន​កម្ពុជា លោក ជា ស៊ីម (ឆ្វេង) និយាយ​ទៅ​កាន់​លោក​នាយក​រដ្ឋមន្ត្រី ហ៊ុន សែន ក្នុង​អំឡុង​ពេល​ប្រារព្ធ​ខួប​លើក​ទី​៣១ នៃ​ថ្ងៃ​៧​មករា នៅ​ឯ​ទីស្នាក់ការ​គណបក្ស ក្នុង​រាជធានី​ភ្នំពេញ។
AFP PHOTO/KHEM SOVANNARA

ប្រធាន​គណបក្ស​ប្រជាជន​កម្ពុជា​បាន​សម្ដែង​ការ​គាំទ្រ​យ៉ាង​ខ្លាំងក្លា​ចំពោះ​សេចក្តី​ព្រាង​ច្បាប់​ប្រឆាំង​អំពើ​ពុក​រលួយ​ដែល​រដ្ឋ​សភា​កម្ពុជា​នឹង​ធ្វើ​ការ​អនុម័ត​នា​ពេល​ឆាប់ៗ​ខាង​មុខ។

សេចក្តី​ព្រាង​ច្បាប់​ប្រឆាំង​អំពើ​ពុក​រលួយ​ត្រូវ​បាន​ជាប់​គាំង​ក្នុង​ដៃ​រដ្ឋាភិបាល​អស់​រយៈពេល​ជាង ១០​ឆ្នាំ​មក​ហើយ គេ​ទើប​តែ​នឹង​ឃើញ​មេ​ដឹកនាំ​ចាប់ផ្តើម​គិតគូរ​នា​ពេល​នេះ​ក្នុង​ខណៈ​ដែល​ស្ថានភាព​សេដ្ឋកិច្ច​កំពុង​ជួប​វិបត្តិ។

ថ្លែង​ក្នុង​ឱកាស​ខួប​លើក​ទី​៣១ ថ្ងៃ​ជ័យ​ជម្នះ ៧​មករា ឯ​ទីស្នាក់ការ​គណបក្ស​ប្រជាជន​កម្ពុជា នា​ទីក្រុង​ភ្នំពេញ​នៅ​ព្រឹក​ថ្ងៃ​៧ ខែ​មករា ឆ្នាំ​២០១០ ប្រធាន​គណបក្ស​គឺ​លោក ជា ស៊ីម បាន​អះអាង​ថា នៅ​ពេល​ដែល​ច្បាប់​នេះ​ចូល​ជា​ធរមាន សង្គម​នឹង​មាន​សមភាព​និង​យុត្តិធម៌។

លោក ជា ស៊ីម បាន​ថ្លែង​ថា ៖ «គណបក្ស​ប្រជាជន​កម្ពុជា​គាំទ្រ​សេចក្ដី​ព្រាង​ច្បាប់​ស្ដីពី​ការ​ប្រឆាំង​អំពើ​ពុក​រលួយ​ដែល​គណៈរដ្ឋមន្ត្រី​ទើប​នឹង​បាន​អនុម័ត​ដោយ​បាន​ឆ្លុះ​បញ្ចាំង​នូវ​ឆន្ទៈ​រួម​របស់​រដ្ឋ​និង​ប្រជាជន យើង​មាន​ជំនឿ​ថា ក្រោយ​ពេល​ច្បាប់​នេះ​ត្រូវ​បាន​រដ្ឋ​សភា​អនុម័ត​យន្តការ​នានា​នឹង​ត្រូវ​បាន​ពង្រឹង និង​បង្កើន​ថែម​ទៀត​ដើម្បី​ធានា​ការ​អនុវត្ត​ដោយ​ប្រសិទ្ធភាព ឆ្លើយ​តប​នឹង​សំណូមពរ​ដ៏​ទទូច​របស់​ប្រជាជន»

ប៉ុន្តែ​អតីត​នាយក​រដ្ឋមន្ត្រី​នៃ​របប​សាធារណរដ្ឋ​ប្រជាមានិត​កម្ពុជា និង​បច្ចុប្បន្ន​ជា​ប្រធាន​គណៈកម្មការ​វិន័យ​នៃ​គណបក្ស​សិទ្ធិ​មនុស្ស គឺ​លោក ប៉ែន សុវណ្ណ មិន​យល់​ស្រប​នឹង​ប្រសាសន៍​របស់​ប្រធាន​គណបក្ស​ប្រជាជន​កម្ពុជា លោក ជា ស៊ីម ដែល​បាន​អះអាង​នោះ​ទេ។

លោក​មាន​ប្រសាសន៍​ថា ៖ «ខ្ញុំ​អត់​សង្ឃឹម​ទេ សព្វថ្ងៃ​ហ្នឹង​អ្នក​មាន​នៅ​ប្រទេស​កម្ពុជា​គឺ​ប្លែក​ពី​អ្នក​មាន​នៅ​បរទេស។ អ្នក​មាន​នៅ​ប្រទេស​កម្ពុជា អ្នក​កាន់​អំណាច និយាយ​រួម​មន្ត្រី​រាជការ ជា​រដ្ឋមន្ត្រី​ផង ជា​តំណាង​រាស្ត្រ​ផង ម្នាក់ៗ​កាន់​៤​-​៥​តួនាទី​ម្នាក់​ឯង ហើយ​តើ​គេ​ស្ម័គ្រ​ចិត្ត​ដើម្បី​បង្ហាញ​នូវ​ទ្រព្យ​សម្បត្តិ​របស់​គេ​ជា​សាធារណៈ​ឲ្យ​ប្រជាពលរដ្ឋ​ដឹង​ទេ? តាម​ខ្ញុំ អត់​សង្ឃឹម​ទេ»

អ្នក​វិភាគ​ឯករាជ លោក​ស្រី ជា វណ្ណាត មាន​ប្រសាសន៍​ថា ច្បាប់​អាច​ល្អ តែ​គេ​ក៏​ត្រូវការ​យន្តការ​ដែល​អនុវត្ត​ច្បាប់, ការ​អប់រំ​ផ្នត់​គំនិត​និង​ឥរិយាបថ​សង្គម​ផងដែរ ទើប​អាច​ធ្វើ​ឲ្យ​សង្គម​មាន​សមភាព យុត្តិធ៌ម​និង​ស្អាតស្អំ និង​មាន​ការ​អភិវឌ្ឍ​បាន។

អ្នកស្រី ជា វណ្ណាត បាន​បញ្ជាក់​ថា ៖ «ប្រទេស​មួយ​ដែល​មាន​ជោគជ័យ​ក្នុង​ការ​ប្រឆាំង​នឹង​អំពើ​ពុក​រលួយ​ហ្នឹង នៅ​ត្រង់​ថា គេ​អប់រំ​ហើយ​និង​ការពារ​កុំ​ឲ្យ​អំពើ​ពុក​រលួយ​កើត​ទាន់»

ថ្លែង​ក្នុង​ឱកាស​នោះ​ដែរ ប្រធាន​គណបក្ស​ប្រជាជន​កម្ពុជា លោក ជា ស៊ីម ក៏​បាន​អះអាង​ផងដែរ​ថា ក្នុង​រយៈកាល ៣១​ឆ្នាំ​នៃ​ការ​គ្រប់គ្រង​អំណាច គណបក្ស​ប្រជាជន​កម្ពុជា​បាន​ធ្វើ​ឲ្យ​សង្គម​ជាតិ​មាន​ការ​អភិវឌ្ឍ​លើ​គ្រប់​វិស័យ។ ជា​ថ្មី​ម្តង​ទៀត គណបក្ស​ប្រជាជន​កម្ពុជា​ក៏​បាន​អះអាង​ពី​ការ​គ្រាំទ្រ​បេក្ខភាព​លោក ហ៊ុន សែន ជា​នាយក​រដ្ឋមន្ត្រី​នា​អាណត្តិ​ក្រោយៗ​ទៀត៕

ព័ត៌មាន (4)
Share

អ្នក​អាន​អនាមិក

Congratulation!
Celebrating the 31st anniversary, the assembly president mention about corruption law, perhaps he admits that there is corruption in his government?

Jan 10, 2010 01:56 AM

អ្នក​អាន​អនាមិក

Please allow poor people to survive.

Jan 10, 2010 12:42 AM

អ្នក​អាន​អនាមិក

We are so tired to see the same person running the country for more than thirty years. Let another person runs the country, to see if they can find properity and real Democracy in Cambodia.

Jan 09, 2010 01:19 PM

អ្នក​អាន​អនាមិក

Who will apply the law? can the court be balance (as we all know that they gat money and they are under power pressure?

the law is adopted just to have it in the list and that's it!

Jan 08, 2010 05:37 AM

គេហទំព័រ​ទាំងមូល