របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ដែលបានរាយការណ៍ជូនលោកនាយករដ្ឋមន្ត្រី ហ៊ុន សែន កាលពីថ្ងៃទី១៧ ខែតុលា ឆ្នាំ២០១១ បានឲ្យដឹងថា មានប្រជាពលរដ្ឋស្លាប់ចំនួន ២៤៧នាក់។ ស្រូវចំនួនជាង ៤សែនហិកតារបានលិចទឹក និងស្រូវជិត ២សែន៥ម៉ឺនហិកតារទៀតបានខូចខាតទាំងស្រុង។ ផ្លូវលំប្រវែងជិត ៣.០០០គីឡូម៉ែត្រ និងទំនប់ទឹកប្រវែងរវាងពី ៣០០គីឡូម៉ែត្រ ទៅ ៤០០គីឡូម៉ែត្រ បានរងការខូចខាត។ សាលារៀនជាង ១.០០០កន្លែងបានលិចទឹកជំនន់។
ខាងក្រោមគឺជារូបភាពស្ដីពីសកម្មភាព និងជីវភាពរស់នៅរបស់ប្រជាពលរដ្ឋនៅក្នុងស្រុកឯកភ្នំ ខេត្តបាត់ដំបង។ ផ្ទះរបស់ពួកគាត់ និងផ្លូវថ្នល់មួយចំនួនត្រូវបានទឹកជន់លិច ដោយសារទឹកជំនន់ពីបឹងទន្លេសាប។ អ្នកភូមិ និងសត្វពាហនៈ បាននាំគ្នាទៅបោះជម្រករស់នៅបណ្ដោះអាសន្នតាមទីទួលដែលពុំមានទឹកលិចនៅតាមមាត់ស្ទឹងក្នុងភូមិ។
រូបថតថ្ងៃ២១ តុលា ឆ្នាំ២០១១ ដោយវិទ្យុអាស៊ីសេរី/សួន សុផលមុន្នី
កុមារារស់នៅភូមិអូរមុនី២ ឃុំស្វាយធំ ស្រុកឯកភ្នំ ដើរកាត់ទឹកទៅសាលារៀន។
កុមារាម្នាក់នេះបណ្ដើរកង់កាត់កាត់ភក់ ដើម្បីទៅរៀននៅភូមិអូរមុនី២ ឃុំស្វាយធំ ស្រុកឯកភ្នំ ដើរកាត់ទឹកទៅសាលារៀន។
អ្នកភូមិកំពុងបណ្ដើរកងដឹកអីវ៉ាន់កាត់ផ្លូវដែលលិចទឹក នៅភូមិអូរមុនី២ ឃុំស្វាយធំ ស្រុកឯកភ្នំ ខេត្តបាត់ដំបង។
អ្នកភូមិអូរមុនី២ ឃុំស្វាយធំ ស្រុកឯកភ្នំ ខេត្តបាត់ដំបង កំពុងដឹកជញ្ជូនសម្ភារៈតាមទូកយកទៅដាក់រថយន្ត ខណៈដែលលំនៅឋានរបស់ពួកគាត់ត្រូវទឹកលិច។
ម្តាយ និងក្មេងតូចៗ កំពុងងូតទឹកនៅខាងមុខផ្ទះ ស្ថិតនៅក្នុងភូមិទួលស្បូវ ឃុំសំរោង ក្នុងស្រុកឯកភ្នំ ខេត្តបាត់ដំបង។
ក្មេងតូចៗហែលទឹកអូសក្បូនចម្លងស្ត្រីជាម្ដាយទៅផ្ទះអ្នកជិតខាងនៅក្នុងភូមិទួលស្បូវ ឃុំសំរោង ស្រុកឯកភ្នំ ខេត្តបាត់ដំបង។
លោក គឹម យ៉េត អាយុ ៤១ឆ្នាំ និងអ្នកស្រី ព្រំ ស៊ីណាត រួមទាំងកូនស្រីតូច ចង្អុលប្រាប់ពីលំនៅឋានទ្រេតរកដួល ដោយសារទឹកលិចនៅក្នុងភូមិទួលស្បូវ ឃុំសំរោង ក្នុងស្រុកឯកភ្នំ ខេត្តបាត់ដំបង។
កុមារាម្នាក់នេះកំពុងកាប់ដើមចេកធ្វើក្បួនសម្រាប់ធ្វើដំណើរឆ្លងទឹក។ ផ្ទះរបស់គាត់ត្រូវទឹកលិចនៅក្នុងភូមិទួលស្បូវ ឃុំសំរោង ស្រុកឯកភ្នំ ខេត្តបាត់ដំបង។
ក្រុមគ្រួសារអ្នកស្រី សូភី កំពុងអង្គុយស្ដាប់វិទ្យុនៅលើគ្រែខាងមុខផ្ទះដែលមានទឹកលិច នៅភូមិអូរមុនី២ ឃុំស្វាយធំ ស្រុកឯកភ្នំ ខេត្តបាត់ដំបង។
អ្នកភូមិអូរមុនី២ ឃុំស្វាយធំ ស្រុកឯកភ្នំ ខេត្តបាត់ដំបង ធ្វើរោងសម្រាប់ឲ្យសត្វគោជ្រក នៅខាងមុខផ្ទះ ដែលមានទឹកលិច។
ក្រុមអ្នកភូមិទួលស្បូវ ឃុំសំរោង ស្រុកឯកភ្នំ ខេត្តបាត់ដំបង កំពុងនាំគ្នាចម្អិនម្ហូប នៅតាមដងផ្លូវ ខណៈដែលផ្ទះរបស់ពួកគេបានលិចលង់។
បុរសនៅភូមិទួលស្បូវ ឃុំសំរោង ស្រុកឯកភ្នំ ខេត្តបាត់ដំបង សម្រាន្តលើអង្រឹង។ ជើងរបស់គាត់ត្រូវទឹកស៊ីក្លាយជាដំបៅ។
