សកម្មភាព​កសិករ​ដុត​យក​ជ័រ​ទឹក​នៅ​ព្រះវិហារ

របាយការណ៍​ដែល​ចង​ក្រង​ដោយ​អង្គការ​នានា​ធ្វើ​ការ​ទាក់​ទង​អនុផល​ព្រៃ​ឈើ​ឆ្នាំ​២០០៩ បង្ហាញ​ថា បរិមាណ​ជ័រទឹក​ដែល​ប្រមូល​បាន​នៅ​ប្រទេស​កម្ពុជា មាន​ចន្លោះ​ពី ១​ម៉ឺន​១​ពាន់​តោន​ទៅ ១​ម៉ឺន​៨​ពាន់​តោន បាន​ផ្ដល់​ការងារ​ឲ្យ​ប្រជាពលរដ្ឋ​ជិត ២​សែន​នាក់។
2011-11-01
អ៊ីម៉ែល
មតិ
Share
បោះពុម្ព

ប្រទេស​កម្ពុជា ទទួល​បាន​ប្រាក់​ចំណូល​ប្រចាំ​ឆ្នាំ​ពី​ពាណិជ្ជកម្ម​ជ័រ​ទឹក​នេះ​ពី​ចន្លោះ ៤,៧ ទៅ ៧,៨​លាន​ដុល្លារ​អាមេរិក​នៅ​ឆ្នាំ​២០០៩។

ទោះ​ជា​យ៉ាង​ណា អង្គការ​អភិរក្ស​សត្វ និង​ព្រៃឈើ​អះអាង​ថា ការ​រក​ជ័រ​ទឹក​របស់​កសិករ​ជា​ការ​រំខាន​សត្វ​ព្រៃ សម្លាប់​ដើម​ឈើ និង​ធ្វើ​ឲ្យ​ភ្លើង​ឆេះ​ព្រៃ។

ខាង​ក្រោម​ជា​សកម្មភាព​កសិករ​នៅ​ភ្នំ​គូលែន​ដូនទេព ផលិត​ជ័រទឹក កាល​ពី​ថ្ងៃ​ទី​៣១ ខែ​តុលា ឆ្នាំ​២០១១ នៅ​ក្នុង​ដែន​ព្រៃ​ការពារ​ភ្នំ​គូលែន​ដូនទេព ខេត្ត​ព្រះវិហារ ​ថត​ដោយ លោក វោហារ ជាតិ៖

1
កសិករ​នៅ​ភូមិ​ត្មាតប៉ឺយ ចាំង​សម្អាត​រណ្ដៅ​ជ័រ នៅ​ភ្នំ​គូលែន​ដូនទេព។

2
កសិករ​បង្កាត់​ភ្លើង​ដុត​​រណ្ដៅ​ជ័រ ដែល​ជា​ដើម​ត្រាច មាន​មុខ​កាត់ ១​ម៉ែត្រ​កន្លះ អាយុ​ជាង ១០០​ឆ្នាំ នៅ​ភ្នំ​គូលែន​ដូនទេព។

3
ភ្លើង​ឆេះ​រណ្ដៅ​ជ័រ​នៅ​ភ្នំ​គូលែន​ដូន​ទេព។

4
កសិករ​កំពុង​ដុត​រណ្ដៅ​ជ័រ​នៅ​ភ្នំ​គូលែន​ដូន​ទេព។ ការ​ដុត​ភ្លើង​នេះ​ប្រហែល ២ ទៅ ៣​នាទី ដើម្បី​ឲ្យ​ដើម​ត្រាច​ក្ដៅ ស្រក់​ជ័រ​ចូល​រណ្ដៅ។

5
កសិករ​ពន្លត់​​ភ្លើង​​រណ្ដៅ​ជ័រ​នៅ​ភ្នំ​គូលែន​ដូន​ទេព។ កសិករ​ត្រូវ​ពន្លត់​ភ្លើង​រណ្ដៅ​ជ័រ ដើម្បី​បង្ការ​កុំ​ឲ្យ​ឆេះ​ដើម​ឈើ ដែល​អាច​បណ្ដាល​ឲ្យ​ងាប់។

6
បន្ទាប់​ពី​ពន្លត់​ភ្លើង​រួច កសិករ​យក​ស្លឹក​គ្រប​​​រណ្ដៅ​ជ័រ​កុំ​ឲ្យ​ទឹក​ភ្លៀង​ហូរ​ចូល មុន​នឹង​ត្រូវ​ដួស​យក​ជ័រ​នៅ​ថ្ងៃ​បន្ទាប់។

7
កសិករ​ដង​ជ័រ​ពី​រណ្ដៅ​ដាក់​ក្នុង​កាន នៅ​ភ្នំ​គូលែន​ដូន​ទេព។

8
ដើម​ជ័រ​ទឹក​មាន​មុខ​កាត់ ៣​ម៉ែត្រ អាយុ​ជាង ២០០​ឆ្នាំ ងាប់​ដោយ​ភ្លើង​ឆេះ​រោល​ពី​ការ​ដុត​យក​ជ័រ៕

ព័ត៌មាន (0)
Share
គេហទំព័រ​ទាំងមូល