មន្ត្រីជលផលលែងត្រី១០តោនចូលបឹងទន្លេសាប
2011.06.16
ត្រីចំនួន ១០តោននោះ មានដូចជា ត្រីគល់រាំង មួយក្បាលទម្ងន់ ៨០គីឡូក្រាម ត្រីរាជមួយក្បាលទម្ងន់ជិត ១០០គីឡូក្រាម ក្រៅពីនេះមានប្រភេទត្រីប្រា ត្រីស៊ីប៉ូ ត្រីខ្យា ត្រីរ៉ស់ ត្រីឆ្ពិន និងត្រីជាច្រើនប្រភេទទៀត។
ប្រធានរដ្ឋបាលជលផលកម្ពុជា លោក ណៅ ធួក បានមានប្រសាសន៍នៅថ្ងៃទី១៦ ខែមិថុនា ថា លោកសង្ឃឹមថា ផលត្រីនឹងកើននៅឆ្នាំ២០១១ ៖ «កន្លងមកយើងដកពិសោធន៍នៅឡូត៍លេខ១០ នៅខេត្តកណ្ដាលទៅ យើងសាកល្បងលែងត្រីទៅ ត្រីពងកូនវាកើនបរិមាណដល់ឆ្នាំក្រោយ បានជាសម្ដេចតេជោ ហ៊ុន សែន លោកបានផ្ដល់អនុសាសន៍ថា ឲ្យឡូត៍នេសាទគ្រប់ឡូត៍ទាំងអស់លែងត្រី។ ខាងក្រសួងកសិកម្មបានកំណត់ថា មួយឡូត៍ត្រូវលែង ២តោន»។
គិតមកទល់ពេលនេះ រដ្ឋបាលជលផលកម្ពុជា បានលែងត្រីសរុបចំនួនជាង ២០តោនមកហើយនៅបឹងទន្លេសាប នៅខេត្តសៀមរាប ខេត្តកំពង់ឆ្នាំង ខេត្តបាត់ដំបង និងខេត្តពោធិ៍សាត់។
លោក ណៅ ធួក បានមានប្រសាសន៍ថា ផលត្រីនៅឆ្នាំ២០១១ នឹងកើនបរិមាណជាង ៥០០ពាន់តោន ប្រហាក់ប្រហែលឆ្នាំ២០១០ កន្លងទៅ។
លោកបន្តថា ក្រៅពីការពឹងផ្អែកលើផលត្រីក្នុងបឹងទន្លេសាប រដ្ឋបាលជលផលបានបំផុសឲ្យប្រជាពលរដ្ឋបង្កើតស្រះចិញ្ចឹមត្រីចំនួន ៥៥ពាន់ស្រះ នៅទូទាំងប្រទេសកម្ពុជា៕
អត្ថបទពេញនិយម
RFA
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- ពិធីមង្គលការរបស់ពលករខ្មែរនៅប្រទេសថៃ
អត្ថបទពេញនិយម
ព័ត៌មានថ្មីៗ
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- អ្នកជំនាញថា ចិនមិនអាចជំនួសទីផ្សារសហភាពអឺរ៉ុប និងអាមេរិកក្នុងការទទួលទិញទំនិញកម្ពុជា
- ចិនបញ្ជូនកងទ័ពជាង២០០នាក់មកធ្វើសមយុទ្ធនាគមាសឆ្នាំ២០២៣ជាមួយកម្ពុជា