នាយករដ្ឋមន្ត្រី​នេប៉ាល់​នឹង​មក​ទស្សនកិច្ច​កម្ពុជា​នៅ​ដើម​ខែ​មីនា

នាយករដ្ឋមន្ត្រី​នេប៉ាល់ លោក Jhala Nath Khanal គ្រោង​នឹង​ទៅ​ទស្សនកិច្ច​នៅ​ក្នុង​ប្រទេស​កម្ពុជា ពី​ថ្ងៃ​ទី​១ ដល់​ថ្ងៃ​ទី​៣ មីនា ខាង​មុខ​នេះ តាម​ការ​អញ្ជើញ​របស់​សម​ភាគី​កម្ពុជា គឺ​លោក​នាយករដ្ឋមន្ត្រី ហ៊ុន សែន។
ដោយ ផន រីណា
2011.02.22
Share on WhatsApp
Share on WhatsApp

នាយករដ្ឋមន្ត្រី​នេប៉ាល់ គ្រោង​នឹង​និយាយ​នៅ​ក្នុង​ប្រទេស​កម្ពុជា អំពី​សន្និបាត​អន្តរជាតិ​មូយ​ស្ដី​អំពី​គណបក្ស​នយោបាយ​អាស៊ី ឬ​ហៅ​ថា ICAPP។
យោង​តាម​ទីភ្នាក់ងារ​ព័ត៌មាន Himalayan របស់​នេប៉ាល់ ចុះ​ថ្ងៃ​ទី​២១ កុម្ភៈ​នេះ ទីប្រឹក្សា​ការបរទេស​របស់​លោក​នាយករដ្ឋមន្ត្រី​នេប៉ាល់ លោក Milan Tuladhar មាន​ប្រសាសន៍​ថា គណៈរដ្ឋមន្ត្រី​របស់​លោក​នឹង​ធ្វើ​សេចក្ដី​សម្រេច​លើ​ដំណើរ​ទស្សនកិច្ច​នេះ​នៅ​ថ្ងៃ​អង្គារ ២២ កុម្ភៈ ឬ​ពុធ នេះ​ហើយ។

នេះ​អាច​ជា​ទស្សនកិច្ច​ជា​លើក​ដំបូង​មួយ​របស់​លោក Jhala Nath Khanal នាយករដ្ឋមន្ត្រី​នេប៉ាល់ បន្ទាប់​ពី​លោក​កាន់​តំណែង​ជា​នាយករដ្ឋមន្រ្តី​នេះ​មក។

ចំណែក​ឯ​មេដឹកនាំ​បក្ស​កុម្មុយនីស្ត​នេប៉ាល់ ដែល​ហៅ​ថា CPN-UML ក៏​នឹង​ចូល​រួម​សន្និបាត​នេះ​ដែរ ហើយ​លោក​ក៏​គ្រោង​នឹង​ជួប​ជាមួយ​លោក​នាយករដ្ឋមន្ត្រី​កម្ពុជា​ដែរ។ បក្ស​កុម្មុយនីស្ត​នេប៉ាល់ ជា​សមាជិក​របស់​គណបក្ស​នយោបាយ​អាស៊ី ICAPP៕

រឿង​ដែល​គេ​អាន​​ច្រើន​បំផុត
RFA
ធនាគារ​ABA មិន​ព្រម​បើកប្រាក់​ជាង​១​ម៉ឺន ៥​ពាន់​ដុល្លារ ដែល​ឧបត្ថម្ភ​ដល់​បុគ្គលិក​ណាហ្គាវើលដ៍
រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
លោក ហ៊ុន សែន បន្ត​ប្រកាស​ថា ​​​នឹង​ការពារ​មិន​ឱ្យ​មាន​​​រដ្ឋប្រហារ​ ដើម្បី​​​អភិវឌ្ឍប្រទេស​ឱ្យ​រីក​ចំរើន
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។