ការពង្រីកសេវាដឹកជញ្ជូនថ្មីនេះបានពង្រីកចម្ងាយផ្លូវដឹកជញ្ជូនរបស់ក្រុមហ៊ុន TNT ១៥០០គីឡូម៉ែត្របន្ថែមទៅលើចម្ងាយផ្លូវមានស្រាប់ ៦០០០គីឡូម៉ែត្រ ដែលភ្ជាប់ពីសិង្ហបុរីទៅប្រទេសថៃនិងចិន។
យោងតាមកាសែតនៅប្រទេសម៉ាឡេស៊ីឈ្មោះ Business Times ដែលបានផ្សាយឲ្យដឹងនៅថ្ងៃទី១១ ឧសភានេះ ថាការពង្រីកសេវារួមមានប្រទេសកម្ពុជាផងដែរនេះចាប់ផ្តើមពីថ្ងៃនេះតទៅ ដោយមានកាត់តាមប្រទេសម៉ាឡេស៊ី ប្រទេសថៃ ប្រទេសកម្ពុជានិងប្រទេសយៀកណាម។
នាយករបស់ក្រុមហ៊ុន TNT ប្រចាំតំបន់អាស៊ី លោក Onno Boots បានឲ្យដឹងថា តាមការបើកផ្លូវដឹកជញ្ជូនថ្មីនេះអតិថិជនដែលប្រើប្រាស់សេវាថ្មីនេះអាចកាត់បន្ថយការចំណាយ៣០%ថោកជាងការដឹកទំនិញតាមយន្តហោះ៕