ប័ណ្ណសារព័ត៌មាន
2024-12-18
ប្រជាពលរដ្ឋមួយចំនួននៅស្រុកទឹកឈូ ខេត្តកំពត បន្តប្រកបរបរធ្វើអំបិលចេញពីទឹកសមុទ្រធម្មជាតិ ដើម្បីរកកម្រៃផ្គត់ផ្គង់ជីវភាពប្រចាំថ្ងៃ។ ទោះបីអំបិលផលិតបានមិនសូវមានទីផ្សារ និងលក់បានតម្លៃទាប ពលរដ្ឋថា ពួកគាត់បន្តប្រកបរបរនេះដើម្បីផ្គត់ផ្គង់អំបិលធម្មជាតិដល់ទីផ្សារក្នុងស្រុក និងដើម្បីរក្សាអត្តសញ្ញាណមុខរបរក្នុងតំបន់ជាប់សមុទ្រមួយនេះឱ្យនៅស្ថិតស្ថេរ។
2024-12-17
ពលរដ្ឋ និងសហជីពសាទរចំពោះការចេញអនុក្រឹត្យស្ដីពីការចុះឈ្មោះអ្នកសេដ្ឋកិច្ចក្រៅប្រព័ន្ធ និងចង់ឃើញរដ្ឋាភិបាលអនុវត្តអនុក្រឹត្យនេះ ប្រកបដោយប្រសិទ្ធភាព ។ ការលើកឡើងនេះ បន្ទាប់ពីលោក នាយករដ្ឋមន្ត្រី ហ៊ុន ម៉ាណែត បានថ្លែងថា ការចុះបញ្ជីអ្នកសេដ្ឋកិច្ចក្រៅប្រព័ន្ធ គឺធ្វើឡើងដោយមិនគិតថ្លៃ និងពុំមានការបង្ខិតបង្ខំ។
2024-12-16
ពលរដ្ឋរស់នៅរាជធានីភ្នំពេញ ធ្វើតំណាប់ពីផ្លែឈើ និងរុក្ខជាតិ ដោយឆ្លាក់ជារូបផ្កាភ្ញីដ៏ស្រស់ស្អាត ហើយយកទៅស្ងោរក្នុងឆ្នាំងស្ពាន់ ដែលពួកគាត់ហៅថា «តំណាប់ឆ្នាំងស្ពាន់» ។ ថ្វីបើការធ្វើតំណាប់ឆ្នាំងស្ពាន់ មានភាពលំបាក និងចំណាយពេលច្រើន ក៏តំណាប់នេះ ហាក់ពុំសូវមានពលរដ្ឋស្គាល់ និងមានទីផ្សារឡើយ។
2024-12-15
អ្នកជំនាញផ្នែកទំនាក់ទំនងអន្តរជាតិ បានជំរុញឱ្យរដ្ឋាភិបាលកម្ពុជា កែលំអគោលនយោបាយដឹកនាំ ប្រព័ន្ធយុត្តិធម៌សង្គមនិងច្បាប់វិនិយោគឱ្យកាន់តែប្រសើរថែមទៀត ដើម្បីទាក់ទាញក្រុមអ្នកវិនិយោគពីប្រទេសកូរ៉េខាងត្បូងឱ្យចូលមករកស៊ីបានកាន់តែច្រើន។
2024-12-15
អ្នកឃ្លាំមើលលើកឡើងថា រដ្ឋាភិបាលភ្នំពេញ ស្ទើរតែលែងមានតម្លៃសម្រាប់ ចិន ដែលជាមូលហេតុធ្វើឱ្យរដ្ឋាភិបាលចិន មិនសូវយកចិត្តទុកដាក់ផ្ដល់ជំនួយ និងកម្ចីដូចមុនទៀត។ មន្ត្រីជាន់ខ្ពស់គណបក្សកាន់អំណាចអះអាងថា ចិនមិនចោល មេដឹកនាំកម្ពុជាទេ។
2024-12-12
អ្នកជំនាញសេដ្ឋកិច្ច និងអ្នកឃ្លាំមើល លើកឡើងថា ប្រទេសកម្ពុជានឹងជួបវិបត្តិសេដ្ឋកិច្ច និងធ្លាក់ក្នុងវិបត្តិសង្គមធ្ងន់ធ្ងរ ប្រសិនបើសហភាពអឺរ៉ុបដកប្រព័ន្ធអនុគ្រោះពន្ធ EBAទាំងស្រុង ខណៈប្រជាពលរដ្ឋកំពុងធ្លាក់ក្នុងអន្ទាក់បំណុល។
2024-12-12
ប្រទេសចិនមិនបានផ្ដល់កម្ចីថ្មីណាមួយឱ្យកម្ពុជាទេ នៅក្នុងអំឡុងពេលជិត ១ឆ្នាំ ២០២៤នេះ។
2024-12-12
ក្រុមអ្នកឃ្លាំមើលពីបញ្ហាសង្គម និងនយោបាយលើកឡើងថា ប្រព័ន្ធទូទាត់ឆ្លងដែនរបស់ចិននឹងបង្កលក្ខណៈងាយស្រួលដល់ក្រុមឧក្រិដ្ឋជនលាងលុយកខ្វក់ ប្រសិនបើគ្មានការពង្រឹង និងត្រួតពិនិត្យលើចរន្តនៃការផ្ទេរសាច់ប្រាក់ឱ្យមានតម្លាភាព។ ការលើកឡើងបែបនេះ បន្ទាប់ពីកម្ពុជាស្នើសុំការគាំទ្រភាគីចិនឱ្យតភ្ជាប់ប្រព័ន្ធទូទាត់ឆ្លងដែនរបស់ចិន ដោយអះអាងថា ដើម្បីផ្ដល់ភាពងាយស្រួលលើការទូទាត់ឆ្លងដែនសម្រាប់ពាណិជ្ជកម្ម វិនិយោគិន និងទេសចរចិន។
2024-12-12
អ្នកឃ្លាំមើលបញ្ហាសង្គមលើកឡើងថា សហរដ្ឋអាមេរិក និងសហភាពអឺរ៉ុប នៅតែជាដៃគូពាណិជ្ជកម្មសំខាន់សម្រាប់កម្ពុជានាំចេញទំនិញគ្រប់ប្រភេទទៅលក់ជាពិសេសទំនិញផ្នែកវាយនភណ្ឌដោយសារតែកម្ពុជាទទួលបានប្រព័ន្ធអនុគ្រោះពន្ធ។ ការលើកឡើងនេះគឺបន្ទាប់ពីមន្ត្រីរដ្ឋាភិបាលអះអាងថា ការនាំទំនិញរបស់កម្ពុជាចេញទៅអាមេរិក និងអឺរ៉ុប គឺកម្ពុជាមិនពឹងផ្អែកលើប្រព័ន្ធអនុគ្រោះពន្ធទាំងស្រុងនោះទេ។
2024-12-10
ក្រុមអតីតបាតុករអាវលឿងថៃ ទាមទារឱ្យរដ្ឋាភិបាលថៃលុបចោលកិច្ចព្រមព្រៀងរកស៊ីធនធានប្រេងរួមគ្នាជាមួយកម្ពុជា។
2024-12-04
ស្ត្រីមួយចំនួនរស់នៅលើកោះទ្រង់នៅខេត្តក្រចេះ ប្រកបអាជីពបររទេះសេះដឹកភ្ញៀវទេសចរ មើលទិដ្ឋភាពរស់នៅរបស់អ្នកភូមិនៅលើកោះ ដើម្បីបានប្រាក់ចំណូលផ្គត់ផ្គង់គ្រួសារ។ ពួកគាត់ថា អាជីពនេះ មិនត្រឹមតែរកប្រាក់ចំណូលនោះទេ ថែមទាំងជួយផ្សព្វផ្សាយដល់ភ្ញៀវទេសចរជាតិ និងអន្តរជាតិ ឱ្យដឹងពីប្រពៃណី និងកសិផលរបស់កសិករខ្មែរ ដូចជា ក្រូចត្លុង ជាដើម។
2024-12-03
កសិករដាំដំឡូងមីនៅតាមខេត្តមួយចំនួនត្អូញត្អែរថា តម្លៃដំឡូងមីឆ្នាំនេះ ធ្លាក់ចុះខ្លាំងជាងឆ្នាំមុន ទាំងដំឡូងស្រស់ និងស្ងួត ដែលធ្វើឱ្យពួកគាត់ខាតបង់ទាំងដើមទាំងចុង រហូតដល់គ្មានលុយសងធនាគារ។ ប្រធានសមាគមកសិករដំឡូងមីខ្មែរថា តម្លៃដំឡូងមីធ្លាក់ចុះបែបនេះ គឺដោយសារឃ្លាំងស្តុកដំឡូងរបស់អ្នកបញ្ជាទិញ នៅសល់ស្ដុកចាស់ច្រើន ខណៈការកែច្នៃវត្ថុធាតុដើមចេញពីដំឡូងក៏ធ្លាក់ចុះ ដោយសារមានវត្ថុធាតុដើមថ្មី មកជំនួស។
2024-12-02
មន្ត្រីក្រសួងពាណិជ្ជកម្មសហរដ្ឋអាមេរិកប្រកាសពីការដំឡើងពន្ធថ្មីលើការនាំចូលបន្ទះស្រូបពន្លឺព្រះអាទិត្យ ឬផ្ទាំងសូឡា ពីប្រទេសចំនួន ៤ នៅអាស៊ីអាគ្នេយ៍ រួមមានកម្ពុជា ម៉ាឡេស៊ី (Malaysia) វៀតណាម (Vietnam) និងថៃ (Thailand)។
2024-11-30
ដើមឈើធំៗ ជះម្លប់ត្រជាក់ស្រឹបដុះតាមបណ្ដោយដងស្ទឹងសៀមរាប ផ្តល់បរិយាកាសធម្មជាតិស្រស់បំព្រង គឺជាទីតាំង ដែលនិស្សិតមួយក្រុមជ្រើសយកកន្លែងនោះ លក់កាហ្វេចល័តបម្រើសេវាកម្មជូនអ្នកទេសចរ។ កាហ្វេចល័តកូនឡានស្លាកយីហោ «The ROZA CARAVAN» បានបង្កើតអាជីវកម្មលក់កាហ្វេចល័តតាមរថយន្តមួយគ្រឿង អាចបង្កើតឱកាសការងារដល់និស្សិតក្រីក្រ ក្នុងខេត្តសៀមរាប។
2024-11-13
កសិករមួយចំនួនប្រកបរបរចិញ្ចឹមកណ្ដូបបារ៉ាលក់ដោះស្រាយជីវភាពគ្រួសារ ខណៈដែលអាជីពនេះ ពួកគាត់អាចរកចំណូលបានរាប់រយដុល្លារ ពីការលក់កណ្ដូបសាច់ និងពងមេពូជ។ មន្ត្រីសង្គមស៊ីវិលថា អាជីពចិញ្ចឹមកណ្ដូប របស់កសិករកំពុងពេញនិយមព្រោះរបរនេះមានទីផ្សារល្អ ទាំងក្នុងស្រុក និងក្រៅស្រុក ប៉ុន្តែ អាជ្ញាធរពាក់ព័ន្ធ ខ្វះការយកចិត្តទុកដាក់ជាមួយពលរដ្ឋ។
