អ្នកជំងឺកូវីដ ១៣ នាក់ទៀតបានស្លាប់ និងឆ្លងថ្មីជាង៥រយនាក់
ក្រុមគ្រូពេទ្យកំពុងយកសាកសពជនរងគ្រោះដែលស្លាប់ដោយសារជំងឺកូវីដ១៩ទៅបូជានៅក្នុងវត្តមួយនៅខេត្តកំពង់ចាម កាលពី២៦ ខែកក្កដា ឆ្នាំ២០២១។
រូប៖ រដ្ឋបាលខេត្តកំពង់ចាម។
អ្នកជំងឺកូវីដ-១៩ ចំនួន ១៣ នាក់ទៀតបានស្លាប់ ដែលធ្វើឱ្យករណីស្លាប់ដោយសារជំងឺនេះ កើនឡើងដល់ជិត ២ពាន់នាក់ហើយ(១.៩៧០) គិតត្រឹមថ្ងៃទី៦ ខែកញ្ញា។ ចំពោះករណីឆ្លងថ្មីវិញ មានជាង៥រយនាក់(៥២៨)ក្នុងនោះជិត ២រយនាក់(១៨៨) ជាករណីនាំចូលពីក្រៅប្រទេស។
គិតត្រឹមព្រឹកថ្ងៃទី៦ ខែកញ្ញា កម្ពុជាមានអ្នកកើតជំងឺកូវីដ-១៩ ជាង ៩ម៉ឺន ៥ពាន់នាក់(៩៥.៨២៨) ក្នុងនោះអ្នកជាសះស្បើយមានប្រមាណ ៩ម៉ឺននាក់(៩១.១៣១)។
ទាក់ទងរឿងចាក់វ៉ាក់សាំងវិញ ក្រសួងសុខាភិបាលប្រកាសថា គិតត្រឹមថ្ងៃទី៥ ខែកញ្ញា រដ្ឋាភិបាល ចាក់វ៉ាក់សាំងជូនពលរដ្ឋបានជាង ៩លាន ៥សែននាក់ ក្នុងចំណោមអ្នកដែលត្រូវចាក់សរុប ១០លាននាក់។ ចំណែកកុមារ និងយុវជនដែលមានអាយុពី ១២ឆ្នាំ ដល់ ១៧ឆ្នាំវិញ ក្រសួងប្រកាសថា ចាក់វ៉ាក់សាំងបានជាង ១លាន ៦សែននាក់ ក្នុងចំណោមអ្នកដែលត្រូវចាក់សរុបជិត ២លាននាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- អ្នកវិភាគថា សេចក្តីព្រាងច្បាប់កំណត់សញ្ជាតិតែមួយមើលងាយដល់អង្គព្រះមហាក្សត្រខ្មែរដែលមានសញ្ជាតិលើសពីមួយ
- ''របបក្រុងភ្នំពេញតាមធ្វើទុក្ខបុកម្នេញលើព្រះសង្ឃដែលឈឺឆ្អាលរឿងសង្គមជាច្រើនអង្គ''
- សហជីពសង្ស័យកាស៊ីណូចិនចង់ដោះដៃពីការទទួលខុសត្រូវ ទើបតម្រូវឲ្យបុគ្គលិកលាឈប់ពីការងារ
- «ចិនបន្តសង់សំណង់នៅមូលដ្ឋានទ័ពជើងទឹករាម»
- បក្សប្រឆាំងប្រាប់ពលរដ្ឋថា លោក ហ៊ុន សែន ត្រៀមរត់ចោលស្រុក
