អគ្គនាយកដ្ឋាន​គយ និង​រដ្ឋាករ​កម្ពុជា​ទទួល​បាន​ឧបករណ៍​ការពារ និង​សម្ភារៈ​អនាម័យ​ការពារ​ជំងឺ​កូវីដ-១៩ ពី​ UNDP និង​ប្រទេស​អូស្រ្តាលី

ដោយ សុជីវី
2020-12-17
Share
អគ្គនាយកដ្ឋាន​គយ និង​រដ្ឋាករ​កម្ពុជា​ទទួល​បាន​ឧបករណ៍​ការពារ និង​សម្ភារៈ​អនាម័យ​ការពារ​ជំងឺ​កូវីដ-១៩ ពី​ UNDP និង​ប្រទេស​អូស្រ្តាលី (ឆ្វេង) លោក គុណ ញឹម ប្រតិភូ​រាជរដ្ឋាភិបាល​ទទួល​បន្ទុក​ជា​អគ្គនាយក នៃ​អគ្គនាយកដ្ឋាន​គយ (កណ្ដាល) លោក ប៉ាប្លូ កាង (Pablo Kang) ឯកអគ្គរដ្ឋទូត​អូស្ត្រាលី និង​រដ្ឋាករ​កម្ពុជា អូស្ត្រាលី និង​​លោក និក ប៊ឺរ៉េស្វដ (Nick Beresford) តំណាង​កម្មវិធី​អភិវឌ្ឍន៍​អង្គការ​សហប្រជាជាតិ (UNDP) ពេល​ប្រគល់ និង​ទទួល​សម្ភារៈ។
រូប៖ UNDP

អគ្គនាយកដ្ឋាន​គយ និង​រដ្ឋាករ​កម្ពុជា​ទទួល​បាន​ឧបករណ៍​ការពារ និង​សម្ភារៈ​អនាម័យ​ចាំបាច់​មួយ​ចំនួន ដើម្បី​ទប់ស្កាត់​ជំងឺ​កូវីដ-១៩ ពី​កម្មវិធី​អភិវឌ្ឍន៍​សហប្រជាជាតិ (UNDP) និង​ប្រទេស​អូស្រ្តាលី។

សេចក្ដី​ប្រកាស​ព័ត៌មាន​របស់​ស្ថានទូត​អូស្ត្រាលី​ប្រចាំ​នៅ​កម្ពុជា​នៅថ្ងៃទី១៧ ខែ​ធ្នូ ឱ្យ​ដឹង​ថា ឧបករណ៍​ការពារ និង​សម្ភារៈ​អនាម័យ​ទាំងនោះ​សម្រាប់​ប្រើប្រាស់​បង្ការ​ការ​រីក​រាល​ដាល​ជំងឺ​កូវីដ-19 និង​ជួយ​សម្រួល​ដល់​ការ​ធ្វើ​ពាណិជ្ជកម្ម​ឆ្លងដែន​ក្នុង​អំឡុង និង​ក្រោយ​ពេល​វិបត្តិ​ជំងឺ​កូវីដ-១៩។ ជំនួយ​ទាំង​នោះ​រួមមាន​ឧបករណ៍​ការពារ​ខ្លួន សម្ភារៈ​អនាម័យ ដូចជា ឧបករណ៍​វាស់​កម្ដៅ ម៉ាស៊ីន​ថត​ចាប់​កម្ដៅ និង​ឧបករណ៍​បាញ់​សម្លាប់​មេរោគ ដែល​តោង​ជាប់ កញ្ចប់​ទំនិញ​ជាដើម។

អគ្គនាយកដ្ឋាន​គយ និង​រដ្ឋាករ នឹង​ចែក​ឧបករណ៍​ចាំបាច់​បន្ទាន់​ទាំងនេះ ទៅ​ច្រក​ពាណិជ្ជកម្ម​ឆ្លង​ដែន​សំខាន់ៗ ដូច​ជា ប៉ោយប៉ែត ខេត្ត​បន្ទាយមានជ័យ បាវិត ខេត្ត​ស្វាយរៀង ភ្នំដិន ខេត្ត​តាកែវ និង​អាកាសយានដ្ឋាន​អន្តរជាតិ​ភ្នំពេញ។

តំណាងUNDP ប្រចាំ​នៅ​កម្ពុជា និង​ឯក​អគ្គ​រាជ​ទូត​អូស្ត្រាលី លើកឡើង​ស្រដៀងគ្នា​ថា​ការ​បន្ត​បើក​ព្រំដែន​ឱ្យ​មាន​សកម្មភាព​ពាណិជ្ជកម្ម​គឺ​មាន​សារ​សំខាន់​ខ្លាំង ក្នុង​ការ​ស្ដារ​ឡើង​វិញ និង​ពង្រឹង​ទំនាក់ទំនង​ពាណិជ្ជកម្ម ជាមួយ​ប្រទេស​ជិតខាង។ ការ​ផ្ដល់​ជំនួយ​ការពារ​ការ​ចម្លង​ជំងឺ​កូវីដ-១៩ ក្នុង​ផ្នែក​នេះ ដើម្បី​ធានា​ថា​កម្ពុជា នឹង​នៅ​តែ​មាន​សុវត្ថិភាព និង​បើក​ទូលាយ​សម្រាប់​ពាណិជ្ជកម្ម​ឆ្លងដែន ដើម្បី​ជួយ​ដល់​ការ​ស្ដារ​សេដ្ឋកិច្ច​ឡើង​វិញ៕

UNDP_Australia_Equipment.jpg
សម្ភារៈ​ជំនួយ​អូស្ត្រាលី និង​អង្គការ UNDP

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)

មើល​មតិ​ទាំង​អស់.

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល