អង្គការសមាគមនិងសហជីពជិត៤០ស្ថាប័នចេញសេចក្ដីថ្លែងការណ៍ព្រួយបារម្ភពីសុខភាពនិងសុវត្ថិភាពកម្មករនៅកន្លែងការងារក្នុងពេលមានវិបត្តិជំងឺកូវីដ-១៩
កម្មករ-កម្មការិនី នៅក្នុងរោងចក្រមួយនៅក្នុងទីក្រុងភ្នំពេញ កាលពីថ្ងៃទី០៩ ខែកុម្ភៈ ឆ្នាំ២០២១។
រូប៖ គេផ្ដល់ឱ្យ
សហព័ន្ធសហជីព សមាគម សហគមន៍ អង្គការសង្គមស៊ីវិលធ្វើការលើវិស័យសិទ្ធិការងារ និងសិទ្ធិមនុស្សជិត ៤០ ស្ថាប័ន បានចេញសេចក្ដីថ្លែងការណ៍រួមព្រួយបារម្ភពីបញ្ហាសុខភាព និងសុវត្ថិភាពកម្មករនិយោជិតនៅកន្លែងការងារ ក្នុងពេលមានវិបត្តិជំងឺកូវីដ-១៩។
សេចក្ដីថ្លែងការណ៍រួមរបស់ស្ថាប័នចំនួន ៣៦ ចេញផ្សាយនៅថ្ងៃទី២៨ ខែមេសា នេះ ជាទិវាអន្តរជាតិ ដើម្បីរំលឹកដល់ការចងចាំដល់កម្មករ បានដាក់សំណើរចំនួន ៧ ចំណុច ទៅរដ្ឋាភិបាល។ សំណើរទាំងនេះ មានដូចជា ស្នើឲ្យរដ្ឋាភិបាលបង្កើតយន្តការធ្វើការជាមួយតំណាងកម្មករនិយោជិក និងនិយោជក អង្គការសង្គមស៊ីវិលក្នុងវិស័យការងារ ដើម្បីកំណត់យន្តការតាមដានត្រួតពិនិត្យ និងវាយតម្លៃចំពោះបញ្ហាសុខភាព និងសុវត្ថិភាពនៅកន្លែងការងារ និងបណ្ដាការដ្ឋានសំណង់ និងក្រុមហ៊ុនសាងសង់ ក្នុងរាជធានីភ្នំពេញ និងខេត្ត ពិសេសក្នុងពេលរីករាលដាលជំងឺកូវី-១៩។ ស្ថាប័នទាំងនេះ ជំរុញឲ្យក្រសួងពាក់ព័ន្ធធ្វើអធិការកិច្ចការងារ និងចុះបញ្ជីក្រុមហ៊ុនសាងសង់ជាបន្ទាន់ជាមួយបេឡាជាតិរបបសន្តិសុខសង្គមនៅទូទាំងប្រទេស។
សេចក្ដីថ្លែងការណ៍រួមនេះ ក៏បានផ្ដោតសំខាន់លើបញ្ហាស្ថានភាពកម្មករវិស័យកាត់ដេរ ដោយស្នើឲ្យរដ្ឋាភិបាលផ្ដល់កន្លែងស្នាក់នៅដល់កម្មករ រួមទាំងវិធានការអនាម័យនៅតាមបណ្ដារោងចក្រ ពិនិត្យលើប្រព័ន្ធធ្វើដំណើររបស់កម្មករ ក្នុងពេលរីករាលដាលជំងឺឆ្លង។ ទន្ទឹមនឹងគ្នានេះ ពួកគេក៏ស្នើឲ្យរដ្ឋាភិបាល មានវិធានការជាក់លាក់នៅកន្លែងការងារដែលប្រឈមនឹងហារនិភ័យខ្ពស់ និងអនុញ្ញាតឲ្យកម្មករឈប់សម្រាកក្នុងពេលវេលាសមស្រប ដោយផ្ដល់ប្រាក់ឈ្នួលជូនពួកគេ។ អង្គការ សមាគមដដែល ស្នើឲ្យរដ្ឋាភិបាលផ្ដល់នូវកម្មវិធីជំនួយសង្គម និងសង្គ្រោះបន្ទាន់ រួមមានស្បៀងអាហារនិងសម្ភារៈចាំបាច់ប្រចាំថ្ងៃ ឲ្យបានទាន់ពេលវេលាក្នុងពេលបិទខ្ទប់ ជាពិសេសកម្មករនិងពលរដ្ឋខ្វះខាតក្នុងតំបន់ក្រហម។ ចំណុចចុងក្រោយស្ថាប័នទាំងនេះ ស្នើឲ្យរដ្ឋាភិបាលរៀបចំកន្លែងសមរម្យឲ្យអាជីវករ អ្នកលក់ដូរតាមដងផ្លូវ តាមទីផ្សារ និងនៅតាមទីសាធារណៈនានា ប្រកបដោយអនាម័យ និងសុវត្ថិភាពនៅនឹងកន្លែង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- ក្រសួងការពារជាតិកម្ពុជា ចោទស្ថានទូតអាមេរិកថា ព្យាយាមបង្កើតបញ្ហាថ្មី និងបំភ្លៃការពិតជុំវិញលទ្ធផលដំណើរទស្សនកិច្ចនៅមូលដ្ឋានកងទ័ពជើងទឹករាម
- ក្រុមហ៊ុនប្រេង គ្រីសអែណឺជី (KrisEnergy) ប្រកាសក្ស័យធន
- អ្នកវិភាគថា លោក ហ៊ុន សែន នឹងមិនជោគជ័យលើយុទ្ធសាស្រ្តទាំង ៥ របស់ខ្លួន ក្នុងការកម្ទេចបក្សប្រឆាំងឡើយ
- សមត្ថកិច្ចចាប់ខ្លួនសកម្មជនបរិស្ថាន ៤ នាក់នៅក្នុងខេត្តកណ្ដាល និងនៅទីក្រុងភ្នំពេញ
- ក្រសួងការពារជាតិច្រានចោលការលើកឡើងរបស់ស្ថានទូតអាមេរិក
