កូដករណាហ្គាវើលដ៍បន្តតវ៉ានៅមុខក្រុមហ៊ុនទាមទារដំណោះស្រាយវិវាទការងារ
2024.08.31
កូដករណាហ្គាវើលដ៍តវ៉ានៅមុខក្រុមហ៊ុន នៅថ្ងៃទី៣១ សីហា ២០២៤។
រូប៖ ពលរដ្ឋផ្ដល់ឱ្យ
ក្រុមកូដករក្រុមហ៊ុនបនល្បែងកាស៊ីណូ ណាហ្គាវើលដ៍ (Nagaworld) ប្រមាណ ៣០នាក់ នៅរសៀលថ្ងៃទី៣១ ខែសីហា បន្តតវ៉ានៅខាងមុខក្រុមហ៊ុន ដើម្បីទាមទារដំណោះស្រាយវិវាទការងារ ដែលនៅជាប់គាំងអស់រយៈពេលជាង៣ឆ្នាំ។
ការតវ៉ានៅថ្ងៃនេះ ក្រុមកូដករ បានយកក្រដាសពណ៌សរៀបចំដូចជាសៀវភៅមួយក្បាល ដោយសរសេររៀបរាប់ពីការតស៊ូមតិជាមួយក្រុមហ៊ុន និងការបោះឆ្នោតដោយសម្ងាត់ ដើម្បីធ្វើកូដកម្មទាមទារឲ្យថៅកែក្រុមហ៊ុនណាហ្គាវើលដ៍ ដោះស្រាយវិវាទការងារជាដើម។
តំណាងកម្មករណាហ្គាវើលដ៍ លោក ណាំ ទីវ័ន្ត ប្រាប់វិទ្យុអាស៊ីសេរីនៅថ្ងៃទី៣១ ខែសីហា ថា ខែកញ្ញាខាងមុខនេះ ប្រធានសហជីពប្រចាំក្រុមហ៊ុនណាហ្គាវើលដ៍ កញ្ញា ឈឹម ស៊ីថរ នឹងមានសេរីភាពឡើងវិញ ហើយកូដករនឹងមានតំណាងម្នាក់ទៀតចូលរួមទាមទារដំណោះស្រាយវិវាទការងារ។ លោករំពឹងថា រដ្ឋាភិបាលនឹងជំរុញដល់ថៅកែក្រុមហ៊ុនណាហ្គាវើលដ៍ ឲ្យស្វែងរកដំណោះស្រាយជូនពួកគាត់។
វិទ្យុអាស៊ីសេរី នៅមិនទាន់អាចទាក់ទងអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ លោក កត្តា អ៊ន ដើម្បីសុំការឆ្លើយតបជុំវិញបញ្ហានេះ បាននៅឡើយទេ នៅថ្ងៃទី៣១ ខែសីហា។
កម្មករណាហ្គាវើលដ៍ បានធ្វើកូដកម្មទាមទារដំណោះស្រាយវិវាទការងារពីថៅកែក្រុមហ៊ុន រដ្ឋាភិបាល និងក្រសួងការងារ ជាបន្តបន្ទាប់អស់រយៈពេលជាង៣ឆ្នាំមកហើយ។ ប៉ុន្តែពួកគាត់មិនត្រឹមតែមិនទទួលបានដំណោះស្រាយសមរម្យនោះទេ ថែមទាំងទទួលរងអំពើហិង្សា ការធ្វើទុក្ខបុកម្នេញពីអាជ្ញាធរ ការចោទប្រកាន់លាបពណ៌បម្រើបរទេសពីប្រមុខរដ្ឋាភិបាល និងការចាប់ប្រធានសហជីពកញ្ញា ឈឹម ស៊ីថរ ដាក់ពន្ធនាគារជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ប្រធានព្រឹទ្ធសភា លោក ហ៊ុន សែន ចោទទីប្រឹក្សារបស់លោកថា បានយកឈ្មោះលោកទៅបោកប្រាស់អ្នកដទៃ
- ជនជាតិឥណ្ឌា ៦៧នាក់ទៀត ត្រូវបានសង្គ្រោះចេញពីកន្លែងឆបោកតាមអនឡាញនៅកម្ពុជា
- តុលាការចោទប្រកាន់ពលករខ្មែរដែលបញ្ជូនពីម៉ាឡេស៊ី ពីបទញុះញង់ និងឃុំខ្លួននៅពន្ធនាគារ
- អង្គការអន្តរជាតិថា រដ្ឋាភិបាលបានបរាជ័យ ចំពោះការធានារបស់ខ្លួនលើកកម្ពស់សិទ្ធិមនុស្ស
- លោក ស៊ុន ចាន់ថុល អះអាងថា ក្រុមហ៊ុនអាមេរិកាំងច្រើនចាប់អារម្មណ៍ចង់មកវិនិយោគនៅកម្ពុជា
អត្ថបទពេញនិយម
សិទ្ធិមនុស្ស
- APHR ជំរុញឱ្យកម្ពុជាដោះលែងពលករខ្មែរ នួន តឿន និងអ្នកកាសែត លោក ម៉ិច ដារ៉ា
- ស្ថានទូតអាមេរិក និងក្រុមអង្គការផ្នែកសិទ្ធិមនុស្ស និងសារព័ត៌មាន ជិត ៥០ស្ថាប័ន ទាមទារអាជ្ញាធររដ្ឋាភិបាលឱ្យដោះលែងលោក ម៉ិច ដារ៉ា
- អ្នកសារព័ត៌មានក្នុងស្រុក និងក្រៅប្រទេសអំពាវនាវឱ្យតុលាការទម្លាក់បទចោទប្រកាន់ និងដោះលែងលោក ម៉ិច ដារ៉ា ឱ្យមានសេរីភាព
- អ្នកឃ្លាំមើលថា ការចាប់ខ្លួនលោក ម៉ិច ដារ៉ា នឹងកាន់តែធ្វើឱ្យរដ្ឋាភិបាលមានកេរ្តិ៍ឈ្មោះមិនល្អ និងប្រឈមទណ្ឌកម្ម
- ទូតអង់គ្លេស និងសហភាពអឺរ៉ុបបារម្ភពីការចាប់ខ្លួនអ្នកសារព័ត៌មាន លោក ម៉ិច ដារ៉ា