សហមេធាវីជាតិការពារក្ដីឱ្យអតីតប្រមុខរដ្ឋនៃរបបកម្ពុជាប្រជាធិបតេយ្យ ឬរបបខ្មែរក្រហម ចាត់ទុកសេចក្ដីសម្រេចផ្ដន្ទាទោស លោក ខៀវ សំផន អស់មួយជីវិតរបស់សាលាដំបូង និងតុលាការកំពូលនៃសាលាក្ដីខ្មែរក្រហមកន្លងមកថា ជារឿងអយុត្តិធម៌។ ការលើកឡើងនេះ ធ្វើឡើងស្របពេលតុលាការកំពូលនៃសាលាក្ដីខ្មែរក្រហម ត្រៀមនឹងចេញសាលដីកាលើបណ្ដឹងជំទាស់របស់លោក ខៀវ សំផន ក្នុងសំណុំរឿង០០២ វគ្គ២ ស្ដីពីឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម និងអំពើប្រល័យពូជសាសន៍ នៅថ្ងៃព្រហស្បតិ៍ខាងមុខនេះ។
មេធាវីលោក ខៀវ សំផន គឺលោក គង់ សំអុន ចោទថា ការផ្ដន្ទាទោសកូនក្ដីរបស់លោកមានចរិតនយោបាយច្រើនជាងទិដ្ឋភាពច្បាប់ ដោយសារតុលាការចង់រូតរះបញ្ចប់ក្ដីនេះមុនពេលលោក ខៀវ សំផន ដែលមានវ័យជរា ស្លាប់បាត់បង់ជីវិត។
សូមលោកអ្នកនាងស្ដាប់សំឡេងបទសម្ភាសរបស់លោក ជី វិតា ជាមួយលោក គង់ សំអុន អំពីរឿងនេះ...