ក្រុមហ៊ុន​ប្រើ​ហិង្សា​លើ​អ្នក​ភូមិ​ក្នុង​រឿង​ជម្លោះ​ដី​នៅ​កំពង់ស្ពឺ

គ្រួសារ​ជន​រងគ្រោះ​ដោយ​អំពើ​ហិង្សា​បាញ់​ដោយ​កាំភ្លើង និង​វាយ​ដណ្ដើម​ដី នៅ​ឃុំ​តាំងសំរោង ស្រុក​ភ្នំស្រួច ខេត្ត​កំពង់ស្ពឺ បាន​ចោទ​ថា ក្រុមហ៊ុន​សាណាន (Sanan) បាន​បំពាន​ដី​អ្នក​ស្រុក និង​ប្រើ​ហិង្សា​ដោយ​អាវុធ​មក​លើ​ពលរដ្ឋ ២​នាក់​បង​ប្អូន​បង្កើត​ជា​ម្ចាស់​ស្រែ។
ដោយ អ៊ុក សាវបូរី
2011.06.30
Share on WhatsApp
Share on WhatsApp

អ្នកស្រី ជ័យ ផល្លា បាន​ឲ្យ​ដឹង​នៅ​ថ្ងៃ​ទី​៣០ មិថុនា ថា ប្ដី​គាត់​ឈ្មោះ ជុំ សុន អាយុ ៣៩​ឆ្នាំ និង​បង​ប្រុស​ឈ្មោះ ជុំ សន អាយុ​ជាង ៤០​ឆ្នាំ នៅ​ម៉ោង​ជាង ៩​ព្រឹក ថ្ងៃ​៣០ មិថុនា បាន​ទៅ​រារាំង​គ្រឿងចក្រ​ក្រុមហ៊ុន​សាណាន កុំ​ឲ្យ​ឈូស​ចូល​ដី​ស្រែ​គាត់ ក៏​ត្រូវ​អ្នក​ស្លៀកពាក់​យោធា​បាញ់​ឲ្យ​របួស និង​វាយ​ក្បាល​ប្ដី​គាត់ និង​បង​ថ្លៃ​គាត់​ដោយ​ដំបង បណ្ដាល​ឲ្យ​របួស​ទាំង ២​នាក់​បង​ប្អូន។

មេឃុំ​តាំងសំរោង លោក គង់ សឿន មាន​ប្រសាសន៍​ថា អាជ្ញាធរ​ខេត្ត​កំពង់ស្ពឺ ប្រគល់​ដី​ប្រមាណ ៩០០​ហិកតារ​នៅ​ឃុំ​ក្រាំងដីវ៉ាយ ឲ្យ​ក្រុមហ៊ុន​សាណាន ធ្វើការ​អភិវឌ្ឍ​តាំង​ពី​ឆ្នាំ​២០០៨​មក។ ក្រោយ​មក​អ្នក​ភូមិ​កកោះ ចំនួន ៣៦​គ្រួសារ ត្រូវ​កាត់​ពី​ឃុំ​ក្រាំងដីវ៉ាយ មក​ឲ្យ​ពលរដ្ឋ​ឃុំ​តាំងសំរោង តែ​ដី​ស្រែ​គាត់​នៅ​ឃុំ​ក្រាំងដីវ៉ាយ ដដែល​ទេ។ នៅ​ពេល​ដែល​ក្រុមហ៊ុន​សាណាន ប្រើ​គ្រឿងចក្រ​ចូល​ឈូស​ដី អ្នក​ភូមិ​លើក​គ្នា​ទៅ​ការពារ​ដី ស្រាប់​តែ​ខាង​ក្រុមហ៊ុន​សាណាន ប្រើ​អាវុធ​ និង​ដំបង បាញ់​និង​វាយ​បណ្ណាល័យ​ឲ្យ​អ្នក​ភូមិ​របួស​ដៃ​ឆ្វេង​ម្នាក់ និង​វាយ​ដំ​បន្ថែម​ឲ្យ​របួស​ម្នាក់​ទៀត។

វិទ្យុ​អាស៊ីសេរី មិន​អាច​ទាក់ទង​ក្រុមហ៊ុន​សាណាន ជម្រាប​សួរ​ព័ត៌មាន​បាន​ទេ។ ក្រុម​គ្រួសារ​ជន​រងគ្រោះ​បាន​ឲ្យ​ដឹង​ថា អាវុធហត្ថ​ខេត្ត​កំពង់ស្ពឺ កំពុង​យក​ចិត្ត​ទុក​ដាក់​ជួយ​ជន​រងគ្រោះ៕

រឿង​ដែល​គេ​អាន​​ច្រើន​បំផុត
ព័ត៌មាន​ថ្មីៗ
​ប្រតិភូ​ខ្មែរ​ក្រោម​​ប្រាប់​សន្និសិទ​អន្តរ​សាសនា​ស្តី​ពី​ការ​រំលោភ​សិទ្ធិ​សាសនា​ខ្មែរ​ក្រោម​
បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

មតិយោបល់៖

Anonymous
Jun 30, 2011 03:03 AM

ក្រុមហ៊ុនភាគច្រើន សុទ្ធតែជារបស់អ្នកមានអំណាច គេមានលទ្ធភាពក្នុងការប្រមូលភៅកផលជាតិ ជាពិសេសដីធ្លី បើទោះបីជាការរំលោភលើទ្រព្យសម្បត្តិរបស់ប្រជារាស្រ្តស្លូតត្រង់ក្តី។​ដូច្នេះប្រជារាស្រ្តខេត្តកំពង់ស្ពឺ​ សូមបោះឆ្នោតឲ្យSRP ដើម្បីទទួលបាននូវភាពយុត្តិធម៌ក្នុងជីវិត។