លោក សម រង្ស៊ី៖ ​លោក ហ៊ុន សែន នឹង​មិន​ប្ដឹង​លោក​ទៅ​តុលាការ​បារាំង​ឡើយ ព្រោះ​ខ្លាច​ចាញ់​ក្ដី

ដោយ ទីន ហ្សាការីយ៉ា
2019-06-17
អ៊ីម៉ែល
មតិ
Share
បោះពុម្ព
លោក ហ៊ុន សែន ប្រធាន​គណបក្ស​ ប្រជាជន​កម្ពុជា និង​លោក សម រង្ស៊ី ប្រធាន​ស្ដីទី​គណបក្ស​ សង្គ្រោះ​ជាតិ។
លោក ហ៊ុន សែន ប្រធាន​គណបក្ស​ ប្រជាជន​កម្ពុជា និង​លោក សម រង្ស៊ី ប្រធាន​ស្ដីទី​គណបក្ស​ សង្គ្រោះ​ជាតិ។
រូប៖ ហ្វេសប៊ុក លោក ហ៊ុន សែន និង RFA/Sorn Chanratha

មេ​ដឹក​នាំ​គណបក្ស​សង្គ្រោះ​ជាតិ​ លោក សម រង្ស៊ី ជំរុញ​ជា​ថ្មី​ទៀត​ឱ្យ​លោក ហ៊ុន សែន ប្តឹង​លោក​ទៅ​តុលាការ​ប្រទេស​បារាំង​ ជុំ​វិញ​រឿង​មរណភាព​លោក ហុក​ ឡងឌី និង​ឃាតកម្ម​ធំៗ​ ជាច្រើន​ករណី​ទៀត។ លោក​នៅ​តែ​ចោទប្រកាន់​ថា លោក ហ៊ុន សែន គឺ​ជា​អ្នក​ស្ថិត​នៅ​ពី​ក្រោយ​ខ្នង​អំពើ​ឃាតកម្ម​ និង​ឧក្រិដ្ឋ​ជា​ច្រើន​ករណី​ ចាប់​ពី​ទសវត្សរ៍​ទី៩០ រហូត​មក​ដល់​ពេល​បច្ចុប្បន្ន។ ទោះ​ជា​យ៉ាង​ណា របប​លោក ហ៊ុន សែន អះអាង​ថា របប​នេះ​មិន​ចាប់​អារម្មណ៍​នឹង​ការ​លើក​ឡើង​របស់​លោក​ សម រង្ស៊ី​ ឡើយ។

ប្រធាន​ស្តី​ទី​គណបក្ស​សង្គ្រោះជាតិលោក សម រង្ស៊ី ​អះអាង​ថា លោក​បាន​ទទួល​ដំណឹង​ពី​ប្រភព​ជិត​ស្និទ្ធ​របស់​លោក​ លោក​ ហ៊ុន សែន ថា មេ​ដឹក​នាំ​ក្រាញ​អំណាច​រូប​នេះ នឹង​មិន​ហ៊ាន​ប្ដឹង​លោក​ទៅ​តុលាការ​ប្រទេស​បារាំង​ឡើយ ដោយ​សារ​បារម្ភ​ខ្លាច​ចាញ់​ក្តី​ ព្រោះ​លោក​មាន​ភស្តុតាង​គ្រប់គ្រាន់​ដែល​បង្ហាញ​ថា លោក ហ៊ុន សែន ពិត​ជា​អ្នក​នៅពី​ក្រោយ​ខ្នង​សំណុំ​រឿង​​ឃាតកម្ម​ និង​អំពើ​ឧក្រិដ្ឋ​ជា​ច្រើន​ករណី​នោះ​មែន។

ទោះ​ជា​យ៉ាង​ណា លោក​នៅ​តែ​ទទូច​ឱ្យ​លោក​ ហ៊ុន សែន ប្ដឹង​លោក​ទៅ​តុលាការ​បារាំង​ដដែល ព្រោះ​បើ​លោក​ ហ៊ុន សែន មិន​ប្ដឹង​រូប​លោក​ទេ នោះ​មាន​ន័យ​ថា អតីត​កម្មាភិបាល​ខ្មែរ​ក្រហម​រូប​នេះ ទទួល​ស្គាល់​ថា ខ្លួន​ពិត​​ជា​ឃាតក​សម្លាប់​លោក ហុក ឡងឌី យ៉ាង​ពិត​ប្រាកដ​។ លោក​ថ្លែង​បែបនេះ នៅ​ក្នុង​វីដេអូ​ឃ្លីប​​រយៈ​ពេល​១០ នាទី ដែល​លោក​បាន​បង្ហោះ​នៅ​លើ​បណ្ដាញ​សង្គម​ហ្វេសប៊ុក (Facebook) កាល​ថ្ងៃទី១៥ មិថុនា កន្លងទៅ«បើ​លោក ហ៊ុន សែន សឿង​ ត្រូវ​តែ​ប្ដឹង​ខ្ញុំ​ដាច់​ខាត បើ​មិន​យ៉ាង​ដូច្នេះ​ទេ គឺ​លោក ហ៊ុន សែន​ សារភាព​ថា គាត់​ជា​ឃាតក​ពិត​ប្រាកដ។ កាយ​វិការ​របស់​គាត់ ដែល​ថា​ម្ដង​ប្ដឹង ​តែ​បែរ​ជា​មិន​ហ៊ាន​ប្ដឹង​ខ្ញុំ​វិញ មាន​ន័យ​ថា លោក ហ៊ុន សែន គាត់​សារភាព​ថា គាត់​បាន​សម្លាប់​លោក ហុក ឡងឌី យ៉ាង​ពិត​ប្រាកដ»

កាល​ពេល​ថ្មីៗនេះ លោកនាយក​រដ្ឋ​មន្ត្រី ហ៊ុន សែន បាន​បញ្ជា​ឱ្យ​មេធាវី​សិក្សា​ផ្លូវ​ច្បាប់ ដើម្បី​​ប្ដឹង លោក សម រង្ស៊ី ទៅ​តុលាការ​ប្រទេស​បារាំង ករណី​មេ​បក្ស​ប្រឆាំង​រូប​នេះ ចោទ​លោក​ថា បាន​សម្លាប់​លោក ហុក ឡងឌី ដែល​ជា​ដន្លង​របស់​ខ្លួន។ លោក សម រង្ស៊ី បាន​អះអាង​ថា អតីត​អគ្គស្នង​ការ​នគរបាល​ជាតិ​រូប​នេះ ត្រូវ​បាន​លោក ហ៊ុន សែន សម្លាប់​បំបិទ​មាត់ ដោយ​សារ​តែ​លោក​គ្រោង​លាត​ត្រដាង​រឿង​លោក ហ៊ុន សែន បញ្ជា​ឱ្យ​សម្លាប់​ថ្នាក់​ដឹក​នាំ​សហជីព​លោក ជា វិជ្ជា ប្រាប់​ទៅ​សហគមន៍​អន្តរជាតិ។

មេធាវី​តំណាង​ដោយ​អាណត្តិ​របស់​លោក ហ៊ុន សែន គឺ​លោក​ គី តិច សុំ​មិន​ធ្វើ​អត្ថាធិប្បាយ​រឿង​ប្តឹង​ផ្តល់​លោក សម រង្ស៊ី ទៅ​តុលាការ​បារាំង នៅ​ពេល​នេះ​ឡើយ។ លោក​ប្រាប់​អាស៊ី​សេរី​ដោយ​ខ្លី​ថា លោក​នឹង​ជម្រាប​ជូន​រឿង​នេះ​ នៅ​ពេល​ក្រោយ​ បន្ទាប់​ពី​មាន​ការ​សម្រេច​ផ្លូវ​ការ​ណា​មួយ៖ «បញ្ហា​ហ្នឹង ខ្ញុំ​អត់​ទាន់​និយាយ​បាន​ទេ ចាំ​ខ្ញុំ​ពិភាក្សា​គ្នា​កិច្ច​ការងារ​ហ្នឹង។ ដល់​ចេញ​មក បាន​យើង​អាច​និយាយ​បាន​។ ការងារ​របស់​មេធាវី ពេល​ខ្លះ​វា​ត្រូវ​​មាន​ការ​រក្សា​ការ​សម្ងាត់​វិជ្ជាជីវៈ»

ក្រៅ​ពី​សង្កត់​ធ្ងន់​ករណី​លោក ហុង ឡង់ឌី នេះ លោក​ សម រង្ស៊ី ក៏​បាន​បរិហារ​ដោយ​ឥត​សំចៃ​មាត់​ផង​ដែរ​ថា អ្នក​ស្រី ប៊ុន រ៉ានី ហ៊ុន សែន គឺ​ជា​អ្នក​ដែល​បាន​បញ្ជា​ឱ្យ​ឃាតក​សម្លាប់​សិល្បការិនី ដ៏​ល្បី​ឈ្មោះ​ គឺ​អ្នក​ស្រី ពិសិដ្ឋ​ ពិលីកា កាល​ពី​ឆ្នាំ១៩៩៩ ដោយ​សារ​តែ​ភ្លើង​ប្រចណ្ឌ ហើយ​លោក ហ៊ុន សែន បាន​ជួយ​ការពារ​ភរិយា​ពី​អំពើ​ឧក្រិដ្ឋ​នេះ ​ រហូត​មក​ដល់​បច្ចុប្បន្ន​​។ ក្រៅពី​នេះ លោ​កថា លោក ហ៊ុន សែន គឺ​ជា​អ្នក​ដែល​បាន​បញ្ជា​ឱ្យ​សម្លាប់​អ្នកស្រាវជ្រាវ​ការ​អភិវឌ្ឍ​សង្គម ​បណ្ឌិត កែម ឡី រួច​រៀប​ចំ​ឆាក​ល្ខោន​ឱ្យ​បុគ្គល ជួប សម្លាប់ ​ទទួល​ទោស​តែ​ម្នាក់​ឯង។ បន្ថែម​ពី​លើ​នេះ​ លោក​ក៏​បាន​ចោទ លោក ហ៊ុន សែន ថា ​​ជា​អ្នក​នៅ​ពីក្រោយ​ខ្នង​នៃ​ព្រឹត្តិការណ៍​គប់​គ្រាប់​បែក​ចូល​ហ្វូង​បាតុករ ប៉ុនប៉ង​សម្លាប់​រូប​លោក​ កាល​ពី​ចុង​ខែ​មីនា ឆ្នាំ១៩៩៧ នោះ ផង​ដែរ៖ «ប្រជារាស្ត្រ​ខ្មែរ​ថ្លៃ​ថ្នូរ មិន​គួរ​បណ្ដោយ​ឱ្យ​គ្រួសារ​ឃាតក​ដឹកនាំ​ប្រទេស​បែប​នេះ​ទេ។ ប្រជា​រាស្ត្រ​ខ្មែរ​ត្រូវ​លើក​ស្ទួយ​កិត្តិយស​របស់​ខ្លួន​ គឺ​ត្រូវ​បំបាត់​ចោល​របប​ផ្ដាច់​ការ​ របប​ក្បត់​ជាតិ ដឹក​នាំ​ដោយ​ ហ៊ុន សែន និង​ក្រុម​គ្រួសារ ហ៊ុន សែន ដែល​ជា​ក្រុម​គ្រួសារ​ឃាតក«

អ្នក​នាំ​ពាក្យ​រដ្ឋាភិបាល​កម្ពុជា លោក ផៃ ស៊ីផាន ថ្លែង​ថា ការ​លើក​ឡើង​ទាំង​ឡាយ​របស់​លោក សម រង្ស៊ី នេះ គ្រាន់​តែ​ជា​ការ​ទាក់ទាញ​ចំណាប់​អារម្មណ៍​របស់​មហាជន​ប៉ុណ្ណោះ មិន​មាន​តម្លៃ​អ្វី​ដែល​លោក​ត្រូវ​ឆ្លើយ​តប​នោះ​ឡើយ៖ «គាត់​គ្រាន់​តែ​ជា​ត្លុក​បម្រើ​ពាណិជ្ជកម្ម​ដល់​អ្នក​សារព័ត៌មាន​ទាល់​តែ​សោះ ដូច​គ្មាន​តម្លៃ​ គ្មាន​អ្វី​ទម្ងន់​ត្រូវ​ឆ្លើយ​ឆ្លង​ជាមួយ​គាត់​នោះ​ទេ»

លោក ហ៊ុន សែន កាន់អំណាចរយៈពេលប្រមាណ៤០ឆ្នាំមកនេះ ក្រៅ​ពី​មាន​អំពើ​ឃាតកម្ម​ទៅ​លើ​អ្នក​រិះគន់ និង​ចាប់​មនុស្ស​មួយ​ចំនួន​ដាក់​ពន្ធនាគារ​នោះ របប​របស់​លោក ក៏​ចាប់​ចង​មន្ត្រី​ក្នុង​ជួរ​គណបក្ស​របស់​លោក​ដែរ ដូច​ជា ករណី​ចាប់​អតីត​ប្រធាន​អង្គរក្ស  និង​ប្រធាន​ពិធីការ​លោក​ជា ស៊ីម ដាក់​ពន្ធនាគារ ដែល​មតិ​ខ្លះ​ចាត់​ទុក​ថា ការ​ចាប់​ដាក់​ពន្ធនាគារ និង​ដក​តំណែង​នោះ គឺ​ជា​ការ​បន្សាប​ឥទ្ធិពល​សែ​ស្រឡាយ​លោក ជា ស៊ីម ដែល​ជា​ប្រធាន​គណបក្ស ប្រជាជន​កម្ពុជា នៅ​ពេល​នោះ ដើម្បី​ពង្រឹង​អំណាច​ផ្ទៃ​ក្នុង​បក្ស​របស់​ក្រុម​បក្ខពួក​លោក។

លោក សម រង្ស៊ី អះអាង​ថា លោក ឌី វិជ្ជា ​កំពុង​គិតគូរ​​ផែនការ​សង​សឹក​ឲ្យ​ឪពុក​លោក​នេះ គឺ​មាន​ការ​គាំទ្រ​ពី លោក ស ខេង ដែរ​ព្រោះ​លោក ស ខេង ក៏​ដឹង​ខ្លួន​ដែរ​ថា ​លោក ហ៊ុន សែន កំពុង​​រៀបចំ​ផែន​ការ​កម្ចាត់​លោក គឺ​ដក​ដំណែង​ដែរ ដើម្បីឲ្យ​ប្រាកដ​ថា គ្មាន​នរណា​អាច​រារាំង​ផែនការ​លើក​បន្តុប​​​កូន​ប្រុស​ទាំង​៣របស់លោក ហ៊ុន សែន គឺ​លោក ហ៊ុន ម៉ាណែត លោក ហ៊ុន ម៉ានិត និង លោក​ ហ៊ុន ម៉ានី ឲ្យ​បន្ត​វេន​ពី​លោក។

មន្ត្រី​សិទ្ធិ​មនុស្ស​មើល​ឃើញ​ថា ភាព​ចម្រូង​ចម្រាស់​នេះ គឺ​ដោយ​សារ​តែ​សំណុំ​រឿង​ឧក្រិដ្ឋ​ធំៗ ទាំង​នេះ មិន​ទាន់​មាន​យុត្តិធម៌ ទើប​វា​ក្លាយ​ទៅ​ជា​ការ​ចោទ​ប្រកាន់​ខាង​នយោបាយ​ទៅ​វិញ។

នាយក​រង​ទទួល​បន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ លីកាដូ (LICADHO) លោក អំ សំអាត កត់​សម្គាល់​ថា ករណី​ឃាតកម្ម​ទៅលើ​បុគ្គល​សំខាន់ៗ នា​ពេល​កន្លងមក​ មិន​មាន​ការ​ស៊ើបអង្កេត​ត្រឹម​ត្រូវ​ឡើយ ហើយ​ឃាតក​ពិត​ក៏​មិន​ត្រូវ​បាន​នាំ​យក​មក​កាត់​ទោស​ដែរ។ ហេតុ​ដូច្នេះ លោក​ជឿជាក់​ថា ករណី​ទាំង​នេះ​ប្រាកដ​ជា​មាន​ជាប់​ពាក់ព័ន្ធ​នឹង​បុគ្គល​មាន​អំណាច​ ហើយ​ភាគ​ច្រើន​ជាប់​ពាក់ព័ន្ធ​នឹង​រឿង​​នយោបាយ​។ លោក​យល់​ថា ប្រសិន​បើ​ថ្នាក់​ដឹក​នាំ​រដ្ឋាភិបាល​ប្ដឹង​មេ​បក្ស​ប្រឆាំង​ទៅ​តុលាការ​បារាំង នោះ​វា​នឹង​រួម​ចំណែក​ធ្វើ​ឱ្យ​សំណុំ​រឿង​ឧក្រិដ្ឋ​ទាំង​នេះ​មាន​ដំណើរ​ការ ឬ​អាច​មាន​យុត្តិធម៌​ ក៏​ថា​បាន៖ «បើ​ប្ដឹង​ទៅ​ ក៏​វា​អាច​ជំរុញ​ឈាន​ទៅ​រក​យុត្តិធម៌ ទៅ​រក​ការ​ពិត​រឿង​ករណី​ពី​មុនៗ មក​ហ្នឹង ដើម្បី​ឆ្ពោះ​មក​រក​ការ​ប្ដឹង​ផ្ដល់​គ្នា​នេះ ដើម្បី​ស្វែង​រក​យុត្តិធម៌​ហ្នឹងឯង»

ជាង ២​ទសវត្សរ៍​ចុង​ក្រោយ កម្ពុជា​ហែល​ឆ្លង​​មិន​ផុត​ពី​អំពើ​ឃាតកម្ម និង​ការ​កាប់​សម្លាប់​មនុស្ស​ក្រៅ​ប្រព័ន្ធ​ច្បាប់​ឡើយ ដោយ​សារ​តែ​អំពើ​និទ្ទណ្ឌភាព ឬ​ទម្លាប់​ឱ្យ​ជន​ល្មើស​រួច​ទោស ហើយ​ក្ដី​ស្រមៃ​​ក្លាយ​​ជា​សង្គម​នីតិរដ្ឋ​នោះ ក៏​មិន​ទាន់​លេច​ចេញ​ជា​រូប​រាង​នៅឡើយ​ដែរ។ គិត​ពី​​ឆ្នាំ១៩៩៣ ពេល​ដែល​កម្ពុជា​ចាប់​អនុវត្ត​លទ្ធិ​ប្រជាធិបតេយ្យ​ជា​ផ្លូវការ រហូត​មក​ដល់​ពេល​បច្ចុប្បន្ន​ មាន​មនុស្ស​រាប់​រយ​នាក់​ហើយ ដែល​ត្រូវ​បាន​គេ​ធ្វើ​ឃាត និង​សម្លាប់​ក្រៅ​ច្បាប់។ ជន​រងគ្រោះ​ទាំងនោះ សុទ្ធ​សឹង​ជា​បុគ្គល​សំខាន់ៗ​ ដូចជា អ្នក​នយោបាយ សកម្មជន​បរិស្ថាន មេ​សហជីព អ្នក​វិភាគ និង​អ្នក​សារព័ត៌មាន​ ជាដើម ដែល​សកម្មភាព​របស់​ពួក​គេ​ច្រើន​តែ​ប៉ះពាល់​ដល់​ប្រជាប្រិយភាព​របស់​គណបក្ស​កាន់​អំណាច និង​លោក ហ៊ុន សែន​ ផ្ទាល់។ ករណី​ខ្លះ​ដែល​ឃាតក​​ត្រូវ​គេ​ស្គាល់ ប៉ុន្តែ​ពុំ​ត្រូវ​ស៊ើបអង្កេត ចោទ​ប្រកាន់ ឬ​ដាក់​ទោស​ឡើយ នេះ​បើ​យោង​តាម​របាយការណ៍​សិទ្ធិ​មនុស្ស​អន្តរជាតិ​ Human Rights Watch

អ្នកការពារ​សិទ្ធិមនុស្ស លោក អំ សំអាត ថ្លែង​ថា ប្រសិន​បើ​ថ្នាក់​ដឹកនាំ​រដ្ឋាភិបាល មិន​ចង់​ឱ្យ​មាន​ការ​រិះគន់​ក្នុង​សំណុំ​រឿង​ឧក្រិដ្ឋ​ទាំងនេះ​ទេ នោះ​រដ្ឋាភិបាល​ត្រូវ​តែ​នាំ​ខ្លួន​ឧក្រិដ្ឋជន​ និង​អ្នក​ពាក់ព័ន្ធ​ក្នុង​សំណុំ​រឿង​ទាំងនេះ យក​មក​ផ្ដន្ទាទោស​តាម​ផ្លូវ​ច្បាប់ ដើម្បី​ផ្ដល់​យុត្តិធម៌​ដល់​ជន​រងគ្រោះ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
Share

C.Sophara+others

Everybody have to be smarter and lure him to come out of wood,or beyond of a dark lace that u all can see him clearly with welcome him at abroad that everything u can do it "phishing a big fish rather than a small one",keep changes your political strategy with deploy a new strategy decoys to catch this monster man.

Jun 19, 2019 12:14 PM

1,750,000 millions Khmer workers would face a bigest layoff after EBA/GPS sanctions coming and lead to catastrophic...if tmil Hun Sen still bullying with the west

If,no NVC's war aggression of Cambodia on January 7,1979,there is no have tmil Hun Sen's family clans today.No have tmil HS unofficial pm since 1979-1985 to today there is no have tmil HS's son adopter Hun Maneth today,and if have no tmil HS unofficial pm since 1979,there is have no Hun Maneth at the Westpoint academy today.If,tmil HS wasn't coup 1985-1997-2013-2018,there are all tmil HS children can't became a criminal business conspiracy,or can't goes to learn at the western world at all.If,tmil HS was a farmer might all his children will go to monk school like he was a childhood.If,have no tmil HS today then Hun Maneth can't promote him to a 3 stars general at all.If,have no tmil HS today there is have no ton of criminals today.There are a lot of smart and great khmer leaders before tmil HS unofficial pm took the power...and there are a lot of smarts and great khmer leaders after tmil HS"no anybody care whatever the hell tmil HS said".This tmil HS argued to the opposition party members said...please make your face to be thinner rather than thicker,but millions pple said to tmil HS,in fact u are the first ones to be thickness of your face in the last 40 years repression.

Jun 19, 2019 11:56 AM

tmil HS's karma cycle is approaching

Let the beast"HS" comes out of the wood first and then he can surrender to ICC and everything will solved.Be smart pple let this evil monster come out of the jungle first and keep phishing him until he leaves out of P Penh and then every pple can do whatever they want.

Jun 17, 2019 04:06 PM

The international lawyers will arrest him and send him to face ICC justice

Forget this stupid moron"HS"don't let this evil try to says other thing,just keep hit him and haunting him daily life until he get emergency life treatment.He's very sicks man now,exhausted,brain tumor,high blood pressure,diabetic,drug addiction,alcoholic,silly elder man,fears his ccp members will kill him,poison of power,psychopath,sleep disorder,criminal minds,war criminal conspiracy with faces many serious consequences when the EBA/GPS economic sanctions approaching

Jun 17, 2019 03:54 PM

គេហទំព័រ​ទាំងមូល