អតីតសកម្មជនបឹងកក់ និងជាអ្នកចូលរួមតវ៉ាទាមទារយុត្តិធម៌សង្គមលោកស្រី សាត ផា ត្រូវបានអាជ្ញាធរដោះលែងចេញពីពន្ធនាគាររាជធានីភ្នំពេញ ឬប៉េហ្ស៊ី(PJ)ហើយនៅថ្ងៃទី២៨ ខែតុលានេះ។
ការដោះលែងនេះ គឺបន្ទាប់ពីលោកស្រីបានជាប់ឃុំគ្រប់ចំនួនកំណត់ រយៈ១២ខែ។
អាជ្ញាធរបានចូលចាប់ខ្លួនលោកស្រី សាត ផា ដល់ក្នុងមន្ទីរពេទ្យ កាលពីថ្ងៃទី២៧ ខែតុលា ឆ្នាំ២០២០ ពេលលោកស្រីកំពុងសម្រាកព្យាបាលរបួសជើង។ របួសជើងនោះបង្កឡើងដោយក្រុមសន្តិសុខសាលារាជធានី ដែលបានប្រើហិង្សាលើលោកស្រីអំឡុងការតវ៉ាដោយសន្តិវិធីនៅមុខស្ថានទូតចិនកាលពីថ្ងៃទី២៣ ខែតុលា ឆ្នាំ២០២០។ តុលាការក្រុងភ្នំពេញបានផ្ដន្ទាទោសលោកស្រីដាក់ពន្ធនាគារមួយឆ្នាំពីបទ « ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម »។
លោកស្រី សាត ផា ថ្កោលទោសចំណាត់ការទាំងឡាយលើលោកស្រី និងចាត់ទុកករណីនេះថា ជារឿងអយុត្តិធម៌៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។