គណបក្សភ្លើងទៀន សោកស្តាយដែលក្រុមប្រឹក្សាធម្មនុញ្ញសម្រេចបិទផ្លូវតវ៉ាមិនអនុញ្ញាតឱ្យគណបក្សនេះចូលរួមប្រកួតប្រជែងការបោះឆ្នោតជាតិខែកក្កដាខាងមុខ។
សេចក្តីថ្លែងការណ៍របស់គណបក្សភ្លើងទៀន ផ្សាយថ្ងៃទី២៥ ខែកក្កដា ថា សេចក្តីសម្រេចនេះ រំលោភច្បាប់ស្ដីពីការបោះឆ្នោតជ្រើសតាំងតំណាងរាស្ត្រ រំលោភច្បាប់ស្ដីពីការរៀបចំ និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត (គ.ជ.ប) និងរំលោភនីតិវិធីនានាពាក់ព័ន្ធនឹងការបោះឆ្នោត។
សេចក្តីថ្លែងការណ៍ដដែលថា ការមិនឱ្យគណបក្សភ្លើងទៀនចូលរួមប្រកួតប្រជែងការបោះឆ្នោតជាតិនាខែកក្កដាខាងមុខនេះ ធ្វើឡើងផ្ទុយពីស្មារតីនៃកិច្ចព្រមព្រៀងក្រុងប៉ារីស និងប៉ះពាល់ដល់សិទ្ធិក្នុងការចូលរួមការបោះឆ្នោត សិទ្ធិបោះឆ្នោត និងឈរឈ្មោះបោះឆ្នោត ព្រមទាំងប៉ះពាល់ដល់សិទ្ធិ និងការសម្រេចចិត្តក្នុងការចូលរួមបោះឆ្នោតជ្រើសតាំងតំណាងរាស្ត្រស្របតាមឆន្ទៈរបស់ប្រជាពលរដ្ឋ ជាពិសេសពលរដ្ឋខ្មែរប្រមាណជិត ២លាននាក់ ដែលបានបោះឆ្នោតគាំទ្រគណបក្សភ្លើងទៀន កាលពីការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០២២ កន្លងទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។