សង្គមស៊ីវិល ជំរុញឲ្យអភិបាលរងខេត្តព្រះសីហនុថ្មី ខិតខំដោះស្រាយទំនាស់ដីធ្លីដោយយុត្តិធម៌ និងតម្លាភាព
2019.03.15
កងយោធាខេត្តព្រះសីហនុ យារកាំភ្លើងវាយអ្នកតវ៉ារឿងដី ដែលជាប់ចំណងស្លាបសេកទៅក្រោយ កាលពីថ្ងៃទី២៤ ខែមករា ឆ្នាំ២០១៩។
រូបថត៖ ហ្វេសប៊ុក Chhun Vean Khmer
សង្គមស៊ីវិល ស្នើសុំអភិបាលរងខេត្តព្រះសីហនុថ្មីទាំងពីររូបដែលទើប ត្រូវបានអនុក្រឹត្យ តែងតាំងជំនួសអភិបាលរងខេត្តចាស់ពីររូប ដែលដកហូតដំណែងពាក់ព័ន្ធនឹងវិវាទដីធ្លីនោះ ខិតខំដោះស្រាយបញ្ហាដោយប្រុង ប្រយ័ត្ន មានយុត្តិធម៌ និងតម្លាភាពត្រឹមត្រូវ។
មន្ត្រីសម្របសម្រួលសមាគម អាដហុក ប្រចាំខេត្តព្រះសីហនុ អ្នកស្រី ជៀប សុធារី លើកឡើងថា នៅពេលខេត្តព្រះសីហនុ មានការអភិវឌ្ឍន៍ខ្លាំងនោះ គឺមានបញ្ហាជាច្រើនបានកើតឡើងដែរ ដូចជា បញ្ហាទំនាស់ដីធ្លី បញ្ហាចាក់ដី លុបឆ្នេរ បញ្ហាខ្វះទឹកប្រើប្រាស់ និងបញ្ហាគ្រប់គ្រងសំរាមជាដើម។ អ្នកស្រីសង្ឃឹមថា អភិបាលរងខេត្តព្រះសីហនុថ្មីនេះ នឹងមានសមត្ថភាពដោះស្រាយបញ្ហា ដែលកំពុងកើតឡើងដោយប្រសិទ្ធភាព និងប្រកបដោយ យុត្តិធម៌៖ «ខ្ញុំសង្ឃឹមថា រដ្ឋាភិបាលនៅពេលលោកជ្រើសរើសមនុស្សមក ដើម្បីប្រគល់ជូននូវតួនាទីដ៏សំខាន់នេះ នៅពេលខេត្តព្រះសីហនុ កំពុងមានការអភិវឌ្ឍខ្លាំងហើយទន្ទឹមនេះ ក៏មានបញ្ហាច្រើនដែរ ដូច្នេះលោកមកទទួលដំណែងនេះ លោកនឹងយកចិត្តទុកដាក់ធ្វើការងារ ដើម្បីបម្រើប្រជាពលរដ្ឋ ហើយនឹងរួមគ្នា ដើម្បីដោះស្រាយបញ្ហាទាំងឡាយដែលកើតមាន»។
ការស្នើសុំនេះ បន្ទាប់ពីរបបក្រុងភ្នំពេញ បានចេញអនុក្រឹត្យផ្ទេរភារកិច្ចអភិបាលរងខេត្តឧត្តរមានជ័យ លោក លៀម សុដា និងតែងតាំងមន្ត្រីក្របខ័ណ្ឌគ្រប់គ្រងរដ្ឋបាលក្រសួងពាណិជ្ជកម្ម លោក ម៉ាង ស៊ីណេត ឲ្យកាន់មុខតំណែងជាអភិបាលរងខេត្តព្រះសីហនុ ជំនួសលោក ស្រ៊ុន ស្រ៊ន់ និងលោក ផៃ ប៊ុនវណ្ណៈ ដែលត្រូវបានដកតំណែងដោយសារពាក់ព័ន្ធវិវាទដីធ្លី។
អភិបាលខេត្តព្រះសីហនុ លោក យន្ត មីន ប្រាប់អាស៊ីសេរីយ៉ាងខ្លីថា ពិធី តែងតាំងផ្លូវការនឹងត្រូវធ្វើឡើងនៅថ្ងៃទី១៨ ខែមីនា៖ «នែ..ធ្វើឡើងនៅថ្ងៃទី១៨ ។ សុំទោសខ្ញុំជាប់ប្រជុំ»។
កាលពីថ្ងៃទី១ ខែមីនា លោក ហ៊ុន សែន បានសម្រេចដកហូតដំណែង លោក ស៊្រុន ស្រ៊ន់ និងលោក ផៃ ប៊ុនវណ្ណៈ ពីតួនាទីអភិបាលរងខេត្តព្រះសីហនុ បន្ទាប់ពីប្រើប្រាស់កងកម្លាំងចម្រុះបង្ក្រាបដ៏ហិង្សាលើអ្នកតវ៉ាដីធ្លី នៅស្រុកព្រៃនប់ បណ្ដាលឲ្យពលរដ្ឋម្នាក់ត្រូវគ្រាប់កាំភ្លើងរបួសធ្ងន់ និងមួយចំនួនទៀតរបួសស្រាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កញ្ញា ឈឹម ស៊ីថរ រក្សាជំហរតស៊ូ ដើម្បីសេរីភាពសហជីព និងការពារផលប្រយោជន៍កម្មករក្រោយមានសេរីភាព
- ហេតុអ្វីបានជាអាមេរិកដាក់ទណ្ឌកម្ម «ស្តេចកោះកុង»?
- ក្រសួងការបទេស និងគណបក្សប្រជាជនកម្ពុជាចាត់ទុកថា ជារឿងអយុត្តិធម៌ ដែលក្រសួងរតនាគារសហរដ្ឋអាមេរិកដាក់ទណ្ឌកម្មលើលោក លី យ៉ុងផាត់
- សមត្ថកិច្ចចាប់ខ្លួន លោក ហោ សុខុន អតីតព្រះចៅអធិការវត្តច្បារអំពៅ និងមនុស្ស ៣ទៀត
អត្ថបទពេញនិយម
នយោបាយ
- គណបក្សកម្លាំងជាតិបោះឆ្នោតជ្រើសតាំងលោក ជា មុនី ធ្វើជាប្រធានបក្ស
- អ្នកឃ្លាំមើលថា កម្ពុជាខាតបង់ផលប្រយោជន៍ធំធេង ក្រោយពេលស៊ុយអែតបិទស្ថានទូតនៅក្រុងភ្នំពេញ
- អ្នកឃ្លាំមើលថា លោក ហ៊ុន សែន និងលោក ហ៊ុន ម៉ាណែត អសមត្ថភាពក្នុងការដោះស្រាយបញ្ហា ទើបប្រកាសធ្វើច្បាប់ចោទអ្នករិះគន់ថា ជាក្រុមភេរវកម្ម
- ហេតុអ្វីបានជាលោក ហ៊ុន សែន មិនហ៊ានក្អកជាមួយវៀតណាមក្នុងរឿង CLV?
- មន្ត្រីបក្សប្រឆាំង និងសង្គមស៊ីវិល រិះគន់រដ្ឋមន្ត្រីក្រសួងមហាផ្ទៃ ដែលណែនាំនគរបាលឲ្យបន្តបង្ក្រាបអ្នកប្រឆាំង