លោក ហ៊ុន សែន ប្រកាស​ថា​កម្ពុជា​នឹង​បន្ត​ប្រកួត​កីឡា​ជាតិ​រហូត​ដល់​ឆ្នាំ​២០២២

ដោយ ប្រាជ្ញ ចេវ
2016.11.05
Share on WhatsApp
Share on WhatsApp
បិទ​កីឡា​ជាតិ​លើក​ទី​១ ៨៥៥ ២០១៦ ក្រុម​យុវជន​ចូល​រួម​ក្នុង​កម្មវិធី​បិទ​កម្មវិធី​កីឡា​ជាតិ​លើក​ទី​១ នា​ពហុ​កីឡដ្ឋាន​ជាតិ​អូឡាំពិក រាជធានី​ភ្នំពេញ នៅ​ថ្ងៃ​ទី​៥ ខែ​វិច្ឆិកា ឆ្នាំ​២០១៦។
RFA/Brach Chev

លោក​នាយក​រដ្ឋមន្ត្រី ហ៊ុន សែន ប្រកាស​ឲ្យ​ដឹង​ថា ប្រទេស​កម្ពុជា នឹង​មាន​រៀបចំ​ការ​ប្រកួត​កីឡា​ជាតិ​បន្ត​ទៀត​ក្នុង​ពីរ​ឆ្នាំ​ម្តង គឺ​នៅ​ឆ្នាំ​២០១៨ ឆ្នាំ​២០២០ និង​ឆ្នាំ​២០២២។ លោក​ថា ការ​ប្រកួត​នេះ គឺ​ដើម្បី​ឲ្យ​កម្ពុជា មាន​សមត្ថភាព​គ្រប់គ្រាន់​ធ្វើ​ជា​ម្ចាស់​ផ្ទះ​នៃ​ការ​ប្រកួត​កីឡា​ស៊ីហ្គេម (Sea Game) នៅ​ឆ្នាំ​២០២៣។

ការ​ពង្រឹង​សមត្ថភាព​កីឡា និង​ជំរុញ​ឲ្យ​មាន​ការ​ប្រកួត​គ្រប់​ក្រសួង​ស្ថាប័ន ត្រូវ​បាន​ប្រមុខ​រដ្ឋាភិបាល​អះអាង​ថា​នឹង​ធ្វើ​ឲ្យ​កីឡា​កម្ពុជា ឈាន​ទៅ​រក​ការ​ប្រកួត​ប្រជែង​មួយ​ក្នុង​ឋានៈ​ជា​រដ្ឋ​អធិបតេយ្យ និង​ជា​ប្រជាជាតិ​មួយ​ដែល​ស្មើ​ភាព និង​ស្មើ​សិទ្ធិ​ជាមួយ​ប្រទេស​នានា​លើ​ឆាក​អន្តរជាតិ។

លោក​នាយក​រដ្ឋមន្ត្រី ហ៊ុន សែន បាន​ជំរុញ​ឲ្យ​មាន​ការ​ប្រកួត​កីឡា​ពី​ថ្នាក់​មូលដ្ឋាន​ដល់​ថ្នាក់​ជាតិ ដើម្បី​ឲ្យ​វិស័យ​នេះ​មាន​ការ​រីក​ចម្រើន។ លោក​ថែម​ទាំង​ប្រាប់​ទៅ​ស្ថាប័ន​រដ្ឋ និង​ឯកជន ជួយ​ការ​គាំទ្រ​រាល់​សកម្មភាព​របស់​កីឡា៖ «»

តែ​ទោះ​យ៉ាង​ណា​ក្តី លោក​មិន​បាន​បង្ហាញ​គោល​នយោបាយ​ណា​មួយ ដើម្បី​លើក​ស្ទួយ​ដល់​ជីវភាព​របស់​កីឡាករ​ទេ។

លោក​នាយក​រដ្ឋមន្ត្រី ហ៊ុន សែន ប្រកាស​ដូច្នេះ​នៅ​ក្នុង​កម្មវិធី​បិទ​ការ​ប្រកួត​កីឡា​ជាតិ​លើក​ទី​១ នា​ពហុ​កីឡដ្ឋាន​ជាតិ​អូឡាំពិក នៅ​ល្ងាច​ថ្ងៃ​ទី​៥ ខែ​វិច្ឆិកា ដោយ​មាន​អ្នក​ចូលរួម​ច្រើន​ម៉ឺន​នាក់។

រដ្ឋមន្ត្រី​ក្រសួង​អប់រំ យុវជន និង​កីឡា លោក ហង់ ជួន ណារ៉ុន បង្ហាញ​របាយការណ៍​ថា ការ​ប្រកួត​មាន​ចំនួន ១៥​ប្រភេទ ១៨៩​វិញ្ញាសា មាន​កីឡា​ចូលរួម​ជិត ៣.០០០​នាក់ មក​ពី ២៥​ខេត្ត-រាជធានី។ កីឡាករ​កីឡាការិនី​ទាំងអស់ បាន​ដណ្ដើម​មេដាយ​ទាំង​បី​ប្រភេទ​សរុប​ចំនួន ១.២៤៥​គ្រឿង។

ក្នុង​ចំណោម​កីឡាករ​មក​ពី ២៥​រាជធានី-ខេត្ត​ដែល​ចូលរួម​ការ​ប្រកួត​នោះ មាន​តែ​ខេត្ត​ត្បូងឃ្មុំ ទេ​មិន​ទទួល​បាន​មេដាយ​អ្វី​ទាំងអស់។ ប្រការ​នេះ ធ្វើ​ឲ្យ​លោក ហ៊ុន សែន សម្ដែង​ការ​ភ្ញាក់​ផ្អើល​ចំពោះ​អាជ្ញាធរ​ខេត្ត​នេះ ដែល​មាន​ពលរដ្ឋ​ជិត ១​លាន​នាក់ ប៉ុន្តែ​កីឡា​រក​មេដាយ​ក្នុង​ការ​ប្រកួត​មិន​បាន៖ «»

លោក ហ៊ុន សែន ប្រាប់​ទៅ​អាជ្ញាធរ​ខេត្ត​នានា ឲ្យ​ប្រឹងប្រែង​ហ្វឹកហាត់​ដល់​កីឡាករ ដើម្បី​ពង្រឹង​សមត្ថភាព។ ការ​ប្រកួត​កីឡា​ជាតិ​លើក​ទី​១ របស់​កម្ពុជា ក្នុង​របប​ដឹកនាំ​រដ្ឋាភិបាល​ដោយ​លោក ហ៊ុន សែន មាន​រយៈពេល ១២​ថ្ងៃ គឺ​ចាប់​ពី​ថ្ងៃ​ទី​២៥ ខែ​តុលា ដល់​ថ្ងៃ​ទី​៥ ខែ​វិច្ឆិកា៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល