លោក ហ៊ុន សែន ថ្លែង​នៅ​មហាសន្និបាត​អ.ស.ប​ជា​លើកដំបូង ខណៈ​សហគមន៍​អន្តរជាតិ​ចោទ​សួរ​ពី​ភាព​ស្រប​ច្បាប់​របប​ថ្មី​របស់​លោក

មាន ឫទ្ធិ
2018-09-29
អ៊ីម៉ែល
មតិ
Share
បោះពុម្ព
លោក ហ៊ុន សែន ថ្លែងការណ៍​ក្នុង​មហា​សន្និបាទ​អង្គការ​សហប្រជាជាតិ កាល​​នៅ​ថ្ងៃ​ទី២៩ កញ្ញា ​២០១៨។
លោក ហ៊ុន សែន ថ្លែងការណ៍​ក្នុង​មហា​សន្និបាទ​អង្គការ​សហប្រជាជាតិ កាល​​នៅ​ថ្ងៃ​ទី២៩ កញ្ញា ​២០១៨។
Photo Screenshot

លោក ហ៊ុន សែន បាន​ឡើង​ថ្លែងការណ៍​នៅ​ឯ​សម័យប្រជុំ​លើក​ទី៧៣ របស់​មហាសន្និបាត​អង្គការសហប្រជាជាតិ នា​បូរី​ញ៉ូវយ៉ក សហរដ្ឋអាមេរិក នៅ​រសៀល​ថ្ងៃ​ទី២៨ កញ្ញា នៅ​សហរដ្ឋអាមេរិក ត្រូវ​នឹង​វេលា​ទាប​ភ្លឺ ឈាន​ចូល​ថ្ងៃទី ២៩ កញ្ញា ដោយ​ការពារ​ភាព​ស្របច្បាប់​នៃ​របប​ថ្មី​របស់​លោក។ នេះ​ជា​លើកទីមួយ​ហើយ ដែល​លោក​មាន​វត្តមាន​ទៅ​ថ្លែងការណ៍​នៅ​ឯ​សាល​ប្រជុំ​មហាសន្និបាត​របស់​អង្គការសហប្រជាជាតិ ក្រោយពី​លោក​បាន​រៀបចំ​ព្រឹត្តិការណ៍​បោះឆ្នោត ដែល​រង​ការ​ថ្កោលទោស​ពី​ជុំ​ទិស និង​ជម្នះ​រៀបចំ​រដ្ឋសភា និង​របប​ថ្មី​រួចមក។

ថ្លែង​ក្នុង​សភាព​នឿយហត់ និង​ហាក់​អស់កម្លាំង​នៅឡើយ ដោយសារ​ខុស​ពេល​វេលា​គ្នា ក្នុង​សុន្ទរកថា​រយៈពេល ១៨​នាទី នៅ​ចំពោះ​មុខ​ក្រុម​មេដឹកនាំ​ពិភពលោក លោក ហ៊ុន សែន បាន​ការ​ពារ​ភាព​ស្របច្បាប់​នៃ​របប​ថ្មី​របស់​លោក ដែល​លោក​ថា កើត​ចេញ​ពី​ការបោះឆ្នោត​ដោយ​សេរី ពហុបក្ស គ្មាន​ការ​បង្ខិតបង្ខំ និង​អាច​ជឿ​ទុកចិត្ត​បាន។ លោក ហៅ​ទង្វើ​អ្នក​ទាំងឡាយ​ណា​ដែល​ចោទសួរ​ពី​ភាព​ស្របច្បាប់​នៃ​ការបោះឆ្នោត​នេះ ថា​គឺជា​ការប្រមាថ​ដល់​ឆន្ទៈ​ប្រជាជន​កម្ពុជា៖ «ជា​ការពិត​ជម្រើស​ដោយ​សេរី របស់​ប្រជាជន​កម្ពុជា និង​លទ្ធផល​ប្រកប​ដោយ​ធម្មានុរូប នៃ​ការ​បោះឆ្នោត​នេះ មិនមែន​ជា​ប្រធានបទ​ដែល​ត្រូវ​ចោទសួរ ឬ​ពិភាក្សា​ដេញដោល​នោះ​ទេ។ ក៏ប៉ុន្តែ មជ្ឈដ្ឋាន​ខាងក្រៅ​មួយ​ចំនួន​ដែល​ចិញ្ចឹម​ជាប់​នូវ​មហិច្ឆតា ប៉ុនប៉ង​ជ្រៀត​ជ្រែក​ចូល​កិច្ចការ​ផ្ទៃក្នុង​កម្ពុជា នៅតែ​ធ្វើ​មិន​ឃើញ​នូវ​គុណភាព និង​សុចរិត​ភាព​នូវ​ដំណើរការ​បោះឆ្នោត របស់​យើង តាមរយៈ​ការ​ចេញ​សេចក្ដីថ្លែងការណ៍​នានា​ប្រឆាំង ឬ​វាយប្រហារ​លើ​លទ្ធផល​នៃ​ការបោះឆ្នោត​នេះ ដែល​ទង្វើ​បែបនេះ គឺជា​ការប្រមាថ​ធ្ងន់ធ្ងរ ចំពោះ​ឆន្ទៈ​របស់​ប្រជាជន​កម្ពុជា»

ការប្រមាថ​ធ្ងន់ធ្ងរ​ចំពោះ​ឆន្ទៈ​របស់​ប្រជាជន​កម្ពុជា​នេះ លោក ហ៊ុន សែន មិនបាន​លើកឡើង​ពី​ការណ៍​ដែល​របប​របស់​លោក​ខ្លួន​ឯង បាន​រម្លាយ​គណបក្ស​សង្គ្រោះជាតិ ដែល​មាន​សំឡេង​ពលរដ្ឋ​ម្ចាស់​ឆ្នោត គាំទ្រ​ដល់​ទៅ​ជិត​ពាក់​កណ្តាល​ប្រទេស​នោះ​ទេ ហើយ​ដែល​គណបក្ស​កាន់អំណាច​របស់​លោក បាន​ដក​ហូត​យក​អាសនៈ​សភា​ចំនួន ៥៥​អាសនៈ និង​អាសនៈ​ក្រុម​ប្រឹក្សា​ឃុំ​សង្កាត់​ចំនួន ៥០០៧​អាសនៈ របស់​គណបក្ស​សង្គ្រោះជាតិ ដែល​បាន​មក​ពី​ការ​បោះឆ្នោត​ស្របច្បាប់ ទៅ​បែងចែក​ឲ្យ​គណបក្ស​ដទៃ​ដែល​ពលរដ្ឋ​មិនបាន​បោះឆ្នោត​ឲ្យ​នោះ​ឡើយ។ លោក ក៏​មិនបាន​រំឮក​ពី​ការណ៍​ដែល​របប​របស់​លោក បាន​ចាប់​ដាក់គុក ចំពោះ​ក្រុម​មេដឹកនាំ​គណបក្សប្រឆាំង សកម្មជន​នយោបាយ ក្រុម​អ្នកគាំទ្រ​គណបក្ស​នេះ ព្រមទាំង​សកម្មជន​សិទ្ធិមនុស្ស អង្គការ​សង្គម​ស៊ីវិល និង​ការ​បំបិទ​ប្រព័ន្ធ​ផ្សព្វផ្សាយ​ឯករាជ្យ ព្រមទាំង​ការ​ធ្វើទុក្ខបុកម្នេញ​ផ្នែក​នយោបាយ​ឥត​ស្រាកស្រាន្ត នៅមុន និង​ក្រោយពេល​បោះឆ្នោត​ជាតិ​ឆ្នាំ២០១៨ នោះ​ឡើយ។

ដោយ​មិន​ភ្លេច​រម្លឹក​អំពី​ធម្មនុញ្ញ​របស់​អង្គការសហប្រជាជាតិ ជុំវិញ​ការ​មិន​ជ្រៀតជ្រែក​កិច្ចការ​ផ្ទៃក្នុង​របស់​រដ្ឋ​សមាជិក និង​ការ​រំខាន​អធិបតេយ្យ​រដ្ឋ​ឯករាជ្យ ដែល​លោក​ថា គួរតែ​ត្រូវ​ចៀសវាង លោក ហ៊ុន សែន ក៏​បាន​សម្ដែង​ការ​សោកស្តាយ ការណ៍​ដែល​ក្រុម​ប្រទេស​មានអំណាច​មួយ​ចំនួន បាន​ប្រើប្រាស់​បញ្ហា​សិទ្ធិមនុស្ស ជា​លេស​សម្រាប់​ការ​លូកដៃ​ជ្រៀតជ្រែក ក្រោម​ផ្លាក​ការពារ​សិទ្ធិ​នយោបាយ។ ទំនងជា​ចង់​សំដៅ​ទៅ​សហរដ្ឋអាមេរិក និង​ក្រុម​ប្រទេស​បស្ចិម​លោក លោក ហ៊ុន សែន រិះគន់​ថា ការ​ដាក់​ទណ្ឌកម្ម​ជា​ឯកតោភាគី បាន​ក្លាយ​ជា​អាវុធ​ដ៏​ពេញ​និយម​របស់​ប្រទេស​មាន​អំណាច នៅ​ក្នុង​ការគ្រប់គ្រង​នយោបាយ​អន្តរជាតិ ក្រោម​របៀបវារៈ​ភូមិសាស្ត្រ​នយោបាយ​របស់​ពួកគេ មក​លើ​ប្រទេស​តូចតាច។ លោក​ស្នើ​ថា ប្រទេស​ធំៗ មិន​គួរ​ដាក់​បន្តុប​ប្រព័ន្ធ​គ្រប់គ្រង​រដ្ឋ​របស់​ពួកគេ មក​លើ​ប្រទេស​តូចតាច​ជាង​ខ្លួន​នោះ​ឡើយ ព្រោះ​ប្រទេស​តូចៗ​ទាំងនោះ ក៏​មាន​អធិបតេយ្យភាព និង​មាន​សេចក្ដី​ប្រាថ្នា​ស្របច្បាប់​ក្នុង​ការ​រក្សា​អត្តសញ្ញាណ​របស់​ខ្លួន​ផង​ដែរ។ លោក ហ៊ុន សែន ថា ផ្នត់គំនិត​ចាប់​បង្ខំ​បែប​ចាស់​គម្រិល​ទាំងនេះ គួរតែ​ត្រូវ​បញ្ចប់។

លោក ហ៊ុន សែន ក៏​មិន​ភ្លេច​វាយប្រហារ​លើ​សហរដ្ឋ​អាមេរិក​ដោយ​មិន​និយាយ​ចំ​ឈ្មោះ ដែល​លោក​ចោទ​ថា បាន​ដក​ខ្លួន​ចេញ​ពី​កិច្ចព្រមព្រៀង​សាកល​ស្ដីពី​ការប្រែប្រួល​អាកាសធាតុ បាន​វាយប្រហារ​លើ​ទ្រឹស្ដី​ពហុ​និយម និង​បាន​បង្កើត​ឲ្យ​មាន​នូវ​គោលនយោបាយ​បែប​គាំពារ​និយម ឯកតោភាគី​និយម និង​សង្គ្រាម​ពាណិជ្ជកម្ម​ឡើងវិញ។ លោក ហ៊ុន សែន អះអាង​ថា ការ​ធ្វើ​ដូច្នេះ នឹង​ធ្វើ​ឲ្យ​ក្រុម​ប្រទេស​ក្រីក្រ កាន់តែ​ទទួលរង​នូវ​ការ​អូស​បន្លាយ​នៃ​ភាព​ក្រីក្រ និង​បង្ក​បញ្ហា​ភេរវកម្ម អំពើ​ជ្រុលនិយម និង​ជម្លោះ​ក្នុង​តំបន់​ទៀត​ផង។ ក្នុង​ន័យ​នេះ លោក​ជឿ​ថា ពាណិជ្ជកម្ម​ពិភពលោក មិន​គួរ​ត្រូវ​រាំងស្ទះ​ដោយ​ការកំណត់​ពន្ធ​ជា​ឯកតោភាគី​នោះ​ទេ តែ​គួរ​ត្រូវ​បាន​លើក​តម្កើង និង​គាំទ្រ​តាមរយៈ​ការ​ប្រកាន់​នូវ​គោល​នយោបាយ អំណោយផល​សមស្រប ព្រមទាំង​ការ​ផ្ដល់​ក្របខ័ណ្ឌ​អនុគ្រោះ​ពិសេស​ដល់​បណ្ដា​ប្រទេស​កំពុង​អភិវឌ្ឍ។ លោក ហ៊ុន សែន ចង់​សំដៅ​ថា ក្រុម​ប្រទេស​បស្ចិម​លោក មិន​គួរ​លុបចោល​ប្រព័ន្ធ​អនុគ្រោះ​ពន្ធ​ដល់​កម្ពុជា​នោះ​ទេ បើ​ទោះ​ជា​របប​លោក​កើត​ចេញពី​ការបោះឆ្នោត​ដ៏​ចម្រូងចម្រាស​ក៏ដោយ។

នៅ​ប៉ុន្មាន​ម៉ោង​មុន​ពេល​លោក ហ៊ុន សែន ឡើង​ថ្លែងការណ៍​នេះ លោក​ក៏បាន​ឆ្លៀត​សរសេរ​សារ​ឌឺដង​នៅ​លើ​ទំព័រ​ហ្វេសប៊ុក​របស់​លោក ដោយ​ចោទ​សួរ​ថា ឯណា​ទៅ​អាមេរិក​មិន​ឲ្យ​ជាន់​ដី និង​ថា ឯណា​ទៅ​ដែល​អាសនៈ​នៅ​អង្គការសហប្រជាជាតិ​ត្រូវ​បាន​ព្យួរ? លោក ហ៊ុន សែន បាន​ទម្លាក់​ភាព​អៀនខ្មាស ដែល​គួរតែ​ជា​រូបលោក ទៅ​ឲ្យ​អ្នក​ដែល​លោក​ចោទ​ថា ជា​អ្នក​បោក​ប្រាស់​គេ ដែល​លោក​ថា​គួរ​មានការ​អៀនខ្មាស។

សារ​ឌឺដង​របស់​លោក ហ៊ុន សែន នេះ ទំនងជា​លោក​ចង់​សំដៅ​ទៅ​ក្រុម​មន្ត្រី និង​ក្រុម​អ្នកគាំទ្រ​គណបក្ស​សង្គ្រោះជាតិ ដែល​កំពុង​តែ​ធ្វើ​ការ​តវ៉ា​យ៉ាង​ក្លៀវក្លា​នៅ​ខាង​ក្រៅ​បរិវេណ​អគារ​ស្នាក់​ការ​អង្គការ​សហប្រជាជាតិ និង​ស្រប​ពេល​ដែល​ថ្នាក់ដឹកនាំ​គណបក្ស​សង្គ្រោះជាតិ កំពុង​ធ្វើ​យុទ្ធនាការ​ការទូត ដើម្បី​ទាមទារ​ឲ្យ​សហគមន៍​អន្តរជាតិ កុំ​ទទួលស្គាល់​របប​ថ្មី ដែល​លោក ហ៊ុន សែន ទើបបាន​បង្កើត​ឡើង​នេះ ហើយ​ដែល​ពួកគេ​ចាត់ទុកថា ជា​របប​ខុសច្បាប់ កើត​ចេញ​ពី​ការបោះឆ្នោត​ក្លែងក្លាយ និង​បង្គ្រប់​កិច្ច​នោះ។ ផ្ទុយទៅវិញ លោក ហ៊ុន សែន មិន​បាន​ពន្យល់​ទេ​ថា ទឹកដី​ដែល​លោក​កំពុង​ឈរ​ថ្លែងការណ៍​នេះ គឺជា​ទឹកដី​អន្តរជាតិ ដែល​ស្ថិត​នៅ​ក្នុង​បរិវេណ​ទីស្នាក់ការ​កំពូល​របស់​អង្គការសហប្រជាជាតិ​នោះ​ទេ។

លោក ហ៊ុន សែន មិនមែន​ជា​មេដឹកនាំ​ផ្ដាច់ការ និង​ល្បីឈ្មោះ​ខាង​រំលោភ​ប្រជាធិបតេយ្យ និង​សិទ្ធិមនុស្ស តែ​ម្នាក់​ទេ ដែល​អាច​មក​ថ្លែងការណ៍​នេះ​បាន។ កាលពី​សម័យ​ខ្មែរក្រហម ក្រុម​ខ្មែរ​ក្រហម​ដឹកនាំ​ដោយ​លោក អៀង សារី ក៏​នៅតែ​អាច​មាន​ឱកាស​មក​ថ្លែងការណ៍​នៅ​អង្គការ​សហប្រជាជាតិ​បាន​ដែរ។

ក្រោម​ច្បាប់​អន្តរជាតិ និង​ក្រោម​កិច្ចព្រមព្រៀង​ឆ្នាំ១៩៤៧ រវាង​សហរដ្ឋអាមេរិក និង​អង្គការ​សហប្រជាជាតិ ស្ដីពី​ទីស្នាក់ការ​កណ្ដាល​របស់​អង្គការសហប្រជាជាតិ​នៅ​បូរី​ញ៉ូវយ៉ក​នេះ មេដឹកនាំ​ផ្ដាច់ការ​មួយ​ចំនួន​នៅ​លើ​ពិភពលោក​ដែល​មាន​ទំនាក់ទំនង​ល្អក់កករ​ជាមួយ​អាមេរិក ក្នុង​នោះ​មាន​គុយបា ហ្ស៊ីមបាវ៉េ វេណេហ្ស៊ុយអេឡា អ៊ីរ៉ង់ និង​កូរ៉េខាងជើង​ជាដើម នៅតែ​អាច​មាន​ឱកាស​មក​ចូលរួម​សម័យប្រជុំ​មហាសន្និបាត​អង្គការសហប្រជាជាតិ​នេះ​បាន។

លោក ហ៊ុន សែន ក៏​ទំនង​ជា​មិន​មាន​ចិត្តសឿង​ហ៊ាន​ធ្វើដំណើរ​ទៅ​ណា​ឆ្ងាយ ឬ​ចាក​ចេញពី​រង្វង់​គូស​វៀស​នៃ​ទឹកដី​អន្តរជាតិ​នៅ​ម្ដុំ​បរិវេណ​ទី​ស្នាក់​កំពូល​របស់​អង្គការសហប្រជាជាតិ​នៅ​បូរី​ញ៉ូវយ៉ក​នេះ​ដែរ តួយ៉ាង​ដូចជា​ទៅកាន់​បណ្ដា​រដ្ឋ​ដទៃ​នៃ​សហរដ្ឋអាមេរិក​ឡើយ ព្រោះ​លោក​ដឹង​ច្បាស់​ថា លោក​អាច​នឹង​ជួប​បញ្ហា ខណៈ​ដែល​សហរដ្ឋអាមេរិក​បាន​ដាក់​បញ្ចូល​ឈ្មោះ​លោក មន្ត្រី​ជិតស្និទ្ធ ព្រមទាំង​កូន​របស់​លោក សរុប ១៧​រូប ចូល​ក្នុង​បញ្ជី​ខ្មៅ រឹតត្បិត​ទិដ្ឋាការ និង​បង្កក​ទ្រព្យសម្បត្តិ ក្រោយ​សភា​អាមេរិក​បាន​អនុម័ត​ច្បាប់​ស្ដីពី​ប្រជាធិបតេយ្យ​កម្ពុជា ២០១៨ ហើយ​កំពុង​រង់ចាំ​អនុម័ត​បន្ត​ដោយ​ព្រឹទ្ធសភា មុននឹង​ដាក់​ឲ្យ​ប្រធានាធិបតី​អាមេរិក​ចុះហត្ថលេខា​ចូល​ជា​ធរមាន​ផ្លូវការ។

មិនមែន​ជា​រឿង​ងាយស្រួល​ឡើយ​សម្រាប់​លោក ហ៊ុន សែន ការណ៍​ដែល​លោក​បាន​ទៅ​អង្គុយ​នៅ​លើ​អាសនៈ​តំណាង​រដ្ឋ​ឯករាជ្យ និង​អធិបតេយ្យ​របស់​កម្ពុជា នៅ​ឯ​អង្គការសហប្រជាជាតិ​នា​ពេល​នេះ។ នេះ​គឺ​ដោយសារតែ លោក​ត្រូវ​យក​មុខមាត់ និង​កិត្តិយស​របស់​លោក ទៅ​លាក់​ទុក​មួយ​អន្លើសិន ពី​ក្រុម​ប្រទេស​បស្ចិម​លោក ជាពិសេស​សហរដ្ឋអាមេរិក ដែល​ជា​ប្រទេស​ម្ចាស់ផ្ទះ ក្រោយពី​លោក​បាន​គាស់​រម្លើង និង​រម្លាយ​ប្រព័ន្ធ​ប្រជាធិបតេយ្យ​នៅ​កម្ពុជា​ជា​ស្ថាពរ តាមរយៈ​ការរៀបចំ​ការបោះឆ្នោត​ដែល​ត្រូវ​គេ​ចាត់ទុកថា ជា​ការ​បោះឆ្នោត «​ក្លែងក្លាយ​» និង​រង​ការ​ថ្កោលទោស​ជុំ​ទិស​ពី​សហគមន៍​អន្តរជាតិ។

នៅ​ប៉ុន្មាន​ថ្ងៃមុន ពេល​លោក​ឈាន​ជើង មក​ជាន់​ទឹកដី​ទីស្នាក់ការ​កណ្ដាល​អង្គការ​សហប្រជាជាតិ នា​បូរី​ញ៉ូវយ៉ក​នេះ អ្នករាយការណ៍​ពិសេស​របស់​អង្គការសហប្រជាជាតិ​ទទួលបន្ទុក​ផ្នែក​សិទ្ធិមនុស្ស​ប្រចាំ​កម្ពុជា អ្នកស្រី រ៉ូណា ស្ម៊ីត (Rhona Smith) បាន​បកអាក្រាត​របប​ថ្មី​របស់​លោក ទៅ​កាន់​សហគមន៍​អន្តរជាតិ នៅ​ឯ​សម័យប្រជុំ​ពេញអង្គ​របស់​ក្រុមប្រឹក្សា​សិទ្ធិមនុស្ស​អង្គការសហប្រជាជាតិ លើក​ទី៣៩ នៅ​ទីក្រុង​ហ្សឺណែវ ប្រទេស​ស្វីស ដោយ​បាន​ចោទសួរ​ត្រង់ៗ អំពី​ភាព​ស្របច្បាប់​នៃ​របប​ថ្មី ដែល​លោក​ទើបបាន​បង្កើត​នេះ ដោយសារតែ​ព្រឹត្តិការណ៍​បោះឆ្នោត​ថ្ងៃទី២៩ កក្កដា គឺជា​ការបោះឆ្នោត ដែល​អ្នកស្រី​ថា បាន​ឃ្លាត​ចាក​ឆ្ងាយ​ពី​គន្លង​ប្រជាធិបតេយ្យ ហើយ​បាន​ប្រែក្លាយ​កម្ពុជា​ទៅជា​រដ្ឋ​ឯក​បក្ស​រួចជាស្រេច​ទៅ​ហើយ។

បន្ថែម​ពី​នេះ​ទៀត អ្វី​ដែល​រឹតតែ​ធ្វើ​ឲ្យ​លោក ហ៊ុន សែន ទំនងជា​ឈរជើង​មិនសូវ​នឹង​ល្អ ក្នុង​ពេល​ថ្លែង​សុន្ទរកថា និង​ពេល​មាន​វត្តមាន​នៅ​លើ​ទឹកដី​អាមេរិក​នេះ​ទៀតសោត គឺ​រឿងរ៉ាវ​មិន​រំពឹង​ទុក​មួយ​បាន​កើតឡើង​ចំពោះ​មេដឹកនាំ​ប្រទេស វេណេហ្ស៊ុយអេឡា គឺ​លោក​ប្រធានាធិបតី នីកូឡា ម៉ាឌូរ៉ូ ខណៈ​ដែល​មេដឹកនាំ​មិន​សូវ​មាន​ឈ្មោះ​ល្អ​រូប​នេះ បាន​ធ្វើ​ដំណើរ​មក​ចូលរួម​មហាសន្និបាត​អង្គការសហប្រជាជាតិ​នេះ។ ប្រធានាធិបតី​វេណេហ្ស៊ុយអេឡា​រូប​នេះ ត្រូវ​បាន​ប្រទេស​ចំនួន ៦ រួមមាន អាហ្សង់ទីន ( Argentine ) ឈីលី ( Chile ) កូឡុំប៊ី ( Columbia ) ប៉ារ៉ាហ្គាយ ( Paraguay ) ប៉េរូ ( Peru ) និង​ប្រទេស​កាណាដា ( Canada ) កាលពី​ថ្ងៃ​ពុធ ទី២៦ កញ្ញា បាន​រួមគ្នា​ដាក់​លិខិត ជំរុញ​ទៅ​តុលាការ​ឧក្រិដ្ឋកម្ម​អន្តរជាតិ ICC ឲ្យ​បើក​ការស៊ើបអង្កេត និង​កាត់ទោស​រូបលោក​ជាបន្ទាន់ ពី​បទ​ឧក្រិដ្ឋកម្ម​ប្រឆាំង​មនុស្សជាតិ ដោយសារតែ​អំពើ​រំលោភ​សិទ្ធិ​មនុស្ស​យ៉ាង​ធ្ងន់ធ្ងរ ដែល​លោក​បាន​ប្រព្រឹត្តិ​នៅ​ក្នុង​ប្រទេស ទៅលើ​ប្រជាជន​វេណេហ្ស៊ុយអេឡា និង​បាន​រៀបចំ​ការបោះឆ្នោត​ក្លែងក្លាយ ដោយ​ចាប់​មេ​បក្ស​ប្រឆាំង​ដាក់គុក ដើម្បី​រក្សា​អំណាច ដូច​អ្វី​ដែល​លោក ហ៊ុន សែន បាន​យក​គំរូ​តាម​នេះ​ស្រាប់។

សម្រាប់​ឆ្នាំ២០១៨ នេះ មហាសន្និបាត​លើ​ទី៧៣ របស់​អង្គការសហប្រជាជាតិ​នេះ ធ្វើ​ឡើង​ក្រោម​មូលបទ «​ធ្វើ​ឲ្យ​អង្គការសហប្រជាជាតិ​មាន​សារៈសំខាន់ ពាក់ព័ន្ធ​ជាមួយ​ប្រជាជន​ទាំងអស់៖ ភាពជា​អ្នកដឹកនាំ​សាកល និង​ការទទួលខុសត្រូវ​រួម សម្រាប់​សង្គម​ប្រកបដោយ​សន្តិភាព សមធម៌ និង​និរន្តរភាព»។ មហាសន្និបាត​នេះ ប្រព្រឹត្តិ​ទៅ​ចាប់ពី​ថ្ងៃទី១៨ កញ្ញា ដល់​ថ្ងៃ​ទី១ តុលា ហើយ​មាន​មេដឹកនាំ​មក​ពី​បណ្ដា​ប្រទេស និង​រដ្ឋ​ជា​សមាជិក​របស់​អង្គការសហប្រជាជាតិ​ទាំងអស់​ចូលរួម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
Share

ugliest stumped speeches and worst pretext addressing and shame on him...

Ugliest pretext addressing by dictator Hun Sen mafia govm't hosted at the UN Assembly are useless/worthless with less than 18 minutes stump speeches with meaningless.Most part of his stumped speeches was lacked in khmer's languages reading"barrier and low profile manner/unsuited the world pm styles at all.During reading his ugly pretext likes he just speeches back and fort,fort and back to confused to the audiences"listener or some leaders shaking their heads or said geee is holycrap sir,or some went out to bathroom",and comrade Hun Sen always kept his head down to reading with ever never look at the leaders in front of him.Usually, dictator Hun Sen speeches about what was good his mafia govm't led Cambodia to a new modern world developed country almost 4 decades,prosperity with ever last long peace after the killing fields gone,and said his mafia govm't would protect its govm't,sovereignty and warns to any countries not to interfering its puppet govm't's affairs"it means only China commies /n.Hanoi commies govm't interest nextdoor/try to wipe out Cambodia from the world map".Red China/n.Hanoi commies govm't didn't care about the Human rights or whatever,they both are just only care about their fascist communist ideology"annexation,Human abuser,violence,inhumane,killing,no God but Gun,no Gale but Ghost Buster",that why every time those 2 commies leaders always said"straight mind would be a loser...queer mind would be a winner....wiiiiin always".If, we all get back to research more world history about evildoers"communism",all of them didn't care to the human life or any weak govm'ts or countries when got full controlled they'll use iron-fist to take over weak population with lead widespread killing,violence,false accusation,false arresting,false imprisoning,division political,divide society,divide pple apart,tear pple down,tear down human society,or tear down the whole country apart,high corruption from the rooftop to the bottom down to earth,instability,anarchy,famine,high crimes,high unemployment rates,out of control...there just take care their fascist regime only"nepotism,totalitarianism,fascist dictatorship regime,fascist communism,one-man-rule and one-man-lead"sic".Most communist leaders always fear or harassed to the west about their best democracy system widespread around the world with its communist propaganda that the west pro-democracy system instead of using Human right as their tool or"pro-choices"that why those communism hated to the west of democracy system".That why comrade Hun Sen who just returned from red China commie govm't/n.Hanoi commie leaders before trip to meeting at the UN recent day carried out those words from its commies allied how fight back against the west pro-human rights/democracy system,but it doesn't work to all of UN Assembly members at all,and u know why how tmil Hun Sen said that that worded is from China/n.Hanoi commies leaders commanded",there are only two countries who still endorsed and supported its puppet govm't"HS",because tmil Hun Sen has nowhere to go beside these two countries"China/n.Hanoi leaders though tmil Hun Sen was so stupid man on the planet and a man who like power,proud himself,screw up himself,selfies,rank,money,sex,drug,crime and killing that all he wants.

Oct 04, 2018 04:49 PM

អ្នក​អាន​អនាមិក

What's the hell dictator's next strategy in EU in week ahead?,who's the hell gonna prepare a pretext for tmil Hun Sen addressing in EU?,what's the heck dictator gonna answers to the EU press?"journalists questions",how dictator gonna reacts to the words"unofficial election,unofficial govm't...outlaw govm't...no opposition party"CNRP" top contender before election coming on "July 29,2018",because comrade Hun Sen's ccp gangsters feared to lost election to its top opposition party"CNRP"that why he had to destroyed them before national election coming"shame on dictator/would face criminal charges ahead",arrested CNRP's leaders Kem Sokha put into prison and other one exiled"Sam Rainsy",with their 55 parliament seats had been ripoff as theirs"CCP's",with 118 CNRP's politicians restricted to get involved in politic anymore,and more 6,000 CNRP's leaders who won general election in 2017"won 488-500 districts/communes"ripoff all of them,or won't give up their positions to the CNRP's members,forced or threatened their lives if they don't to join with its dictator Hun Sen's commie govm't or face a serious consequences"because Hun Sen's mafia govm't try to avoids the international community economic SANCTIONS after 3 months deadline ahead"before December 30,2018.The whole world can seen dictator Hun Sen reads a horrible pretext prepared by his mafia advisors"bullying/fouling to the UN's Assembly members to support his new unofficial election ,or unofficial govm't,or outlaw govm't"to avoid the west economic SANCTIONS,or his fascist commie govm't will face a catastrophic.Comrade Hun Sen won election by without a big opposition party"CNRP"with he created 20 small political parties in just a few months"childish"without many pple known or no supported or without international community observers represent at the polling stations,it just only a few of Chinese commies observers"its puppeteer" who managed the voting cast and the rested"massive irregularities,free votes fraud in whatever they wanted",those small parties hasn't a single seat in parliament at all,but those Hun Sen's small parties were supported financial from dictator Hun Sen

Oct 04, 2018 02:58 PM

អ្នក​អាន​អនាមិក

Hun Sen has been lying to people the same Pol Pot did lie to people.

Oct 02, 2018 02:24 AM

គេហទំព័រ​ទាំងមូល