កិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ នៅតែជាសន្ធិសញ្ញាមួយដ៏ចម្រូងចម្រាសនៅក្នុងសង្គមកម្ពុជា។ ពលរដ្ឋខ្មែរ អ្នកនយោបាយ និងសហគមន៍អន្តរជាតិ ដែលនិយមរបបប្រជាធិបតេយ្យសេរី ចាត់ទុកកិច្ចព្រមព្រៀងជាប្រវត្តិសាស្ត្រនេះ ជាផែនទីបង្ហាញផ្លូវដ៏សំខាន់មួយសម្រាប់ការអភិវឌ្ឍកម្ពុជាប្រកបដោយវិជ្ជមាន។
ប៉ុន្តែភាគីរដ្ឋាភិបាលកម្ពុជា ហាក់មិនឱ្យតម្លៃលើកិច្ចព្រមព្រៀងនេះទេ។ ជាក់ស្ដែង អតីតនាយករដ្ឋមន្ត្រីកម្ពុជា លោក ហ៊ុន សែន បានលុបចោលថ្ងៃទី២៣ តុលា ដែលធ្លាប់ជាថ្ងៃបុណ្យជាតិ។
ប្រធានអង្គការសិទ្ធិមនុស្សអង្គការលីកាដូ (Licadho) អ្នកស្រី ពុង ឈីវកេក ដែលធ្លាប់ជាអ្នកជួយសម្របសម្រួលឱ្យមានការជួបចរចាគ្នារវាងព្រះបរមរតនកោដ្ឋ សម្ដេច ព្រះនរោត្ដម សីហនុ និងលោក ហ៊ុន សែន នៅក្នុងទសវត្សរ៍ឆ្នាំ៨០នោះ សម្ដែងការអាក់អន់ចិត្តដែលរដ្ឋាភិបាលកម្ពុជាមិនផ្ដល់សារសំខាន់ដល់កិច្ចព្រមព្រៀងសន្តិភាពទីក្រុងប៉ារីសនេះ។
សូមស្ដាប់បទសម្ភាសន៍អំពីខ្លឹមសារសំខាន់ៗនៃកិច្ចព្រមព្រៀងនេះរវាងលោក ជីវិតា និងអ្នកស្រីវេជ្ជបណ្ឌិត ពុង ឈីវកេក ដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។