បក្ស​ប្រឆាំង​និង​អ្នក​វិភាគ​គាំទ្រ​ការ​ស្នើ​សុំ​អាមេរិក​លុប​បំណុល

អ្នក​នាំ​ពាក្យ​គណបក្ស​សង្គ្រោះ​ជាតិ និង​អ្នក​វិភាគ​សង្គម​ឯករាជ្យ គាំទ្រ​ចំពោះ​ជំហរ​របស់​ប្រមុខ​រដ្ឋាភិបាល ដែល​បាន​ទទូច​សុំ​ឲ្យ​ប្រធានាធិបតី​សហរដ្ឋ​អាមេរិក លោក បារ៉ាក់ អូបាម៉ា (Barack Obama) លុប​ចោល​បំណុល ឬ​បង្វែរ​បំណុល​នេះ​ទៅ​ជា​ការ​អភិវឌ្ឍ​ក្នុង​វិស័យ​កសិកម្ម​វិញ។
ដោយ សុខ សេរី
2013-02-25
អ៊ីម៉ែល
មតិ
Share
បោះពុម្ព
ឧបការី​រង​រដ្ឋមន្ត្រី​ក្រសួង​ការបរទេស​សហរដ្ឋអាមេរិក លោក ចូសេហ្វ យន់ (Joseph Yun) [ឆ្វេង] ជួប​ពិភាក្សា​ជាមួយ​រដ្ឋលេខាធិការ​ក្រសួង​ការបរទេស និង​សហប្រតិបត្តិការ​អន្តរជាតិ លោក អ៊ុច បូរិទ្ធ អំពី​បំណុល​អាមេរិក កាល​ពី​ថ្ងៃ​ទី​១៦ មករា ឆ្នាំ​២០១២។
ឧបការី​រង​រដ្ឋមន្ត្រី​ក្រសួង​ការបរទេស​សហរដ្ឋអាមេរិក លោក ចូសេហ្វ យន់ (Joseph Yun) [ឆ្វេង] ជួប​ពិភាក្សា​ជាមួយ​រដ្ឋលេខាធិការ​ក្រសួង​ការបរទេស និង​សហប្រតិបត្តិការ​អន្តរជាតិ លោក អ៊ុច បូរិទ្ធ អំពី​បំណុល​អាមេរិក កាល​ពី​ថ្ងៃ​ទី​១៦ មករា ឆ្នាំ​២០១២។
RFA/Sok Serey

ប៉ុន្តែ​ទន្ទឹម​ពេល​នេះ​ដែរ អ្នក​វិភាគ​បាន​ជំរុញ​ឲ្យ​លោក អូបាម៉ា គប្បី​ដាក់​លក្ខខណ្ឌ​ឲ្យ​លោក ហ៊ុន សែន ធ្វើ​ឲ្យ​ប្រសើរ​ឡើង​នូវ​លទ្ធិប្រជាធិបតេយ្យ និង​ការ​គោរព​សិទ្ធិ​មនុស្ស​នៅ​កម្ពុជា។

ការ​គាំទ្រ​នេះ​នៅ​គ្រា​ដែល​សកម្មជន​ការពារ​សិទ្ធិ​មនុស្ស​ជាតិ និង​អន្តរជាតិ ព្រម​ទាំង​អ្នក​រាយការណ៍​ពិសេស​របស់​អង្គការ​សហប្រជាជាតិ លោក សុរិយា ស៊ូប៊ែឌី (Surya Subedi) បាន​រិះគន់​ថា ស្ថានការណ៍​រំលោភ​សិទ្ធិ​មនុស្ស​នៅ​ប្រទេស​កម្ពុជា នៅ​តែ​ជា​បញ្ហា​ធ្ងន់ធ្ងរ ចំណែក​ឯ​សេរីភាព​ក្នុង​ការ​តវ៉ា​បញ្ចេញ​មតិ កំពុង​តែ​រួម​តូច​ចង្អៀត​ដែរ នៅ​ពេល​ចុង​ក្រោយ​នេះ។

អ្នក​នាំ​ពាក្យ​គណបក្ស​សង្គ្រោះ​ជាតិ លោក យឹម សុវណ្ណ និង​ជា​តំណាងរាស្ត្រ​គណបក្ស សម រង្ស៊ី បាន​មាន​ប្រសាសន៍​ថា កម្ពុជា​គប្បី​ធ្វើ​ឲ្យ​ប្រសើរ​ឡើង​នូវ​ស្ថានការណ៍​គោរព​សិទ្ធិ​មនុស្ស​ជា​មុន​សិន ដើម្បី​សុំ​ឲ្យ​សហរដ្ឋអាមេរិក លុប​ចោល​បំណុល ឬ​បង្វែរ​បំណុល​នោះ។

លោក យឹម សុវណ្ណ៖ «យើង​គាំទ្រ​ជំហរ​រដ្ឋាភិបាល​ចំពោះ​ការ​ដោះស្រាយ​បញ្ហា​បំណុល​របស់​សហរដ្ឋ​អាមេរិក ប៉ុន្តែ​ទី​២ ក៏​ត្រូវ​ជំរុញ​ឲ្យ​រដ្ឋាភិបាល មិន​មែន​សុំ​ឲ្យ​គេ​ដោះស្រាយ​បំណុល​នេះ​ចប់​សព្វគ្រប់​ទេ ប៉ុន្តែ​អ្វី​ដែល​យើង​ត្រូវ​ធ្វើ​ដើម្បី​ឲ្យ​គេ​សប្បាយ​ចិត្ត ឲ្យ​គេ​យល់​អំពី​យើង គឺ​គោលការណ៍​លទ្ធិប្រជាធិបតេយ្យ និង​ការ​គោរព​សិទ្ធិ​មនុស្ស​ឲ្យ​បាន​ត្រឹមត្រូវ។ ការ​បោះ​ឆ្នោត​មិន​ត្រឹមត្រូវ មិន​យុត្តិធម៌ អា​ហ្នឹង​ជា​ឧបសគ្គ​មួយ​ដែល​គេ​ពិចារណា»

ជាមួយ​គ្នា​នេះ អ្នក​វិភាគ​សង្គម​ឯករាជ្យ លោក កែម ឡី បាន​មាន​ប្រសាសន៍​ថា កម្ពុជា​ជាប់​កាតព្វកិច្ច​ជា​អន្តរជាតិ​ក្នុង​ការ​សង​បំណុល​សហរដ្ឋអាមេរិក ប៉ុន្តែ​ការ​លុប​បំណុល ឬ​បង្វែរ​បំណុល​នោះ ត្រូវ​តែ​មាន​លក្ខខណ្ឌ​ពី​សហរដ្ឋអាមេរិក​ដែរ។

លោក កែម ឡី៖ «ប៉ុន្តែ​បំណុល ៣៥០​លាន​ដុល្លារ​អាមេរិក ទាំង​ការ​ប្រាក់​ប្រហែង​ជាង ៤០០​លាន​ដុល្លារ​អាមេរិក គឺ​ជា​បំណុល​តិចតួច​បំផុត​របស់​សហរដ្ឋ​អាមេរិក ប៉ុន្តែ​ការ​ដែល​យើង​ស្នើ​សុំ​គេ​លុប​ចោល ឬ​ស្នើ​សុំ​គេ​បង្វែរ​មក​ខាង​ឧស្សាហកម្ម ឬ​កសិកម្ម​អី គឺ​ងាយ​ស្រួល​ណាស់ ក៏​ប៉ុន្តែ​យើង​ត្រូវ​បំពេញ​លក្ខខណ្ឌ​មួយ​ចំនួន​ដែល​គេ​បាន​ស្នើ​ឡើង ឬ​ក៏​ការ​លម្អ​សិទ្ធិ​មនុស្ស មិន​ត្រឹម​តែ​គេ​លុប​ចោល ឬ​បង្វែរ​ទៅ​ខាង​កសិកម្ម​អី​ទេ ប៉ុន្តែ​គេ​ថែម​ទាំង​ឲ្យ​ជំនួយ​រាប់​រយ​រាប់​ពាន់​លាន​ដុល្លារ​អាមេរិក​ទៅ​ទៀត ដើម្បី​កែ​ប្រទេស​ហ្នឹង​ក្លាយ​ជា​ប្រទេស​ដែល​មាន​លទ្ធិប្រជាធិបតេយ្យ»

ទាក់ទង​នឹង​សំណុំ​រឿង​បំណុល​នេះ ប្រមុខ​រដ្ឋាភិបាល លោក ហ៊ុន សែន នៅ​ក្នុង​ពិធី​សម្ពោធ​ទំនប់​វារីអគ្គិសនី​គិរីរម្យ​៣ នៅ​ខេត្ត​កោះកុង កាល​ពី​ថ្ងៃ​ទី​២៣ ខែ​កុម្ភៈ កន្លង​ទៅ​នេះ បាន​មាន​ប្រសាសន៍​ថា បំណុល​ដែល​ត្រូវ​បាន​ជំពាក់​សហរដ្ឋអាមេរិក ក្នុង​សម័យ លន់ នល់ នោះ មិន​បាន​ចំណាយ​លើ​គម្រោង​អភិវឌ្ឍន៍​ទេ គឺ​ចំណាយ​លើ​សង្គ្រាម។

លោក ហ៊ុន សែន៖ «ប្រហែល​ជា​ទិញ​គ្រាប់​បែក​ទម្លាក់​លើ​ក្បាល​ប្រជាជន​ខ្មែរ​ក៏​មិន​ដឹង...។ ប្រធានាធិបតី អូបាម៉ា មក ខ្ញុំ​ស្នើ​ដោះស្រាយ​បំណុល​ហ្នឹង សុំ​ឲ្យ​គាត់​លុប​ចោល​ប៉ុណ្ណេះ​ទៅ ហើយ​សល់​ប៉ុន្មាន​ទៀត សង​តាម​អត្រា​ការ​ប្រាក់​សម្បទាន ឬ​ក៏​សុំ​ឲ្យ​ផ្ទេរ​បំណុល​ហ្នឹង​មក​ជា​ការ​អភិវឌ្ឍ​ក្នុង​ប្រទេស។ រហូត​ដល់​ម៉ោង​នេះ​អត់​ទាន់​ព្រមព្រៀង​គ្នា​ទេ»

រដ្ឋមន្ត្រី​ក្រសួង​ការបរទេស​សហរដ្ឋអាមេរិក អ្នកស្រី ហ៊ីលឡារី គ្លីនតុន (Hillary Clinton) ធ្លាប់​បាន​មាន​ប្រសាសន៍​កាល​ពី​​ឆ្នាំ​២០១២ កន្លង​ទៅ​នេះ នៅ​ប្រទេស​កម្ពុជា ថា សហរដ្ឋអាមេរិក​ដោះស្រាយ​បញ្ហា​បំណុល​នេះ​ដោយ​យុត្តិធម៌។

មួយ​វិញ​ទៀត ឯកអគ្គរដ្ឋទូត​សហរដ្ឋអាមេរិក​នៅ​កម្ពុជា លោក វីល្លៀម ថត (William Todd) បាន​មាន​ប្រសាសន៍​ក្នុង​គេហទំព័រ​របស់​ស្ថានទូត​សហរដ្ឋអាមេរិក កាល​ពី​ថ្ងៃ​ទី​៩ ខែ​កក្កដា ឆ្នាំ​២០១២ កន្លង​ទៅ​នេះ​ថា សហរដ្ឋអាមេរិក និង​កម្ពុជា មាន​ទស្សនៈ​ផ្ទុយ​គ្នា​លើ​សំណុំ​រឿង​បំណុល​នេះ។

លោក​បាន​ពន្យល់​ថា ស្ទើរ​តែ​គ្រប់​ប្រទេស​ទាំង​អស់​នៅ​លើ​ពិភពលោក បាន​ទទួល​ស្គាល់​កាតព្វកិច្ច​របស់​ខ្លួន​ក្រោម​ច្បាប់​អន្តរជាតិ​ក្នុង​ការ​សង​បំណុល​ដោយ​រដ្ឋាភិបាល​បន្តបន្ទាប់។ បើ​សិន​ណា​ប្រទេស​ណា​មួយ​រំពឹង​ថា បំណុល​ដែល​ខ្លួន​ជំពាក់​កន្លង​មក​ត្រូវ​បាន​លុប​ចោល​ដោយសារ​តែ​ផ្លាស់ប្ដូរ​រដ្ឋាភិបាល​ថ្មី​នោះ ដូច្នេះ​ប្រព័ន្ធ​ច្បាប់​អន្តរជាតិ​ទាំង​មូល​ស្ដីពី​បំណុល ក៏​ត្រូវ​ខូច​ខាត​ដែរ។

ចំពោះ​ប្រទេស​កម្ពុជា លោក វីល្លៀម ថត បាន​បញ្ជាក់​ថា កម្ពុជា​មាន​ការ​ទទួល​ខុស​ត្រូវ​សង​បំណុល​សហរដ្ឋអាមេរិក បើ​មិន​ដូច្នេះ​ទេ កម្ពុជា​មិន​អាច​មាន​លទ្ធភាព​ខ្ចី​លុយ​ដូច​ប្រទេស​ភាគ​ច្រើន​ទៀត​ឡើយ ដើម្បី​យក​មក​ចំណាយ​លើ​ការ​សាងសង់​ហេដ្ឋារចនាសម្ព័ន្ធ ដូច​ជា​ផ្លូវ​ថ្នល់ មន្ទីរពេទ្យ និង​អគ្គិសនី​ជាដើម។

ក្រសួង​ការបរទេស​សហរដ្ឋអាមេរិក កាល​ពី​ឆ្នាំ​២០១១ និង​ឆ្នាំ​២០១២ កន្លង​ទៅ​នេះ បាន​បញ្ជូន​ឧបការី​រង​រដ្ឋមន្ត្រី​ក្រសួង​ការបរទេស​សហរដ្ឋអាមេរិក លោក ចូសេហ្វ យន់ (Joseph Yun) បាន​ចរចា​ជា​ច្រើន​លើក​ជាមួយ​រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំហុង និង​ជា​ឧបនាយករដ្ឋមន្ត្រី ដើម្បី​ដោះស្រាយ​បំណុល​ដែល​របប​សេនាប្រមុខ លន់ នល់ បាន​ជំពាក់​ទាំង​ដើម​ទាំង​ការ​ប្រាក់​រហូត​ដល់​ពេល​នេះ​ចំនួន​ជាង ៤០០​លាន​ដុល្លារ​អាមេរិក។ ភាគី​ទាំង​ពីរ​នៅ​មិន​ទាន់​បាន​ចុះ​សម្រុង​គ្នា​នៅ​ឡើយ ក្នុង​ការ​សង​បំណុល​នោះ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
Share

Rathna

ពី Phnom Phen

Hasha........Hun Sen is the prime minister in Cambodia but the words that he said just like the child without thinking.

Mar 01, 2013 11:26 PM

ហុងណាំហោ

ពី ភ្នំពេញ

ត្រូវហើយលោកហ៊ុន សែននិយាយត្រូវព្រោះគាត់ក៏បានទទួលគ្រាប់រំសេវពីចិនមក
សម្លាប់ខ្មែរដែរដើម្បីអំណាចសព្វថ្ងៃ។ដូច្នេះហើយបានជាគាត់ប្រឹងយកដីខ្មែរទៅ
សងចិនមុនពេលគាត់អស់អំណាច។

Feb 27, 2013 03:43 PM

Truth Seeker

ពី Battambang

Removing this debt for Cambodia is good for the Cambodian government and especially its people.

The act of binding this debt removal with the human rights and democracy issues are a good thing, theoretically and practically, and it helps strengthen the systems. However, the USA has been adopting a double standards approach. It has directly killed thousands of innocents in the name of this human rights and democracy. This has not counted those who have been killed indirectly by the US yet. So, I can believe you....

Feb 25, 2013 08:26 PM

Peuv

The US should not forgive the debt until Hun Sen adopts real democracy in Cambodia. No fake democracy in Cambodia please. This $400 million debt is collateral for Hun Sen who has to deal with Human Right abuses and violation he committed. Hun Sen should not take Khmers hostage and should not appeal to international communities for aids to help the poor he abused and mistreated.

Feb 25, 2013 12:13 PM

អ្នក​អាន​អនាមិក

USA know what they doing, and i agree with Hun Sen, but the question more that answer are (sin 1992) government put the money in foreign nearly 4billions US dolla and now interest nearly 2billions US dolla were the money came from?. That time (1992) everything were thesame before 1992, how about now? just say salling the lumbers(woods) nearly 2billions US dolla a year nearly 20 and alot more include land and oil, could current government answer thi quistion?

Feb 25, 2013 12:06 PM

មើល​មតិ​ទាំង​អស់.

គេហទំព័រ​ទាំងមូល