លោកនាយករដ្ឋមន្ត្រី ហ៊ុន សែន ប្រកាសមិនជួបអ្នកគាំទ្រ នៅបុរីញូវយ៉ក ខណៈគណបក្សប្រឆាំងគ្រោងធ្វើបាតុកម្មប្រឆាំងលោក
2022.09.20
Photo: RFA
លោកនាយករដ្ឋមន្ត្រី ហ៊ុន សែន ប្រកាសថា លោកនឹងមិនរៀបចំជួបអ្នកគាំទ្រ នៅបុរីញូវយ៉ក ខណៈលោកទៅចូលរួមមហាសន្និបាតអង្គការសហប្រជាជាតិ លើកទី៧៧ នៅចុងសប្ដាហ៍នេះទេ។
លោក ហ៊ុន សែន បានសរសេរនៅលើហ្វេសប៊ុកថ្ងៃទី២០ កញ្ញានេះថា លោកនឹងដឹកនាំគណៈប្រតិភូទៅបុរីញូវយ៉ក ដើម្បីចូលរួមប្រជុំ មហាសន្និបាតអង្គការសហប្រជាជាតិ ចាប់ពីថ្ងៃទី២១ ដល់ថ្ងៃទី២៣ កញ្ញា។
នេះជាលើកទី២ហើយ ដែលលោក ហ៊ុន សែន បានមកចូលរួមកិច្ចប្រជុំនៅសហរដ្ឋអាមេរិក នៅក្នុងឆ្នាំ២០២២ នេះ។ កាលពីថ្ងៃខែឧសភា លោកបានដឹកនាំគណៈប្រតិភូមកចូលរួមកិច្ចប្រជុំអាស៊ាន-អាមេរិក នៅរដ្ឋធានីវ៉ាស៊ីនតោន។
លោក ហ៊ុន សែន បានប្រាប់ពីមូលហេតុ ដែលលោកមិនរៀបចំជួបជុំពលរដ្ឋខ្មែរអាមេរិកាំងនៅញូវយ៉កនេះ ដោយសារតែលោកមានពេលវេលាខ្លី និងមានកម្មវិធីច្រើន។ ម្យ៉ាងលោក ក៏ទើបតែជួបពលរដ្ឋខ្មែរអាមេរិកាំង និងពលរដ្ឋខ្មែរមកពីកាណាដា នៅរដ្ឋធានីវ៉ាស៊ីនតោន កាលពីខែឧសភាដែរ។
នៅខណៈលោក ហ៊ុន សែន ជួបអ្នកគាំទ្រនៅរដ្ឋធានីវ៉ាស៊ីនតោន ឌីស៊ីនោះ ខ្មែរ-អាមេរិកាំងម្នាក់ គឺលោក អ៊ុក ទួច ដែលមិនពេញចិត្ត ចំពោះអំពើ និងការដឹកនាំប្រទេសរបស់លោក ហ៊ុន សែន បានដោះស្បែកជើងគប់តម្រង់ក្បាលលោក។
ក្រុមអ្នកតាមដានសង្គមលើកឡើងថា ហាក់ដូចជារឿងចម្លែក ដែលលោក ហ៊ុន សែន ពេលនេះមិនរៀបចំឲ្យមានមនុស្សទៅទទួលស្វាគមន៍លោកនៅបុរីញូវយ៉កដូចពេលមុន។ ពួកគេលើកឡើងថា ទំនងជាលោក ហ៊ុន សែន អាចខ្លាចស្បែកជើងហោះជាថ្មីទៀតក៏ថាបាន។
នៅស្របពេលលោក ហ៊ុន សែន ប្រកាសថា មិនជួបជុំអ្នកគាំទ្រលោកនេះ ខាងគណបក្សប្រឆាំង និងពលរដ្ឋខ្មែរនៅអាមេរិកមួយចំនួន គ្រោងនឹងរៀបចំបាតុកម្មប្រឆាំងវត្តមានលោក និងទាមទារឲ្យរបបក្រុងភ្នំពេញស្ដារប្រជាធិបតេយ្យ ដោះលែងអ្នកទោសនយោបាយទាំងអស់ និងគោរពសិទ្ធិមនុស្សឡើងវិញ។
ក្រោយពីចូលរួមប្រជុំមហាសន្និបាតអង្គការសហប្រជាជាតិនោះ នៅល្ងាចថ្ងៃទី២៣ ឧសភា លោក ហ៊ុន សែន នឹងបន្តដំណើរទៅទស្សនកិច្ចផ្លូវការនៅប្រទេសគុយបា បន្ទាប់មកនឹងបន្តដំណើរទៅទីក្រុងតូក្យូ (Tokyo) ប្រទេសជប៉ុន ដើម្បីចូលរួមបុណ្យសព លោក ស៊ិនហ្សូ អាបេ អតីតនាយករដ្ឋមន្ត្រីជប៉ុន ដែលត្រូវខ្មាន់កាំភ្លើងម្នាក់បាញ់សម្លាប់។ រីឯនៅប្រទេសគុយបា លោក ហ៊ុន សែន មានគម្រោងជួបនិស្សិតខ្មែរនៅទីនោះ។ នេះបើតាមសេចក្ដីប្រកាសរបស់ក្រសួងការបរទេសកម្ពុជា៕
រឿងដែលគេអានច្រើនបំផុត
RFA
- តុលាការសម្រេចឃុំខ្លួនមេដឹកនាំសហជីពកញ្ញា ឈឹម ស៊ីថរ ក្រោយចាប់ខ្លួនពីព្រលានយន្តហោះ
- អ្នកវិភាគនិងយុវជនយល់ថា បណ្ឌិត យ៉ង សាំងកុមារ ចុះចូលគណបក្សកាន់អំណាចទំនងរឿងនយោបាយច្រើនជាងដើម្បីជួយវិស័យកសិកម្ម
- បណ្ឌិត យ៉ង សាំងកុមារ ចុះចូលជាមួយគណបក្សកាន់អំណាចដោយអះអាងថា ដើម្បីជួយវិស័យកសិកម្ម
- លោក សុន ឆ័យ ថា តុលាការរឹបអូសទ្រព្យសម្បត្តិរបស់លោកដោយបំពាននីតិវិធី
- លោក ទៀ បាញ់ ស្នើសុំឲ្យអាមេរិកឈប់សង្ស័យពីវត្តមានទ័ពចិននៅកំពង់ផែរាម
រឿងដែលគេអានច្រើនបំផុត
នយោបាយ
- បក្សភ្លើងទៀនរំឭកខួប២៧ឆ្នាំ និងកំណត់ទិសដៅប្រកួតប្រជែងការបោះឆ្នោតឆ្នាំ២០២៣
- លោក ហ៊ុន សែន ទទួលស្គាល់ថា ប្រធានាធិបតីអាមេរិកប្រាប់ឱ្យកែលំអស្ថានភាពសិទ្ធិមនុស្ស មុនការបោះឆ្នោតឆ្នាំ២០២៣ ខាងមុខ
- ជនជាតិអូស្ត្រាលីដើមកំណើតខ្មែរបន្តជាប់ឆ្នោតជាសមាជិកសភាមួយអាណត្តិ
- ក្រុមអ្នកឃ្លាំមើល ជំរុញកម្ពុជាឱ្យលើកយកបញ្ហាសង្ស័យវត្តមានទ័ពចិននៅកំពង់ផែរាមទៅពិភាក្សាក្នុងកិច្ចប្រជុំរដ្ឋមន្ត្រីការពារជាតិអាស៊ានបូក
- ប្រមុខការពារជាតិអាមេរិក និងកម្ពុជា ជួបទ្វេភាគីផ្តោតលើកិច្ចសហប្រតិបត្តិការវិស័យការពារជាតិ និងសន្តិសុខ