គណបក្ស ហ៊្វុនស៊ិនប៉ិច ធ្វើសន្នសិទកាសែតប្រកាសអំពីគម្រោងយាងត្រឡប់របស់ព្រះអង្គម្ចាស់ នរោត្តម រណឫទ្ធិ ទៅដឹកនាំបក្សគណបក្សនេះឡើងវិញ នៅចុងខែកុម្ភៈខាងមុខ។
អ្នកនាំពាក្យគណបក្សហ៊្វុនស៊ិនប៉ិច លោក ផាន់ សិទ្ធី មានប្រសាសន៍ថ្លែងប្រាប់អ្នកសារព័ត៌មាន នៅក្នុងសន្និសីទកាសែតមួយ កាលពីថ្ងៃទី១៩ មករាថា ការប្រកាសយាងចូលប្រឡូកក្នុងឆាកនយោបាយវិញ ដោយសារព្រះរាជសុខភាពរបស់ទ្រង់បានប្រសើរឡើងច្រើន និងអាចមានលទ្ធភាពមកដឹកនាំគណបក្សដោយផ្ទាល់វិញបាន។ លោកថ្លែងទៀតថា គណបក្ស ហ៊្វុនស៊ិនប៉ិច គ្រោងធ្វើសមាជគណបក្ស នៅថ្ងៃទី២៧ ខែកុម្ភៈខាងមុខ។
ការប្រកាសចូលប្រឡូកក្នុងឆាកនយោបាយជាថ្មីឡើងវិញ របស់ព្រះអង្គម្ចាស់ នរោត្តម រណឫទ្ធិ នៅពេលនេះ ត្រូវបានអ្នកវិភាគសង្គមមើលឃើញថា ទ្រង់ នរោត្តម រណឫទ្ធិ ឬគណបក្ស ហ៊្វុនស៊ិនប៉ិច ទំនងជាមិនមានប្រជាប្រិយភាពអាចឆក់ការគាំទ្រពីម្នាស់ឆ្នោត ដូចកាលពីមុនទៀតនោះឡើយ។
តែទោះយ៉ាងណា លោក ផាន់ សិទ្ធី បញ្ជាក់ថា គណបក្ស ហ៊្វុនស៊ិនប៉ិច បានរៀបចំគម្រោងការជាក់លាក់ ដើម្បីចូលរួមប្រកួតប្រជែងការបោះឆ្នោតក្រុមប្រឹក្សាឃុំ-សង្កាត់ ក្នុងឆ្នាំ២០២២ និងការបោះឆ្នោតជ្រើសតាំងតំណាងរាស្ត្រ នៅឆ្នាំ២០២៣ ខាងមុខរួចរាល់ហើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។