សែស្រឡាយ​រាជវង្ស​មួយ​អង្គ​គ្រោង​ប្ដឹង​រំលាយ​គណបក្ស​ហ៊្វុនស៊ិនប៉ិច

ដោយ វ៉ែន សុមេធ
2017-12-31
អ៊ីម៉ែល
មតិ
Share
បោះពុម្ព
ប្រធាន​គណបក្ស​ហ៊្វុនស៊ិនប៉ិច សម្ដេច​ក្រុមព្រះ នរោត្ដម រណឫទ្ធិ មាន​បន្ទូល​ក្នុង​ពិធី​សំណេះសំណាល​ជាមួយ​សកម្មជន និង​បូក​សរុប​ការងារ​ឆ្នាំ​២០១៥ នា​រាជធានី​ភ្នំពេញ នៅ​ថ្ងៃ​ទី​៣០ មករា ឆ្នាំ​២០១៦។
ប្រធាន​គណបក្ស​ហ៊្វុនស៊ិនប៉ិច សម្ដេច​ក្រុមព្រះ នរោត្ដម រណឫទ្ធិ មាន​បន្ទូល​ក្នុង​ពិធី​សំណេះសំណាល​ជាមួយ​សកម្មជន និង​បូក​សរុប​ការងារ​ឆ្នាំ​២០១៥ នា​រាជធានី​ភ្នំពេញ នៅ​ថ្ងៃ​ទី​៣០ មករា ឆ្នាំ​២០១៦។
RFA/Brach Chev

សែស្រឡាយ​ព្រះរាជ​វង្ស​មួយ​ព្រះអង្គ គឺ​ទ្រង់ ស៊ីសុវត្ថិ ចក្រីនុពល បាន​ប្រកាស​ដឹកនាំ​មហាជន​ធ្វើ​បាតុកម្ម​នៅមុខ​ស្ថានទូត​ចិន ប្រចាំ​ក្រុងភ្នំពេញ ដើម្បី​ប្រឆាំង​ប្រធាន​គណបក្ស​ហ៊្វុនស៊ិនប៉ិច ប្រសិន​បើ​ចិន​ពិតជា​បាន​ឧបត្ថម្ភ​ជំនួយ​តាម​សំណើ​របស់​ទ្រង់ នរោត្តម រណឫទ្ធិ ពិតមែន។ ការ​ប្រកាស​នេះ ក្រោយ​ពេល​ដែល​ប្រធាន​គណបក្ស​ហ៊្វុនស៊ិនប៉ិច ប្រកាស​សុំ​ជំនួយ​ពី​ចិន និង​អះអាង​ថា ចិន​តែងតែ​បាន​ផ្ដល់​ជំនួយ​ជានិច្ច​ដល់​គណបក្ស​ហ៊្វុនស៊ិនប៉ិច។

ក្រៅពី​ព្រមាន​ចេញ​ព្រះភ័ក្ត្រ​ដឹកនាំ​មហាជន​ធ្វើបាតុកម្ម ព្រះអង្គម្ចាស់ ស៊ីសុវត្ថិ ចក្រីនុពល ក៏បាន​សរសេរ​បញ្ជាក់​នៅ​ក្នុង​ហ្វេសប៊ុក​របស់​ព្រះអង្គ​ថា ទ្រង់​នឹង​ប្ដឹ​ងទៅ​តុលាការ​កំពូល ដើម្បី​រំលាយ​គណបក្ស​ហ៊្វុនស៊ិនប៉ិច ដូច​ដែល​គណបក្ស​នេះ ធ្លាប់​បាន​ប្ដឹង​រំលាយ​គណបក្ស​សង្គ្រោះ​ជាតិ​កន្លងមក​នោះ​ដែរ។

ប្រធាន​គណបក្ស​ហ៊្វុនស៊ិនប៉ិច គឺ​ទ្រង់ នរោត្តម រណឫទ្ធិ កាលពី​ថ្ងៃ​ទី​២៥ ធ្នូ បាន​ដាក់​សំណើ​ទៅកាន់ លោក វ៉ាង វៃគួង ប្រធាន​វិទ្យាស្ថាន​វិទ្យាសាស្ត្រ​សង្គម នៃ​សាធារណរដ្ឋ​ប្រជាមានិត​ចិន​ឲ្យ​ជួយ​ដល់​គណបក្ស​ហ៊្វុនស៊ិនប៉ិច ដោយសារតែ​ទ្រង់​អះអាង​ថា គណបក្ស​ហ៊្វុនស៊ិនប៉ិច ជា​គណបក្ស​ធំ​ទី​២ ហើយ​ជា​គណបក្ស​ក្រ​គ្មាន​អ្វី​សោះ។ ទ្រង់​អះអាង​ទៀត​ថា ភាគី​ចិន​បាន​សន្យា​យក​សំណើ​របស់​ព្រះអង្គ ទៅ​រាយការណ៍​ជូន​ប្រធានាធិបតី​ចិន លោក ស៊ី ជិនពីង។

បើ​ទោះ​ជា​ទ្រង់ រណឫទ្ធិ បាន​ប្រកាស​នៅ​ក្នុង​សន្និសីទកាសែត​ថា ចិន​បាន​ជួយ​គណបក្ស ហ៊្វុនស៊ិនប៉ិច តាំងពី​យូរ​មក​ហើយ នឹង​នៅតែ​បន្ត​ជួយ​ជា​បន្ត​ទៀត​យ៉ាងណាក្ដី ក៏​២​ថ្ងៃ​ក្រោយមក គណបក្ស​ហ៊្វុនស៊ិនប៉ិច បាន​ចេញ​សេចក្ដីថ្លែងការណ៍​ច្រានចោល​ព័ត៌មាន​ថា ទ្រង់ រណឫទ្ធិ សុំ​ជំនួយ​ហិរញ្ញវត្ថុ​ពី​គណក្ស​កុម្មុយនិស្ត​ចិន។ សេចក្ដីថ្លែងការណ៍ គណបក្ស​ហ៊្វុនស៊ិនប៉ិច អះអាង​ថា គណបក្សកុម្មុយនិស្ត​ចិន ធ្លាប់​ផ្ដល់​ជំនួយ​ជា​ម៉ាស៊ីន​ជីក​អណ្ដូង ម៉ាស៊ីន​បូម​ទឹក គ្រឿង​ម៉ាស៊ីន​កសិកម្ម ដែល​ត្រូវ​បាន​ខូចខាត​អស់ហើយ និង​ឧបករណ៍​ផ្សេងៗ ទៀត​តាមរយៈ​គណបក្ស​ហ៊្វុនស៊ិនប៉ិច កាលពី​នៅ​ក្នុង​រាជរដ្ឋាភិបាល​ចម្រុះ​ក្នុង​អាណត្តិ​ទី​១ ម្ល៉េះ។

អ្នកនយោបាយ​សែរាជរង្ស ដែល​ឡើង​អង្គុយ​កៅអី​តំណាងរាស្ត្រ​ដោយសារ​ការ​លើក​បន្តុប​ពី​គណបក្ស​ប្រជាជន​កម្ពុជា​អង្គ​នេះ បន្ត​ថា ទ្រង់​បាន​ស្នើ​សុំ​ឲ្យ​ចិន​ជួយ​គណបក្ស​ហ៊្វុនស៊ិនប៉ិច សម្រាប់​ការ​បោះឆ្នោត​សកលនៅ​ឆ្នាំ​២០១៨។ «»

កន្លង​មក លោកនាយក​រដ្ឋមន្ត្រី ហ៊ុន សែន បាន​ចេញមុខ​ប្រឆាំង​ដាច់ខាត ចំពោះ​គណបក្ស​ណា ដែល​ទទួល​ជំនួយ ឬ​ហិរញ្ញវត្ថុ​ពី​បរទេស​។ លោក ហ៊ុន សែន ហៅ​ការ​ទទួលយក​ជំនួយ​ទាំងនោះ​ថា ជា​ការ​លក់​ក្បាល​បម្រើ​ឲ្យ​បរទេស។ ហេតុដូច្នេះ លោកនាយក​រដ្ឋមន្ត្រី បាន​បង្កើត​ច្បាប់​ដើម្បី​ប្រឆាំង​ការ​ទទួល​ជំនួយ​ពី​បរទេស សម្រាប់​គ្រប់​គណបក្ស​នយោបាយ។ ច្បាប់​នោះ​ហើយ ដែល​បាន​បើកផ្លូវ​ឲ្យ​ទ្រង់ នរោត្តម រណឫទ្ធិ ឆ្លៀតឱកាស​ប្រមូល​យក​អាសនៈ​របស់​គណបក្ស​សង្គ្រោះ​ជាតិ ទាំង​នៅ​រដ្ឋសភា និង​នៅ​ថ្នាក់ក្រោម​ជាតិ។

អ្នក​សិក្សា​ស្រាវជ្រាវ​ការ​អភិវឌ្ឍ​សង្គម លោក​បណ្ឌិត មាស នី វិភាគ​ថា ប្រសិនបើ​រដ្ឋាភិបាល​កម្ពុជា អនុវត្ត​ច្បាប់​ឲ្យ​មាន​ស្តង់ដារ​តែមួយ គឺ​ក្រសួងមហាផ្ទៃ​មិន​ចាំបាច់​ស៊ើបអង្កេត​នោះ​ទេ អាច​ដាក់​ពាក្យ​ប្ដឹង​ទៅ​តុលាការ​កំពូល​បាន ក្នុង​ករណី​គណបក្ស​ហ៊្វុនស៊ិនប៉ិច បាន​ទទួល​ជំនួយ​ពី​ប្រទេស​ចិន។

អាស៊ីសេរី​មិន​អាច​សុំ​ការ​បញ្ជាក់​ពី​អ្នកនាំពាក្យ​ក្រសួងមហាផ្ទៃ លោក ខៀវ សុភ័គ បានទេ នៅ​ថ្ងៃ​ទី​៣១ ធ្នូ ជុំវិញ​ចំណាត់ការ​ផ្នែក​ច្បាប់​លើ​គណបក្ស​ហ៊្វុនស៊ិនប៉ិច ដោយសារ​មិន​អាច​ទូរស័ព្ទ​ទាក់ទង​បាន។ ប៉ុន្តែ នាយក​ប្រតិបត្តិ​អង្គការ​សម្ព័ន្ធ​គណនេយ្យភាព​សង្គម លោក សន ជ័យ យល់ថា បើ​ករណី​ដែល​ទ្រង់​រណឫទ្ធិ ជា​ប្រធាន​គណបក្ស​បាន​ចេញ​ព្រះភ័ក្ត្រ​ប្រកាស​រួចហើយ ក្រសួង​គួរតែ​បាន​ដឹង​ហើយ ចំណែក​វិធានការ​យ៉ាងណា​នោះ លោក​ក៏​រង់​ចាំ​មើល​ចំណាត់​ការ​ផ្នែក​ច្បាប់​របស់​ក្រសួង​មហាផ្ទៃ។ «»

ច្បាប់​ស្ដីពី​វិសោធនកម្ម​ច្បាប់​គណបក្ស​នយោបាយ មាត្រា ២៩​ថ្មី បាន​ចែងថា គណបក្ស​នយោបាយ ត្រូវ​បាន​ហាមឃាត់​មិន​ឲ្យ​ទទួល​វិភាគទាន ទោះជា​រូបភាព​ណា​ក៏​ដោយ ពី​ស្ថាប័ន​បរទេស ក្រុមហ៊ុន​បរទេស ជនបរទេស ឬ​អង្ក​ការ ដែល​មាន​ប្រភព​ហិរញ្ញប្បទាន​ពី​បរទេស។ ក្នុង​ករណី​ល្មើសច្បាប់ មាត្រា ៣៨​ថ្មី ចែង​អំពី​ទោស​ទណ្ឌ​ថា ក្រសួងមហាផ្ទៃ​អាច​ព្រមាន មាន​វិធានការ​ផ្អាក​សកម្មភាព​គណបក្ស​នយោបាយ​បណ្ដោះអាសន្ន ឬ​ករណី​ធ្ងន់ធ្ងរ​អាច​ប្ដឹង​សុំ​រំលាយ​គណបក្ស​នយោបាយ។ ទន្ទឹម​នឹង​នេះ ប្រព័ន្ធ​ផ្សព្វផ្សាយ​របស់​លោក​នាយក​រដ្ឋមន្ត្រី ហ៊ុន សែន កាលពី​ថ្ងៃ​ទី​២៥ ធ្នូ បាន​ចុះផ្សាយ​ថា ចិន​នៅតែ​បន្ត​ផ្ដល់​ជំនួយ​ដល់​គណបក្ស​រាជានិយម​ហ៊្វុនស៊ិនប៉ិច សម្ដេចក្រុមព្រះ​ជា​បន្ត​បន្ទាប់​ទៀត។

បញ្ហា​ដដែល​នេះ ត្រូវ​បាន​លោក​បណ្ឌិត មាស នី ធ្លាប់​វិភាគ​ថា ប្រសិនបើ​រដ្ឋាភិបាល​អនុវត្ត​ច្បាប់​មាន​ស្តង់ដារ​ពីរ ទោះជា​មានរឿង​អ្វី​ក៏ដោយ ក៏​គណបក្ស​ហ៊្វុនស៊ិនប៉ិច អាច​ធ្វើ​សកម្មភាព​នយោបាយ ដូច​គ្មាន​រឿង​អ្វី​កើតឡើង​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
Share

អ្នក​អាន​អនាមិក

អូនអើយកុំសើចបង​ ប្រយ័ត្នពៀរឆ្លង ម្ដងម្នាក់ទេ ។
​​ តើសម្ដេចក្រឡាហោម លោកទ្រង់សព្វព្រះហឬទ័យឈ្វេង
យល់ដូចម្ដេចដែរ ?

Dec 31, 2017 07:21 PM

kom sot

ពី KROCH CHHMAR

ច្បាប់អារដ្ឋាភិបាលនេះវាមានស្តង់ដាពីរ អ្នកណាប្រឆាំងនឹងវា​តុលាការ
វាច្បាស់ជាធ្វើការភ្លាម​ដូចជាគណបក្សសង្គ្រោះជាតិជាដើម​ រីឯអ្នកណា
ទ្រព្រះសុតវា​ វាធ្វើជាមិនដឹង។​អានេះហើយ​ព្រះរាជាអាណាចក្រកម្ពុជា
សូមប្រជារាស្ដ្រគឹតពិចារណា​ខ្លួនឯងទៅតើនណាល្អ!​នណាអាក្រក់។​

Dec 31, 2017 07:03 PM

tmil Hun Sen dealdy political maniac in 2018

Yeah...it was a stupid man since the first day who gained the power in 1993,under UN's supervised with promised for a free national election,and the FUNCIPEC party who led by n.Ranatih defeated the khmerouge former comrade Hun Sen from pm seat.But unfortunately tmil comrade Hun Sen didn't resign or step down from the power and wants to be two heads pm until today "weird country".After long period of first broken honeymoon between the two through to 1997,and sudden comrade Hun Sen's secreted coup d'etat turned to bloodshed and took over Childish prince n.Ranarith who fled to Malaysia for asylum with his young lady,with almost his entired top govm't officials and top military men had been destroyed by former khmerouge vietminh Hun Sen butcher who endorsed by NVC in 1979"aggression".Now,his young brother prince n.Sihamony's political controversy at the backstage with the china ally supported behind his elder brother Ranarith two faces govm't systems"one supported Hun Sen/nvc and other supported china"to help him and his brother to get back the power from comrade Hun Sen,the two princes keep the secret plan to breakup the best popular opposition party apart"CNRP"before anything else...because China commie govm't thought that the only thing in this national election coming there are only two best political parties"CNRP popular voters vs poor voter CCP",and Hun Sen's apartheid govm't will plunge down to earth.Otherwise, no any parties has their representative in the parliament"there only two top parties CNRP/CCP"with the best majority of voters will goes to CNRP that why tmil Hun Sen fears to lose and corporated with Ranarith to committed this political crime or to help comrade Hun Sen to get back to the international stage again"from foreign aids,loans or foreign donor, or lift up the economic sanctions "Hun Sen's drama is playing circus with international community",but isn't gonna work,gonna help at all.

Dec 31, 2017 06:39 PM

អ្នក​អាន​អនាមិក

look at this guy make me sick.

Dec 31, 2017 06:24 PM

អនាមិក

មិនបាច់ឆ្ងល់ទេអំពីតុលាការ​នឹងរដ្ឋធម្មនុញ្ញនៅកម្ជុជាសព្វ
ថ្ងៃឲ្យតែរណឫទ្ធិបំរើនិន្នាការហ៊ុន សែនគឺរណឫទ្ថិអាចធ្វើអ្វី
បានតាមចិត្តកុំថាឡើយយកប្រាក់ជំនួយពីចិនយកអ្វីៗ
ទៀ៏តក៏បានដែរគឹឥតមានទោសពៃអីទេ(សុទ្ធតែត្រូវទាំង
អស់)ប៉ុន្តែបើរណឫទ្ធិមិនធ្វើការឲ្យហ៊ុន សែនទេមុខជាយួរ
ខោរត់ដូចកាលពីរដ្ឋប្រហារញ្ចឹង៊នោះពលរដ្ឋខ្មែរដែលហែហម
រណឫទ្ធិនឹងស្លាប់គរជើងទៀត។

Dec 31, 2017 08:57 AM

មើល​មតិ​ទាំង​អស់.

គេហទំព័រ​ទាំងមូល