រដ្ឋាភិបាលសហរដ្ឋអាមេរិក តាមរយៈរដ្ឋមន្រ្តីការបរទេសលោក អែនតូនី ប្ល៊ីងខិន (Antony J.Blinken) ផ្ញើសារជូនពរសិរីសួស្តីឆ្នាំថ្មី ដល់ពលរដ្ឋខ្មែរទាំងអស់ឲ្យជួបតែសេចក្តីរីករាយ និងសុខភាពល្អក្នុងឱកាសឆ្នាំថ្មីនេះ។
លោក អែនតូនី ប្ល៊ីងខិន (Antony J.Blinken)ថារដ្ឋាភិបាលអាមេរិកចងចាំនូវវប្បធម៌ដ៏ល្អផូរផង់ និងរស់រវើករបស់កម្ពុជា នៅពេលដែលពលរដ្ឋខ្មែរជួបជុំគ្នាប្រារព្ធពិធីបុណ្យចូលឆ្នាំថ្មីប្រពៃណីខ្មែរនេះ។
លោកបន្តថា សហរដ្ឋអាមេរិកមានកិត្តិយសក្នុងការបន្តកសាងទំនងទំនងរឹងមាំផ្នែកវប្បធម៌រវាងសហរដ្ឋអាមេរិក និងកម្ពុជា និងសង្ឃឹមក្នុងការពង្រឹងទំនាក់ទំនងរបស់ប្រទេសទាំងពីរបន្ថែមទៀតដើម្បីកសាងកម្ពុជាឲ្យទៅជាប្រទេសដែលមានការរីកចម្រើន ប្រជាធិបតេយ្យ និងភាពឯករាជ្យជាងនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។