សមត្ថកិច្ចរកឃើញសាកសពសិស្សសាលា២នាក់ ក្នុងចំណោម៣នាក់ដែលបាត់ខ្លួន
2016.12.30
ពលរដ្ឋ ព្រះសង្ឃ និងសមត្ថកិច្ច ខេត្តក្រចេះ ស្វែងរកសិស្ស ៣នាក់ដែលបាត់ខ្លួននៅទល់មុខក្រុងក្រចេះ នៅព្រឹកថ្ងៃទី៣០ ខែធ្នូ ឆ្នាំ២០១៦។ Photo provided
Photo provided
សមត្ថកិច្ចក្រុងក្រចេះ នៅល្ងាចថ្ងៃទី៣០ ខែ ធ្នូ រកឃើញសាកសពក្មេងប្រុសសិស្សសាលា២នាក់ ក្នុងចំណោម៣នាក់ ដែលសង្ស័យថា លង់ទឹកទន្លេមេគង្គ ក្រោយពេលពួកគេបានទៅលេងទឹកនៅតាមឆ្នេរនៅលើកោះទ្រង់។
អធិការនគរបាលក្រុងក្រចេះ លោក នេត លីន ឲ្យអាស៊ីសេរីដឹងថា សាកសពសិស្សពីរនាក់ដែលត្រូវបានរកឃើញ មិននៅឆ្ងាយពីទីតាំងសម្ភារៈរបស់ពួកគេទេ គឺប្រហែលជា២០ម៉ែត្រពីច្រាំងខ្សាច់ដែលពួកគេលេង៖ «អ៊ីចឹងយើងអាចសន្និដ្ឋានជំហានថា ពួកគាត់ចុះលេងទឹក ហើយស្លាប់ហើយ។ ម៉ោង១១.៣០នាទី ក្រុមការងារយើងរកឃើញម្នាក់ ហើយរហូតមកដល់ម៉ោង១.៤៥នាទី យើងរកឃើញម្នាក់ទៀត»។
តាមការសន្និដ្ឋានរបស់សមត្ថកិច្ចបញ្ជាក់ថា សិស្សទាំងបីនាក់នេះបានចុះលេងទឹក បន្ទាប់មកទំនងមានម្នាក់លង់ទឹក ហើយពីរនាក់ទៀតចុះជួយ បណ្ដាលឲ្យពួកគេលង់ស្លាប់ទាំងអស់គ្នា។
លោក នេត លីន បន្តថា ការរុករកសាកសពសិស្សម្នាក់ទៀតដែលបាត់ខ្លួននោះ និងបន្តនៅព្រឹកថ្ងៃទី៣១ ធ្នូ។
សិស្សសាលាទាំង៣នាក់នេះ ជាសិស្សវិទ្យាល័យក្រុងក្រចេះ ពួកគេបានបាត់ខ្លួនកាលពីរសៀលថ្ងៃទី២៩ បន្ទាប់ពីចុះលេងទឹក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ឃួង ស្រេង ពីមន្ត្រីខណ្ឌតូចតាចទៅជាអភិបាលក្រុងភ្នំពេញដោយសារស្នាដៃបម្រើគ្រួសារត្រកូលហ៊ុន
- លោក ហេង សិទ្ធី ត្រូវបានចាប់ខ្លួនដល់រុស្សីក្រោយស្នើឱ្យលោក ហ៊ុន ម៉ាណែត ចុះចេញពីតំណែង
- លោក ហ៊ុន ម៉ានី ស្នើឲ្យនាយករដ្ឋមន្ត្រី លោក ហ៊ុន ម៉ាណែត ដកប្រធានមន្ទីរបរិស្ថានចំនួន៤ ខេត្ត នៅជុំវិញតំបន់ព្រៃឡង់
- មនុស្ស ៤នាក់ស្លាប់ និង ៥នាក់ទៀតរបួសធ្ងន់ ពេលប្រជ្រៀតគ្នាយកអាំងប៉ាវនៅភូមិគ្រឹះលោក សុខ គង់
- លោក សម រង្ស៊ី អំពាវនាវឱ្យកងកម្លាំងប្រដាប់អាវុធ និងអ្នកនយោបាយរួមគ្នាផ្លាស់ប្ដូររបបត្រកូល ហ៊ុន
អត្ថបទពេញនិយម
សង្គម
- ជនសង្ស័យ៥នាក់ត្រូវបានឃាត់ខ្លួនករណីក្លែងបន្លំឯកសណ្ឋានសមត្ថកិច្ចដើរជំរិតទារប្រាក់
- មន្ត្រីសិទ្ធិមនុស្សទាមទារឱ្យរដ្ឋាភិបាលទទួលខុសត្រូវលើករណីមនុស្សដណ្ដើមអាំងប៉ាវនៅផ្ទះលោក សុខ គង់ ស្លាប់និងរបួស
- អ្នកឃ្លាំមើលរិះគន់ថា អាជ្ញាធរមិនបានបង្ក្រាបមេខ្លោងបនល្បែងធំៗ ទើបទីតាំងបនល្បែងតាមអនឡាញរីករាលដាលខ្លាំង