កម្ពុជា និងថៃ នឹងធ្វើការរួមគ្នា ដើម្បីចុះល្បាត ស្រាវជ្រាវ ទប់ស្កាត់ និងបង្ក្រាបបទល្មើសគ្រឿងញៀន នៅតាមតំបន់ព្រំដែន នៃប្រទេសទាំងពីរ។ ការអះអាងដូច្នោះធ្វើឡើង ក្នុងជំនួបមួយរវាងអនុប្រធានអាជ្ញាធរជាតិប្រឆាំងគ្រឿងញៀន លោក ជួន សុវណ្ណ និងអ្នកប្រឹក្សារបស់ស្ថានទូតថៃប្រចាំកម្ពុជាលោក ចារ៉ែ ផកផា (Jarae Poka) នៅក្នុងក្រសួងមហាផ្ទៃ កាលពីថ្ងៃទី១០ ខែតុលា។
ក្នុងរយៈពេល៩ខែ ដើមឆ្នាំ២០២០នេះ អាជ្ញាធរកម្ពុជាបានបង្ក្រាបការជួញដូរគ្រឿងញៀន និងប្រើប្រាស់បានជិត ៨ពាន់ករណី (៧ ៧៨៨ករណី) និងចាប់ឃុំជនសង្ស័យចំនួនជាង ១ម៉ឺន ៥ពាន់នាក់ (១ ៥៧០នាក់) ដែលក្នុងនោះមានជនបរទេសចំនួន ២២៤នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។