អាមេរិក​បញ្ជូន​ពលរដ្ឋ​ដើម​កំណើត​ខ្មែរ ៣៦​នាក់ ធ្លាប់​ប្រព្រឹត្តិ​បទឧក្រិដ្ឋ​មក​កម្ពុជា​វិញ

ដោយ ហេង រស្មី
2018.12.19
Share on WhatsApp
Share on WhatsApp
និមិត្ត​សញ្ញា ​អាស៊ីសេរី ៦២២ និមិត្ត​សញ្ញា​អាស៊ីសេរី។
Photo: RFA

ពលរដ្ឋ​ដើមកំណើត​ខ្មែរ ៣៦ នាក់ ក្នុង​នោះ ៣៤​នាក់​ធ្លាប់​ប្រព្រឹត្តិ​បទឧក្រិដ្ឋ​នៅ​សហរដ្ឋអាមេរិក ត្រូវ​បាន​ភ្នាក់ងារ​អនុវត្ត​ច្បាប់​អន្តោប្រវេសន៍ និង​គយ របស់​សហរដ្ឋអាមេរិក ហៅ​កាត់​ថា (ICE) បញ្ជូន​មក​ដល់​កម្ពុជា​ហើយ កាលពី​ថ្ងៃ​អង្គារ ទី១៨ ធ្នូ។

នាយក​ប្រតិបត្តិ​ភ្នាក់ងារ​អនុវត្ត​ច្បាប់​អន្តោប្រវេសន៍ និង​គយ​សហរដ្ឋអាមេរិក អ្នកស្រី ណាតាលី អាហ្សឺ ( Nathalie Asher ) មាន​ប្រសាសន៍​ក្នុង​សេចក្ដី​ថ្លែងការណ៍​របស់​ភ្នាក់ងារ ICE ថា «​ការ​បញ្ជូន​ពលរដ្ឋ​ដើមកំណើត​ខ្មែរ​ទៅកាន់​ប្រទេស​កម្ពុជា​វិញ បាន​កើន​ឡើង​ដល់​ទៅ ២៧៩​ភាគរយ នៅ​ឆ្នាំ ២០១៨ នេះ ធៀប​នឹង​ឆ្នាំ​២០១៧ កន្លងទៅ​។ ក៏ប៉ុន្តែ នៅ​មាន​ពលរដ្ឋ​ដើមកំណើត​ខ្មែរ​ជិត ១.៩០០ នាក់​ផ្សេងទៀត កំពុង​រស់នៅ​សហរដ្ឋអាមេរិក ដោយមាន​ដីកា​បណ្ដេញ​ចេញ ក្នុង​នោះ ១.៤០០ នាក់ ជាប់ទោស​ពី​បទ​ឧក្រិដ្ឋ»។ អ្នកស្រី​ថ្លែង​បន្ត​ថា ភ្នាក់ងារ ICE នឹង​បន្ត​អនុវត្ត​កិច្ចការ​បណ្ដេញ​ចេញ​ដោយ​ស្របច្បាប់​នេះ ដោយ​ផ្ដោត​អាទិភាព​ទៅលើ​ការ​បណ្ដេញ​ចេញ​ជន​ដែល​បង្ក​ការ​គំរាមកំហែង​ដល់​សុវត្ថិភាព​សាធារណៈ​នៅ​អាមេរិក។

ភ្នាក់ងារ​អនុវត្ត​ច្បាប់​អន្តោប្រវេសន៍ និង​គយ របស់​សហរដ្ឋអាមេរិក ឲ្យ​ដឹង​ថា ពលរដ្ឋ​ខ្មែរ​ដែល​ត្រូវ​បញ្ជូន​មក​កម្ពុជា​វិញ​ទាំងនោះ ភាគច្រើន​ជាប់​ពាក់ព័ន្ធ​នឹង​ការប្រព្រឹត្តិ​ឧក្រិដ្ឋកម្ម​នៅ​អាមេរិក ក្នុង​នោះ​រួមមាន​អំពើ​ឃាតកម្ម អំពើ​មនុស្សឃាត អំពើ​រំលោភ​ផ្លូវ​ភេទ អំពើ​រំលោភបំពាន​លើ​កុមារ អំពើ​ហិង្សា​គ្រួសារ អំពើ​ជួញដូរ ឬ​ប្រើប្រាស់​គ្រឿងញៀន​ជាដើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។