"ក្រុម​ចោរ​បច្ចេកវិទ្យា​ដែល​គេ​សង្ស័យ​ថា​មក​ពី​ចិន​បាន​ស៊ើបការណ៍​អំពី​ដំណើរការ​បោះឆ្នោត​នៅ​កម្ពុជា"

ដោយ សន ចាន់រដ្ឋា
2018-07-12
អ៊ីម៉ែល
មតិ
Share
បោះពុម្ព
លោក​នាយករដ្ឋមន្ត្រី ហ៊ុន សែន ចូល​រួម​បោះ​ឆ្នោត​ជ្រើស​តាំង​សមាជិក​ព្រឹទ្ធសភា អាណត្តិ​ទី​៤ នៅ​ការិយាល័យ​ក្នុង​ក្រុង​តាខ្មៅ ខេត្ត​កណ្ដាល កាល​ពី​ថ្ងៃ​ទី​២៥ កុម្ភៈ ឆ្នាំ​២០១៨។
លោក​នាយករដ្ឋមន្ត្រី ហ៊ុន សែន ចូល​រួម​បោះ​ឆ្នោត​ជ្រើស​តាំង​សមាជិក​ព្រឹទ្ធសភា អាណត្តិ​ទី​៤ នៅ​ការិយាល័យ​ក្នុង​ក្រុង​តាខ្មៅ ខេត្ត​កណ្ដាល កាល​ពី​ថ្ងៃ​ទី​២៥ កុម្ភៈ ឆ្នាំ​២០១៨។
Photo courtesy of SPM's page

ក្រុមហ៊ុន​ឯកជន​មួយ​នៅ​សហរដ្ឋអាមេរិក​ដែល​នាំ​មុខ​គេ​ក្នុង​ការងារ​តាមដាន​សុវត្ថិភាព​លើ​ប្រព័ន្ធ​អ៊ីនធឺណិត​ឈ្មោះ​ហ្វាយអឺរអាយ (FireEye) រក​ឃើញ​ថា ក្រុម​ចោរ​បច្ចេកវិទ្យា ឬ​ហេកគ័រ (Hacker) ដ៏​ល្បី​ឈ្មោះ​មួយ​ដែល​មាន​ទំនាក់ទំនង​គួរ​ឲ្យ​សង្ស័យ​ជាមួយ​នឹង​រដ្ឋាភិបាល​ចិន បាន​ប្រើ​បច្ចេកវិទ្យា​លុកលុយ​ស្ថាប័ន​ជាច្រើន​របស់​កម្ពុជា​ដែល​ធ្វើ​ការងារ​ពាក់ព័ន្ធ​ដំណើរ​ការបោះឆ្នោត។ គោលដៅ​នៃ​ការ​វាយប្រហារ​នោះ រួមមាន​ស្ថាប័ន​រដ្ឋាភិបាល មន្ត្រី​គណបក្ស​សង្គ្រោះជាតិ មន្ត្រី​ការពារ​សិទ្ធិមនុស្ស និង​អ្នកសារព័ត៌មាន។

ក្រុមហ៊ុន​ហ្វាយអឺរអាយ មាន​មូលដ្ឋាន​នៅ​សហរដ្ឋអាមេរិក ចេញផ្សាយ​របាយការណ៍​មួយ​នៅ​ថ្ងៃ​ទី​១០ ខែ​កក្កដា លាតត្រដាង​ថា ក្រុម​ចោរ​បច្ចេកវិទ្យា​មួយ​ក្រុម​ឈ្មោះ ថិមផ៍ ភើរីស្កូប (TEMP.Periscope) ដែល​ត្រូវ​គេ​សង្ស័យ​ថា មាន​ទំនាក់ទំនង​នឹង​រដ្ឋាភិបាល​ចិន បាន​ប្រើប្រាស់​បច្ចេកទេស​ផ្សេងៗ​តាម​ប្រព័ន្ធ​អ៊ីនធឺណិត​ដើម្បី​លុកលុយ​ស្ថាប័ន និង​បុគ្គល​ជាច្រើន​នៅ​កម្ពុជា​ដែល​ធ្វើការ​ពាក់ព័ន្ធ​នឹង​ដំណើរការ​បោះឆ្នោត​ដើម្បី​ស៊ើបការណ៍​សម្ងាត់​ឲ្យ​រដ្ឋាភិបាល​ចិន។

ក្រុមហ៊ុន​ហ្វាយអឺរអាយ ជឿ​ថា សកម្មភាព​របស់​ក្រុម​ចោរ​បច្ចេកវិទ្យា ឬ ហេកគ័រ​នេះ​ធ្វើឡើង​ក្នុង​បំណង​ផ្ដល់​ដល់​រដ្ឋាភិបាល​ចិន នូវ​ព័ត៌មាន​សម្ងាត់​អំពី​ការបោះឆ្នោត​នៅ​កម្ពុជា និង​ប្រតិបត្តិការ​របស់​រដ្ឋាភិបាល លោក ហ៊ុន សែន។ ប៉ុន្តែ​រដ្ឋាភិបាល​ចិន​បាន​បដិសេធ​ថា ខ្លួន​មិន​មាន​ការ​ពាក់ព័ន្ធ​នឹង​ក្រុម​ហេកគ័រ​ឈ្មោះ ថិមផ៍ ភើរីស្កូប នោះ​ទេ នេះ​បើ​យោង​តាម​ការ​ចុះផ្សាយ​របស់​កាសែតFinancial Times

ក្រុមហ៊ុន ហ្វាយអឺរអាយ ដដែល​អះអាង​ថា ខ្លួន​បាន​តាមដាន​ក្រុម​ចោរ​បច្ចេកវិទ្យា​នេះ​តាំងពី​ឆ្នាំ​២០១៣​មក ហើយ​រកឃើញ​ថា ក្រុម​នេះ​ធ្លាប់​មាន​ប្រវត្តិ​វាយប្រហារ​តាម​អ៊ីនធឺណិត​ទៅ​លើ​ស្ថាប័នរដ្ឋ និង​ឯកជន​ជាច្រើន​នៅ​សហរដ្ឋអាមេរិក និង​ប្រទេស​មួយ​ចំនួន​នៅ​អឺរ៉ុប។

របាយការណ៍​របស់​ក្រុមហ៊ុន ហ្វាយអឺរអាយ បញ្ជាក់​ថា ស្ថាប័ន​កម្ពុជា​ដែល​រង​ការ​វាយលុក​ពី​ក្រុម​ចោរ​បច្ចេកវិទ្យា​ឈ្មោះ ថិមផ៍ ភើរីស្កូប មាន​ដូចជា៖ គណៈកម្មាធិការ​ជាតិ​រៀបចំ​ការបោះឆ្នោត (..) ក្រសួង​មហាផ្ទៃ ក្រសួង​ការបរទេស សហប្រតិបត្តិការ​អន្តរជាតិ ព្រឹទ្ធសភា ក្រសួង​សេដ្ឋកិច្ច និង​ហិរញ្ញវត្ថុ តំណាងរាស្ត្រ​គណបក្ស​សង្គ្រោះជាតិ មន្ត្រី​សង្គម​ស៊ីវិល​តស៊ូ​មតិ​ផ្នែក​សិទ្ធិមនុស្ស និង​ប្រជាធិបតេយ្យ​ដែល​តែងតែ​រិះគន់​រដ្ឋាភិបាល មន្ត្រី​ការទូត​កម្ពុជា​ពីរ​រូប​ធ្វើការ​នៅ​ក្រៅ​ប្រទេស និង​ប្រព័ន្ធ​ផ្សព្វផ្សាយ​ជាច្រើន។

អ្នកនាំពាក្យ​គ..ប លោក ហង្ស ពុទ្ធា បញ្ជាក់​ថា ធ្លាប់​មាន​ការ​ព្យាយាម​វាយប្រហារ​ពី​សំណាក់​ជន​មិន​ស្គាល់​មុខ​មក​លើ​គណនី​ហ្វេសប៊ុក​ផ្ទាល់ខ្លួន​របស់​លោក និង​មន្ត្រី​គ..ប​មួយ​ចំនួន​តាមរយៈ​អ៊ីមែល​ពិតមែន ប៉ុន្តែ​បញ្ហា​នេះ​ត្រូវ​បាន​ដោះស្រាយ​ប្រមាណ​មួយ​ខែ​មក​ហើយ និង​មិន​មាន​ផល​ប៉ះពាល់​អ្វី​ដល់​ទិន្នន័យ​របស់​គ..ប​ឡើយ៖ «ខ្ញុំ​ទទួលស្គាល់​ថា មានការ​ហេក (Hack) ការ​អី​ណា បាទ​! ប៉ុន្តែ​ព័ត៌មាន​វា​ច្រើនពេក ខ្ញុំ​ផ្ទាល់​ខ្ញុំ​ពិបាក​ក្នុង​ការ​ជឿ​យក​ព័ត៌មាន​ទាំងឡាយ​ដែល​មិនមែន​ជា ព័ត៌មាន​... ខ្ញុំ​មិន​ដឹង​ថា ជឿ​ទុកចិត្ត​បាន​កម្រិត​ណា»

ចំណែក​អ្នកនាំពាក្យ​រដ្ឋាភិបាល​កម្ពុជា លោក ផៃ ស៊ីផាន មាន​ប្រសាសន៍​ថា លោក​មិន​ទទួល​បាន​ដំណឹង​ពី មានការ​វាយប្រហារ​តាម​អ៊ីនធឺណិត​មក​លើ​ស្ថាប័នរដ្ឋ​នោះ​ទេ ប៉ុន្តែ​រដ្ឋាភិបាល​កម្ពុជា​ថ្កោលទោស​រាល់​ការប៉ុនប៉ង​របស់​រដ្ឋ​ណាមួយ​ក្នុង​ការ​ស៊ើបការណ៍​សម្ងាត់​ពី​កម្ពុជា៖ «អ្វី​ដែល​ជា​ជំហរ​របស់​ប្រទេស​កម្ពុជា រដ្ឋាភិបាល​នឹង​ថ្កោលទោស​រាល់​សកម្មភាព​ណា​ដែល Hacking ឬក៏​Spying ឬក៏​មក​ស៊ើបការណ៍​ពី​សាច់រឿង​ខ្មែរ​ដែល​ប៉ះពាល់​ដល់​សន្តិសុខ​ជាតិ ប៉ះពាល់​ដល់​អធិបតេយ្យ​ភាព​របស់​កម្ពុជា មិន​ថា​ក្រុម​ហ្នឹង​បុគ្គល​ហ្នឹង​នៅ​ជាមួយ​អ្នកណា ឬក៏​យ៉ាងណា​នោះ​ទេ»

អង្គការ​ការពារ​សិទ្ធិមនុស្ស​លីកាដូ (LICADHO) ជា​ស្ថាប័ន​មួយ​ក្នុងចំណោម​ស្ថាប័ន​ផ្សេងទៀត​ដែល​រង​ការ​រំខាន​ដោយ​ក្រុម​ហេកគ័រ​នោះ ។ ភស្ដុតាង​ដែល​ក្រុមហ៊ុន​ហ្វាយអឺរអាយ ដាក់​បង្ហាញ នៅ​លើ​គេហទំព័រ​របស់​ខ្លួន ឲ្យ​ដឹង​ថា ក្រុម​ហេកគ័រ​បាន​ប្រើប្រាស់​ឈ្មោះ​អង្គការ​លីកាដូ ផ្ញើ​អ៊ីមែល​ទៅ​កញ្ញា​កឹម មនោវិទ្យា កូនស្រី​ច្បង​លោក កឹម សុខា ប្រធាន​គណបក្ស​សង្គ្រោះជាតិ កាលពី​ខែ​មិថុនា ដោយ​បោក​បញ្ឆោត​ឲ្យ​កញ្ញា កឹម មនោវិទ្យា បំពេញ​កម្រង​សំណួរ​មួយ​ស្ដីពី​ស្ថានភាព​នយោបាយ​នៅ​កម្ពុជា។

ក្នុង​អំឡុង​ខែ​មិថុនា​ដដែល ករណី​ស្រដៀង​គ្នា​នេះ​ក៏បាន​កើតឡើង​ទៅលើ​វិទ្យាស្ថាន​បណ្ដុះបណ្ដាល​និង​ស្រាវជ្រាវ​ដើម្បី​អភិវឌ្ឍន៍​កម្ពុជា ហៅ​កាត់​ថា CDRI កាលពី​ខែ​មិថុនា ដែរ។ ក្រុម​ចោរ​បច្ចេកវិទ្យា​បាន​ប្រើប្រាស់​ឈ្មោះ​របស់ វិទ្យាស្ថាន​បណ្ដុះបណ្ដាល និង​ស្រាវជ្រាវ​ដើម្បី​អភិវឌ្ឍន៍​កម្ពុជា ផ្ញើ​សារ​ទៅ​កាន់​អង្គការ​ផ្សេងទៀត ដោយ​ក្លែងបន្លំ​ជា​ការ​អញ្ជើញ​ឱ្យ​អង្គការ​នោះ​ចូលរួម​ក្នុង​សន្និសីទ​ដែល​រៀបចំ​ដោយ​វិទ្យាស្ថាន​បណ្ដុះបណ្ដាល និង​ស្រាវជ្រាវ​ដើម្បី​អភិវឌ្ឍន៍​កម្ពុជា។

អ្នក​សិក្សា​ផ្នែក​បច្ចេកវិទ្យា និង​ជា​ប្រធាន​ផ្នែក​ប្រព័ន្ធ​ផ្សព្វផ្សាយ​របស់​អង្គការ​សង់ត្រាល់ (CENTRAL) លោក ង៉ែត ម៉ូសេ ឲ្យ​ដឹង​ថា លោក​បាន​កត់សម្គាល់​ឃើញ​មាន​សកម្មភាព​របស់​ក្រុម​Hacker នេះ តាំងពី​ខែ​មិថុនា​ថ្មីៗ​កន្លងទៅ ដែល​បាន​កើតឡើង​ចំពោះ​អង្គការ​សង្គម​ស៊ីវិល​ផ្សេង ប៉ុន្តែ លោក​មិនទាន់​ឃើញ​តម្រុយ​ណាមួយ​ពី​ក្រុមហេកគ័រ សំដៅ​មក​រក​ស្ថាប័ន​របស់​លោក​នៅឡើយ។

ទោះយ៉ាងណា លោក​ព្រួយបារម្ភ​ថា អង្គការ​សង់ត្រាល់​ក៏​អាច​ជា​គោលដៅ​មួយ​របស់​ក្រុម​ហេកគ័រ​នោះ​ដែរ ដោយសារ​ស្ថាប័ន​លោក​ធ្វើ​ការងារ​ការពារ​សិទ្ធិមនុស្ស។

ក្រុមហ៊ុន​ហ្វាយអឺរអាយ កត់សម្គាល់​ក្នុង​របាយការណ៍​របស់​ខ្លួន​ថា កន្លងទៅ​ក្រុម​នេះ​ធ្លាប់​ធ្វើ​សកម្មភាព​ផ្ដោត​សំខាន់​លើ​វិស័យ​នាវាចរណ៍ ប៉ុន្តែ​ភស្តុតាង​ថ្មី​ស្ដីពី​សកម្មភាព​របស់​ក្រុម​នេះ​មក​លើ​ប្រទេស​កម្ពុជា ចង្អុល​បង្ហាញ​ថា ក្រុម​​ហេកគ័រ​ដែល​មាន​ប្រភព​មកពី​ប្រទេស​ចិន​នេះ ក៏​នឹង​មាន​គោលដៅ​ផ្ដោត​ទៅ​លើ​ប្រព័ន្ធ​នយោបាយ​នៃ​បណ្ដា​ប្រទេស​ដែល​មាន​សារសំខាន់​ជា​យុទ្ធសាស្ត្រ​ដល់​ប្រទេស​ចិន​ផង​ដែរ។

ក្រុមហ៊ុន​ជំនាញ​ផ្នែក​សុវត្ថិភាព​លើ​ប្រព័ន្ធ​អ៊ីនធឺណិត​នេះ យល់ថា ការ​ដាក់​គោលដៅ​ថ្មី​របស់​ក្រុម​ហេកគ័រ​ចិន​នេះ អាច​ដោយសារតែ​ការបោះឆ្នោត​នៅ​ប្រទេស​ម៉ាឡេស៊ី​នៅ​ពេល​ថ្មីៗ​នេះ គណបក្ស​ប្រឆាំង​បាន​ឈ្នះ​ឆ្នោត​យ៉ាង​គួរ​ឲ្យ​ភ្ញាក់ផ្អើល ដែល​ជំរុញ​ឲ្យ​រដ្ឋាភិបាល​ចិន ត្រូវ​តាមដាន​ឃ្លាំមើល​ឲ្យ​បាន​ល្អិតល្អន់​នូវ​ដំណើរការ​បោះឆ្នោត​នៅ​កម្ពុជា ដើម្បី​ដឹង​ឲ្យ​បាន​ច្បាស់​អំពី​ស្ថានការណ៍​នយោបាយ​ក្នុង​ប្រទេស​នេះ។

ទោះ​យ៉ាងណា ក្រុមហ៊ុន​ហ្វាយអឺអាយ បញ្ជាក់​ថា ខ្លួន​មិន​ទាន់​មាន​ព័ត៌មាន​គ្រប់គ្រាន់​ដើម្បី​សន្និដ្ឋាន​អោយ​បាន​ជាក់លាក់ ថា​តើ​សកម្មភាព​ក្រុម​​ហេកគ័រ​របស់​ចិន​នេះ ធ្វើឡើង​គ្រាន់តែ​ដើម្បី​ប្រមូល​ព័ត៌មាន​សម្ងាត់​អំពី​ដំណើរការ​រៀបចំ​ការ​បោះ​ឆ្នោត​នៅ​កម្ពុជា ឬក៏​ជា​ផ្នែក​មួយ​នៃ​ប្រតិបត្តិការ​ធំ​ជាង​នេះ​នោះ​ទេ។ ទោះ​យ៉ាង​ណា ក្រុមហ៊ុន​នេះ​ចាត់​ទុក​សកម្មភាព​របស់​ក្រុម​ហេកគ័រ​ចិន​មក​លើ​ប្រទេស​កម្ពុជា​ថា ជា​ឧទាហរណ៍​ថ្មី​មួយ​ស្ដីពី​ប្រតិបត្តិ​ការ​ប្រមូល​ការណ៍​សម្ងាត់​ពាក់ព័ន្ធ​ដំណើរ​ការបោះឆ្នោត យ៉ាង​ទូលំទូលាយ​លើ​ពិភពលោក​របស់​រដ្ឋាភិបាល​ចិន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (2)
Share

Chinese hackers wants Hussein to be Pol Pot next

Chinese commies ramsomeware virus hackers want to hack tmi Hun Sen's rogue beggar government documentary and the ones who owed in billions $$ to them and now time to turn dictator Hun Sen to pay them back in this election coming"chinese hackers toppling evil dictator Hussein karma".See Pol Pot secreted death by Chinese espionage used "inhale injection"in Anlong Veng of khmer rouge last stronghold northwestern of Udor MeanChey province and now turn to dictator Hussein himself.

Jul 12, 2018 02:32 PM

tmil Hussein's ghost haunting widespread before election coming

There's not surprise to us and is not the first time that jackass dictator Hussein had secreted imported those barbarian"far-east-hackers"to help his ccp commie govm't in power,and those"H-A-C-K-E-R"came from far away like African+Joseph Mattews as Pakistanis citizen to helped tmil Hun Sen know how to abolished opposition top political contender before election coming+nvc+ccp's ghost h-a-u-n-t-e-r connected with their headquarter in PP.

Jul 12, 2018 11:49 AM

គេហទំព័រ​ទាំងមូល