អាជ្ញាធរ​​បង្ក្រាប​បាន​ជនជាតិ​ចិន​៣នាក់​ពាក់ព័ន្ធដឹក​ជញ្ជូន​គ្រឿងញៀន​ឆ្លង​ដែន​​ជិត​​៦០០​គីឡូក្រាម

2022.03.27
Share on WhatsApp
Share on WhatsApp
អាជ្ញាធរ​​បង្ក្រាប​បាន​ជនជាតិ​ចិន​៣នាក់​ពាក់ព័ន្ធដឹក​ជញ្ជូន​គ្រឿងញៀន​ឆ្លង​ដែន​​ជិត​​៦០០​គីឡូក្រាម សមត្ថកិច្ចកម្ពុជា​បង្ហាញ​មុខ​ឧក្រិដ្ឋជន​គ្រឿងញៀន​ចិន​៣​នាក់ រួមទាំង​វត្ថុតាង​ជា​គ្រឿងញៀន​ជាង ១០០ គីឡូក្រាម បន្ទាប់​ពី​សមត្ថកិច្ច​បង្ក្រា​ប​បាន​កាល​ពី​ថ្ងៃទី២៥ ខែមីនា ឆ្នាំ២០២២ នៅរាជធានីភ្នំពេញ និងខេត្តកណ្តាល។
រូប៖ អគ្គស្នងការដ្ឋាននគរបាលជាតិ

អាជ្ញាធរ​ប្រឆាំង​បទល្មើស​គ្រឿង​ញៀន​​បង្ក្រាប​​បាន​​ក្រុម​ឧក្រិដ្ឋជន​ចិន​​ ៣​​នាក់​​បន្ថែម​ទៀត​ ពាក់​ព័ន្ធ​ការ​ដឹក​ជញ្ជូន​គ្រឿងញៀន​ឆ្លងដែន​ចូល​កម្ពុជា​ជិត​ ៦០០​គីឡូក្រាម​​នៅថ្ងៃទី២៦ ខែមីនា​។

អាជ្ញាធរ​បង្ក្រាប​បាន​ក្រុម​ឧក្រិដ្ឋជន​ទាំង​នោះ​ស្ថិតនៅ​ទីតាំង ​៤​កន្លែង​ផ្សេង​គ្នា​ ក្នុងនោះ​ ៣ទីតាំង​ស្ថិត​នៅ​រាជធានី​ភ្នំពេញ​ និងមួយ​ទីតាំង​ទៀត​ស្ថិត​នៅខេត្តព្រះសីហនុ​។

គេហទំព័រ​ស្នងការ​នគរបាល​ជាតិ​ឱ្យ​ដឹងនៅថ្ងៃទី២៦ ខែមីនា​ គ្រឿងញៀន​ជិត​ ៦០០​គីឡូក្រាម​របស់​ក្រុម​ឧក្រិដ្ឋជន​ចិន​ទាំង​៣​នាក់​នោះ ​គឺ​ពួកគេ​ បម្រុង​រៀបចំដឹក​ជញ្ជូនទៅ​កាន់ប្រទេសទី៣​។

កាលពី​ថ្ងៃទី២៥ ខែមីនា​ អាជ្ញាធរ​ក៏បាន​បង្រ្កាប​ឧក្រិដ្ឋជន​គ្រឿងញៀន​ជនជាតិចិន​តៃវ៉ាន់​៣​នាក់​ស្ថិត​នៅ​ចំណុច​៣​ទីតាំង​ផ្សេងគ្នា​ដែរ​ដោយ​មួយ​ទីតាំងស្ថិត​នៅ​ ស្រុក​អង្គស្នួល​ ខេត្តកណ្តាល​ និង​ពីរ​ទី​តាំង​ទៀតស្ថិត​នៅរាជធានី​ភ្នំពេញ​ ដោយ​រឹបអូស​គ្រឿងញៀនបាន​ជាង​ ១រយ​គីឡូក្រាម

គ្រឿងញៀន​ដែលសមត្ថកិច្ចរឹបអូស​បាន ២ថ្ងៃជាប់គ្នា​នេះ​ ភាគច្រើន​ជាប្រភេទ ​កេ​តា​មីន​ (Ketamine)​ ​អ៊ិ​ច​ស្តា​ស៊ី​ (MDMA)​ និង​​មេ​តំ​ហ្វេ​តា​មីន​ ​(WY)​ ​សរុបជាង ៧០០​គីឡូក្រាម​។ ​សមត្ថកិច្ច​អះអាងថា ​ក្រុម​ឧក្រិដ្ឋជន​ និងគ្រឿងញៀនទាំងនោះ ​បាន​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ ​ដើម្បីចាត់​ការ​តាម​នីតិវិធី៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។

គេហទំព័រ​ទាំងមូល