អ្នកភូមិឆ្មាពួនខេត្តកណ្ដាលដាក់លូរាំងផ្លូវមិនឱ្យឡានដឹកដីធំៗចេញចូល
2014.11.30
ពលរដ្ឋនាំគ្នាបិទផ្លូវ មិនឲ្យឡានដឹកដីធំៗ ចេញចូល ត្រង់ចំណុចភូមិឆ្មាពួន ឃុំជើងកើប ស្រុកកណ្ដាលស្ទឹង ខេត្តកណ្ដាល នៅថ្ងៃទី ៣០ វិច្ឆិកា ២០១៤។
អ្នកភូមិឆ្មាពួន ឃុំជើងកើប ស្រុកកណ្ដាលស្ទឹង ខេត្តកណ្ដាល ប្រមាណ៣០ នាក់ នាំគ្នាដាក់លូរាំងផ្លូវ មិនឱ្យឡានដឹកដីធំៗ ចេញចូល នៅថ្ងៃទី ៣០ វិច្ឆិកា។
អ្នកតវ៉ាម្នាក់ ដែលចូលរួមបិទផ្លូវនេះ គឺលោកស្រី ឈឺន ពៅ ថ្លែងថា ពួកគាត់បិទផ្លូវតវ៉ាចំពោះឡានដឹកដីធំៗ ទាំងនោះ ធ្វើឱ្យខូចផ្លូវចូលទៅក្នុងភូមិ ហើយបង្កការលំបាកដល់អ្នកភូមិធ្វើដំណើរ ដោយសារតែរលាក់ និងរអិលពេលបាញ់ទឹក៖ «ឡានដឹកដីហ្នឹងវាទំនាស់ច្រើន។ ឡានធំផ្លូវតូច ហើយសិស្សសាលាលំបាក។ សូម្បីតែអ្នកធ្វើការរោងចក្រក៏ពិបាកគ្រប់បែបគ្រប់យ៉ាង។ គ្មានយល់ថាប្រជាពលរដ្ឋទៅធ្វើការអី បង្អង់ឱ្យទៅសិនអត់ទេ។ ម្ល៉ោះហើយខ្ញុំបបួលគ្នាថា សិស្សសាលាអី បើបើកទៅទៀតទៅ ថ្ងៃក្រោយវាកាយរឹតតែលុងៗ ទៅដល់ប្រេតទៅមិនដឹងយ៉ាងណា។ ឥឡូវខ្ញុំសុំបិទផ្លូវ អត់ឱ្យឡានក្រុមហ៊ុនចេញទេ។ រណ្ដៅហ្នឹងខ្ញុំសុំឱ្យបិទត្រឹមហ្នឹង»។
អ្នកភូមិឱ្យដឹងថា បញ្ហានេះចាប់ផ្ដើមជិតមួយខែហើយ ប៉ុន្តែអាជ្ញាធរមិនបានជួយធ្វើអន្តរាគមន៍ទេ ទើបពួកគាត់សម្រេចបិទផ្លូវដោយខ្លួនឯង។ ពួកគាត់ថ្លែងថា នឹងរកអន្តរាគមន៍ពីនាយករដ្ឋមន្ត្រី ប្រសិនបើក្រុមហ៊ុនដឹកដីមិនបញ្ឈប់ទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ
អត្ថបទពេញនិយម
សង្គម
- ក្រុមគ្រួសារលោក ហ៊ុន សែន បង្កើតកម្មវិធីរាំច្រៀងសប្បាយនៅលើគំនរទុក្ខពលរដ្ឋ
- ក្រុមអតិថិជនបុរីពិភពថ្មីដាក់ពាក្យប្ដឹង ទៅស្នងការករណីតៃកុងឡានបុរីបើកបុកពួកគាត់
- សារជូនពរឆ្នាំថ្មី ២០២៤
- ពលរដ្ឋចាញ់បោកអ្នកស្រី ឡេង ចាន់ណា ព្រមានឡើងមកតវ៉ានៅមុខផ្ទះលោក ហ៊ុន សែន បើតុលាការខេត្តសៀមរាបពន្យារពេលដោះស្រាយ
- ទិដ្ឋភាពទូទៅ នៃពិធីបុណ្យចូលឆ្នាំខ្មែរ ក្នុងតំបន់អង្គរខេត្តសៀមរាប