មូលដ្ឋានទ័ពរាម «អាចក្លាយជាកន្លែងចូលចតនាវាមុជទឹកយោធាចិន»
2024.07.29
ផែស្ងួត ផ្លូវជម្រាលសម្រាប់នាវាតូចៗ និងកំពង់ផែនៅគែមខាងត្បូងនៃមូលដ្ឋានទ័ពជើងទឹករាម ខែមិថុនា ឆ្នាំ ២០២៤។
រូប៖ Planet Labs
អ្នកវិភាគខាងយោធាអាមេរិកលោក ថូម៉ាស ស៊ូហ្កាត (Thomas Shugart) ប្រាប់វិទ្យុអាស៊ីសេរីថា មូលដ្ឋានទ័ពជើងទឹករាមរបស់កម្ពុជា បានសាងសង់ផែសំចតស្ងួតថ្មីមួយ ដែលអាចប្រើប្រាស់សម្រាប់ការចូលចតរបស់នាវាមុជទឹកចិន។ អ្នកវិភាគមកពីមជ្ឈមណ្ឌលសន្តិសុខអាមេរិកថ្មី (Center for a New American Security) រូបនេះបន្តថា ផែសំចតស្ងួតថ្មីនេះ រួមទាំងផែមួយទៀត ហាក់ត្រូវបានសាងសង់រួចរាល់ហើយ។
រូបភាពផ្កាយរណប ដែលវិទ្យុអាស៊ីសេរី ទទួលបានពីក្រុមហ៊ុនអាមេរិក ផ្លេនណិត លេបស៍ (Planet Labs) កាលពីខែមិថុនា បង្ហាញថា នៅភាគខាងត្បួងមូលដ្ឋានទ័ពរាម ផែសំចតស្ងួតថ្មីនេះ មានប្រវែងប្រហែល១៤០ម៉ែត្រ ត្រូវបានសាងសង់ឡើងកាត់ទទឹងឆ្នេរ និងស្ថិតនៅក្បែរផ្លូវជម្រាលមួយ។ ចំណែកផែមួយទៀត មានប្រវែង២៧០ម៉ែត្រ ត្រូវបានសាងសង់តាមបណ្ដោយឆ្នេរ។
អ្នកវិភាគនិងជាអតីតយោធាជើងទឹកអាមេរិកបន្ថែមថា ផែសំចតស្ងួតថ្មីប្រវែង១៤០ម៉ែត្រនេះ គឺខ្លីពេកមិនអាចឱ្យនាវាធំៗរបស់កងទ័ពចិនចូលចតឡើយ ប៉ុន្តែវាមានប្រវែងល្មមសម្រាប់ការចូលចតរបស់ក្រុមនាវាមុជទឹក។ ចិនមាននាវាមុជទឹកប្រហែល៦០គ្រឿង ហើយភាគច្រើននៃនាវាមុជទឹកទាំងនោះ មានប្រវែងខ្លីជាង១៤០ម៉ែត្រ។ នេះបើតាមរបាយការណ៍ពីមន្ទីរបញ្ចកោណអាមេរិក។
អតីតយោធាជើងទឹកអាមេរិកថា ការសាងសង់សំណង់ថ្មីៗទាំងនេះ នៅមូលដ្ឋានទ័ពជើងទឹករាម មានលក្ខណៈស្រដៀងគ្នា និងមូលដ្ឋាននាវាមុជទឹកនៅទីក្រុងកំពង់ផែ ឈីងតោ (Qingdao) ភាគខាងកើតប្រទេសចិន ដែលមានសាងសង់ផែស្ងួតប្រវែង១៤០ម៉ែត្រ ទន្ទឹមគ្នានឹងផ្លូវជម្រាលមួយ សម្រាប់ការចូលចតនាវាតូចៗ។
លោក ថូម៉ាស ស៊ូហ្កាត បញ្ជាក់ថា មូលដ្ឋាននាវាមុជទឹកនៅរាម អាចផ្ដល់ជាមធ្យោបាយធ្វើនាវាចរណ៍ថ្មីមួយបែបទៀត សម្រាប់យោធាចិន ប្រសិនបើជម្លោះនៅសមុទ្រចិនខាងត្បូងផ្ទុះឡើង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- លោក ហ៊ុន សែន ស្នើតែងតាំងលោក គុយ សុផល ភ្លាមៗ «ខ្លាចព្រះមហាក្សត្រយកមនុស្សក្រៅពីបក្ខពួកខ្លួន»
- លោក ហ៊ុន ម៉ាណែត អះអាងថា យុវជន ៩នាក់ ដែលកំពុងជាប់ឃុំ ពាក់ព័ន្ធនឹង «គម្រោងផ្ដួលរំលំរដ្ឋាភិបាល»
- សមាគមឧកញ៉ារំឭកឧកញ៉ាឱ្យបង់វិភាគទានប្រចាំឆ្នាំ
- បទសម្ភាសន៍៖ អតីតមនុស្សជំនិតសម្ដេចក្រុមព្រះថា លោក ហ៊ុន សែន ជ្រៀតជ្រែកព្រះមហាក្សត្រលើការតែងតាំងរដ្ឋមន្ត្រីក្រសួងព្រះបរមរាជវាំងថ្មី
អត្ថបទពេញនិយម
សង្គម
- កម្មករវៀតណាមកំពុងសម្ងំធ្វើការក្នុងក្រុមហ៊ុនចម្ការចេកខេត្តរតនគិរី
- អ្នកវិភាគថា ការផ្ដល់ជំនួយគ្រឿងយោធារបស់ឥណ្ឌូណេស៊ីមកឱ្យកម្ពុជា គឺដើម្បីកាត់បន្ថយឥទ្ធិពលចិន
- សមត្ថកិច្ចឃាត់ខ្លួនជនជាតិចិន ៧នាក់ពាក់ព័ន្ធករណីផ្ទុះអាវុធនៅខេត្តព្រះសីហនុ
- កម្ពុជា និងចិន «មិនអាចទប់ស្កាត់បញ្ហាឆបោកតាមអនឡាញ និងជួញដូរមនុស្សនៅកម្ពុជាបាន»
- កម្ពុជានឹងមិនអាចទាក់ទាញភ្ញៀវទេសចរទេ បើមិនដោះស្រាយបញ្ហាឧក្រិដ្ឋកម្មក្នុងប្រទេស