អង្គការវប្បធម៌ វិទ្យាសាស្ត្រ និងអប់រំរបស់អង្គការសហប្រជាជាតិហៅកាត់ថា យូណេស្កូ (UNESCO) ជំរុញឱ្យអ្នកធ្វើសេចក្ដីសម្រេចធានាសិទ្ធិទទួលបានព័ត៌មានតាមវិទ្យុ និងលើកទឹកចិត្តដល់ស្ថានីយវិទ្យុឱ្យផលិតព័ត៌មានឯករាជ្យ ដែលអាចជឿទុកចិត្ត។ ការអំពាវនាវនេះធ្វើឡើងនៅពេលអង្គការពិភពលោកនេះប្រារព្ធទិវាវិទ្យុពិភពលោក ថ្ងៃទី១៣ ខែកុម្ភៈ ក្រោមប្រធានបទ «វិទ្យុ និងទំនុកចិត្ត»។
អង្គការដដែលនេះបញ្ជាក់ថា ការប្រារព្ធទិវាវិទ្យុពិភពលោកនេះ គឺដើម្បីលើកកម្ពស់ការយល់ដឹងជាសាធារណៈអំពីសារសំខាន់នៃវិទ្យុ និងលើកទឹកចិត្តដល់អ្នកធ្វើសេចក្ដីសម្រេចប្រើប្រាស់វិទ្យុ សម្រាប់ធានាសិទ្ធិទទួលបានព័ត៌មាន ព្រមទាំង លើកកម្ពស់កិច្ចសហប្រតិបត្តិការអន្តរជាតិក្នុងចំណោមអ្នកផ្សព្វផ្សាយ។ អង្គការនេះបានលើកឡើងនូវចំណុចសំខាន់បីសម្រាប់អ្នកផលិតព័ត៌មានតាមវិទ្យុ គឺការផ្ដល់ព័ត៌មានទៅគ្រប់ក្រុមមនុស្សទាំងអស់ ការផលិតព័ត៌មានឯករាជ្យ និងគុណភាពល្អ ដែលសំដៅដល់ការគោរពក្រមសីលធម៌ ផ្ដល់ព័ត៌មានពិត ដែលឈរនៅលើអត្ថប្រយោជន៍សាធារណៈ តម្រូវឱ្យអ្នកមានអំណាច ទទួលខុសត្រូវ និងកសាងអនាគតល្អសម្រាប់ទាំងអស់គ្នា។
[English below] តើអ្នកចូលចិត្តស្តាប់វិទ្យុទេ? ហើយធ្លាប់ឆ្ងល់ទេថា ហេតុអ្វីបានជាយើងប្រារព្ធទិវាវិទ្យុពិភពលោក?...
Posted by UNESCO Cambodia on Saturday, February 12, 2022
ជាមួយគ្នានេះ លោកនាយករដ្ឋមន្ត្រី ហ៊ុន សែន បានអបអរទិវានេះដែរ ដោយបានណែនាំដល់អ្នកសារព័ត៌មាននូវសារដែលលោកធ្លាប់លើកឡើងដដែលៗ គឺការប្រយុទ្ធប្រឆាំង និងទប់ស្កាត់ព័ត៌មានក្លែងកា្លយ ដែលលោកថា បានបំពុលសង្គម បង្កអសន្តិសុខ និងធ្វើឱ្យមានអរិភាព។ លោកពីនេះលោក ហ៊ុន សែន ថា ព័ត៌មានក្លែងក្លាយតែងបង្កដោយជនឱកាសនិយម នៅតាមបណ្ដាញសង្គមនានា។
តែទោះជាយ៉ាងណាអង្គការអន្តរជាតិនានាបានរកឃើញថា ៤ ឆ្នាំចុងក្រោយនេះ សេរីភាពសារព័ត៌មាននៅកម្ពុជា ស្ថិតនៅក្នុងស្ថានភាពអាក្រក់ ព្រោះតែរដ្ឋាភិបាលបន្តរឹតត្បិត គំរាមកំហែង យកលេសប្រឆាំងព័ត៌មានក្លែងក្លាយ ឬការញុះញង់បង្កអសន្តិសុខសង្គម ដើម្បីចាប់ខ្លួនអ្នកសារព័ត៌មានដាក់ពន្ធនាគារពីបទព្រហ្មទណ្ឌ និងបង្កើតច្បាប់ថ្មី ដែលមានចរិតរឹតត្បិតសេរីភាពសារព័ត៌មានជាដើម។ ក្នុងនោះវិទ្យុឯករាជ្យមួយចំនួនក៏ត្រូវបិទទ្វារ ឬលែងមានស្ថានីយផ្សាយបន្ត។
[English...
Posted by UNESCO Cambodia on Saturday, February 12, 2022
អង្គការសង្គមស៊ីវិល និងអ្នកសារព័ត៌មានឯករាជ្យ ស្នើយ៉ាងទទូចដល់រដ្ឋាភិបាលលោក ហ៊ុន សែន ឱ្យបញ្ឈប់ការធ្វើទុក្ខបុកម្នេញទាំងនេះ និងងាកមកគោរពសេរីភាពសារព័ត៌មានវិញ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។