រដ្ឋមន្ត្រីក្រសួងបរិស្ថានចាំផ្ទះថៃ លោក ស៊ូវិត ឃុនឃីតធី (Suwit Khunkitti) មុនដំណើរចូលរួមកិច្ចប្រជុំលើកទី៣៥ របស់យូណេស្កូ (UNESCO) មានប្រសាសន៍ថា ប្រតិភូខ្មែរនិងថៃបានចាប់ផ្ដើមចរចាស្វែងរកដំណោះស្រាយជម្លោះព្រំដែនក្បែរប្រាសាទព្រះវិហារ។ កិច្ចចរចានោះមានបំណងដើម្បីស្វែងរកដំណោះស្រាយលើភាពមិនយល់ស្របគ្នាទាក់ទងទៅនឹងគម្រោងរៀបចំប្រាសាទព្រះវិហារ ដែលបានស្នើសុំដោយរដ្ឋាភិបាលកម្ពុជា។
លោកបន្តថា ប្រសិនបើកម្ពុជា និងថៃ មិនអាចព្រមព្រៀងគ្នាលើដំណោះស្រាយមុននោះទេ គណៈកម្មាធិការបេតិកភណ្ឌពិភពលោកនឹងមិនអាចពិចារណាលើគម្រោងរៀបចំប្រាសាទព្រះវិហារកម្ពុជាទេ ដោយសារតែថៃ នឹងតវ៉ាឲ្យមានការពន្យារពេលជាបន្តទៀត។
មន្ត្រីរដ្ឋាភិបាលកម្ពុជា នៅមិនទាន់បានឆ្លើយតបទៅនឹងអត្ថាធិប្បាយរបស់រដ្ឋមន្ត្រីថៃ នៅឡើយទេ៕