ស្ត្រីម្នាក់ស្លាប់ក្នុងគ្រោះអគ្គីភ័យនៅប៉ោយប៉ែត
2011.02.03
ចៅសង្កាត់ប៉ោយប៉ែត លោក សាន ស៊ានហូ បានមានប្រសាសន៍នៅព្រឹកថ្ងៃព្រហស្សត្តិ៍ ទី៣ ខែកុម្ភៈ ឆ្នាំ២០១១នេះថា គ្រោះអគ្គីភ័យនេះបានកើតឡើងកាលពីវេលាម៉ោង ១១ និង ៣០នាទីយប់ ថ្ងៃទី២ ខែកុម្ភៈ ឆ្នាំ២០១១ បណ្ដាលឲ្យឆេះផ្ទះប្រជាពលរដ្ឋចំនួន ៣គ្រួសារ។
លោកមានប្រសាសន៍បន្ថែមដូច្នេះ ៖ «ផ្ទះហ្នឹងផ្ទះស័ង្កសី ជញ្ចាំងកៅស៊ូ ពេលដែលឆេះហ្នឹងស្ត្រីម្នាក់ទម្ងន់ ពោះធំ ៥ខែ ចេញមិនទាន់ មិនដឹងថា របៀបម៉េចបានជាគាត់ចេញមិនទាន់ ប៉ុន្តែមានកូនមួយដែលយើងយកចេញបាន។ ពេលយើងពន្លត់ទៅហ្នឹង ឃើញមានស្ត្រីម្នាក់បានស្លាប់ យើងសង្គ្រោះអត់ទាន់។ បើតាមការសន្និដ្ឋាន និងការសាកសួរ ប្រហែលជាគាត់ដូចជាភ័យ ពេលហ្នឹងគាត់រកបើកទ្វារចេញអត់រួច។ តាមពិតផ្ទះជញ្ជាំងកៅស៊ូសោះ ជញ្ជាំងហ្នឹងឆាបឆេះលឿនពេក ឡានទឹកយើងក៏អន្តរាគមន៍បានលឿនទាន់ពេលវេលាដែរ ក៏ប៉ុន្តែធម្មតាផ្ទះជញ្ជាំងកៅស៊ូវាឆេះឆាបលឿន»។
ទោះយ៉ាងណា ក្រុមអាជ្ញាធរមូលដ្ឋានមិនទាន់ធ្វើការសន្និដ្ឋានពីមូលហេតុច្បាស់លាស់ ដែលនាំឲ្យកើតមានគ្រោះអគ្គីភ័យនេះទេ ប៉ុន្តែគេសង្ស័យថា ភ្លើងឆេះនោះអាចបណ្ដាលមកពីការឆេះក្រណាត់ដោយភ្លើងទៀន ធូប ដែលគេដុតសែនកុងម៉ា ក្នុងថ្ងៃសែនដំបូងនៃប្រពៃណីបុណ្យចូលឆ្នាំចិន។
អាជ្ញាធរមូលដ្ឋានបានឲ្យដឹងថា ប្រជាពលរដ្ឋចំនួន ៤គ្រួសារ ដែលរងគ្រោះដោយសារភ្លើងឆេះផ្ទះនោះ មានមនុស្សក្មេងចាស់ ប្រុសស្រីចំនួន ១២នាក់ ក្នុងនោះមានស្រី ៧នាក់ ស្លាប់ម្នាក់ ត្រូវបានខាងសាខាកាកបាទក្រហមនាំយកជំនួយទៅឧបត្ថម្ភនៅព្រឹកថ្ងៃទី៣ ខែកុម្ភៈ ឆ្នាំ២០១១។ ចំណែកឯសាកសពស្ត្រីរងគ្រោះស្លាប់បាត់បង់ជីវិត ត្រូវបានគេយកទៅដាក់តម្កល់នៅវត្តមួយក្នុងសង្កាត់ប៉ោយប៉ែត ដើម្បីធ្វើបុណ្យសព៕
អត្ថបទពេញនិយម
RFA
- មន្ត្រីជាន់ខ្ពស់ និងឧកញ៉ា សុំលោក ហ៊ុន សែន ឱ្យជួយរកយុត្តិធម៌ដោយមិនពឹងតុលាការ
- សភាកម្ពុជាប្រតិកម្មទៅនឹងការសម្រេចរបស់សភាអឺរ៉ុបរឿងដកប្រព័ន្ធអនុគ្រោះពន្ធEBA បន្ថែម
- កម្ពុជារកចំណូលបាន ១.៤ពាន់លានដុល្លារ ពីកំណើនភ្ញៀវទេសចរបរទេសក្នុងឆ្នាំ២០២២
- លោក ហ៊ុន សែន មិនគាំទ្រដីកាតុលាការ ICC ដើម្បីចាប់ខ្លួនមេដឹកនាំរុស្ស៊ី
- ពិធីមង្គលការរបស់ពលករខ្មែរនៅប្រទេសថៃ
អត្ថបទពេញនិយម
ព័ត៌មានថ្មីៗ
- អ្នកឃ្លាំមើល ថា លោក ហ៊ុន សែន ទំនងលែងទុកចិត្តអ្នកណាក្រៅពីកូនរបស់ខ្លួនហើយ
- លោក ស ខេង ចង់ឱ្យមានការធ្វើតេស្ដរកគ្រឿងញៀនលើពលរដ្ឋចាប់ពីអាយុ១៣ឆ្នាំដល់ក្រោម៤៥ឆ្នាំ
- អាជ្ញាធរក្រុងភ្នំពេញ ចាប់ខ្លួនមន្ត្រីគណបក្សភ្លើងទៀន៣នាក់
- អ្នកជំនាញថា ចិនមិនអាចជំនួសទីផ្សារសហភាពអឺរ៉ុប និងអាមេរិកក្នុងការទទួលទិញទំនិញកម្ពុជា
- ចិនបញ្ជូនកងទ័ពជាង២០០នាក់មកធ្វើសមយុទ្ធនាគមាសឆ្នាំ២០២៣ជាមួយកម្ពុជា