រំលងទៅមាតិកាចម្បងសម្ភាសន៍លោក សម រង្ស៊ី ជុំវិញការចាប់ខ្លួនលោក រ៉ុង ឈុន
លោក សម រង្ស៊ី ប្រធានស្ដីទីគណបក្សសង្គ្រោះជាតិ បានអំពាវនាវដល់ពលរដ្ឋខ្មែរគ្រប់ទិសទីឱ្យក្រោកឈរឡើង ដើម្បីទាមទារដោះលែងលោករ៉ុង ឈុន។ លោក សម រង្ស៊ី កោតសរសើរពីវីរភាពអង់អាចក្លាហានរបស់លោក រ៉ុង ឈុន ដែលបានលះបង់សព្វបែបយ៉ាង ដើម្បីកម្មករ គ្រូបង្រៀន និងបុព្វហេតុជាតិ មិនខុសពីលោក ជា វិជ្ជា អតីតប្រធានសហជីពសេរីកម្មករនៃព្រះរាជាណាចក្រកម្ពុជា ដែលបានលះបង់ជីវិត ដើម្បីការពារប្រយោជន៍កម្មករ និងយុត្តិធម៌សង្គមនោះឡើយ។
ប្រធានស្ដីទីគណបក្សប្រឆាំងរូបនេះ អះអាងថា អាជ្ញាធរក្រុងភ្នំពេញចាប់លោក រ៉ុង ឈុន ក៏ព្រោះតែខ្លាចលោក រ៉ុង ឈុន ដឹកនាំកម្មករធ្វើបាតុកម្មតស៊ូមតិ បង្ខំឱ្យរដ្ឋាភិបាលលោក ហ៊ុន សែន ធ្វើតាមសហភាពអឺរ៉ុបដើម្បីសង្រ្គោះ អ៊ីប៊ីអេ (EBA)។
