មេធាវីការពារក្តី ឱ្យអតីតអ្នកយកព័ត៌មានអាស៊ីសេរី លោក អ៊ួន ឈិន និងលោក យាង សុធារិន្ទ កំពុងបំពេញនីតិវិធី ជាបន្តបន្ទាប់ ដើម្បីជួយដល់កូនក្តី ឱ្យទទួលបានសិទ្ធិសេរីភាព និងយុត្តិធម៌មកវិញ។ ទោះជាយ៉ាងណា មេធាវី នៅតែបន្ទោសថា គឺដោយសារតែសាលក្រម ចាត់របៀបបែបមិនសមហេតុផល របស់តុលាការក្រុងភ្នំពេញនោះឯង ដែលធ្វើឱ្យសំណុំរឿងនេះត្រូវអូសបន្លាយមកដល់ពេលបច្ចុប្បន្ន។
