រំលងទៅមាតិកាចម្បងតើពលរដ្ឋកម្ពុជាត្រូវធ្វើអ្វី ដើម្បីស្តារប្រជាធិបតេយ្យឡើងវិញបាន?
មេដឹកនាំកម្ពុជាជាច្រើនជំនាន់ តាំងពីសម័យសង្គមរាស្ត្រនិយមមក អះអាងថាខ្លួនទទួលយករបបប្រជាធិបតេយ្យមកដឹកនាំប្រទេស។ ថ្វីត្បិតក្នុងរបបខ្លះគេមានរៀបចំការបោះឆ្នោតជ្រើសរើសមេដឹកនាំក្តី តែការបោះឆ្នោតខ្លះជាការបោះឆ្នោតក្លែងក្លាយ ឬជាការបោះឆ្នោតថ្ពិនភ្នែកតែប៉ុណ្ណោះ។ ជួនកាលអ្នកនយោបាយនៅកម្ពុជា បោះចោលការបោះឆ្នោតទាំងស្រុង ហើយប្រើចុងកាណុងបង្ហូរឈាមដណ្ដើមអំណាចគ្នាដដែល។
ទោះជាពេលខ្លះ មានការជួយជ្រោមជ្រែងអង្គការសហប្រជាជាតិក្នុងការរៀបចំជ្រើសរើសមេដឹកនាំតាមរយៈការបោះឆ្នោតឡើងវិញ ដូចជានៅឆ្នាំ១៩៩៣ ក្តី ក៏ទៅបំផុតទៅ ក្នុងរយៈពេលជិត៣០ឆ្នាំមកនេះ កម្ពុជានៅតែមានមេដឹកនាំតែម្នាក់ដដែល គឺលោក ហ៊ុន សែន។ ហើយក្រោមកណ្តាប់របស់ លោក ហ៊ុន សែន លោកបានបំផ្លាញប្រជាធិបតេយ្យដល់ឫសគល់តែម្តង។
នៅក្នុងស្ថានភាពបែបនេះ តើពលរដ្ឋកម្ពុជានិងអ្នកពាក់ព័ន្ធដទៃទៀត ត្រូវធ្វើបែបណា ដើម្បីស្ដារប្រជាធិបតេយ្យឡើងវិញបាន?
