រំលងទៅមាតិកាចម្បងពលរដ្ឋខ្មែរ និងមន្ត្រីបក្សប្រឆាំងស្នើអាមេរិកអនុម័តច្បាប់ ដាក់ទណ្ឌកម្មរបបលោក ហ៊ុន សែន
ពលរដ្ឋខ្មែរ និងមន្ត្រីគណបក្សសង្គ្រោះជាតិ មកពីបណ្តារដ្ឋនានានៃសហរដ្ឋអាមេរិកជិតពីររយនាក់ បានមកជួបជុំគ្នាធ្វើបាតុកម្ម នៅមុខមន្ទីររដ្ឋសភា និងព្រឹទ្ធសភា សហរដ្ឋអាមេរិក នៅរដ្ឋធានី វ៉ាស៊ីនតោន នៅថ្ងៃសុក្រ ទី២២ តុលា។
ក្រុមបាតុករទាំងនោះ ទាមទារឲ្យរបបលោកហ៊ុន សែន គោរពតាមស្មារតី នៃកិច្ចព្រមព្រៀងសន្តិភាពទីក្រុងប៉ារីស ២៣ ខែតុលា ឆ្នាំ១៩៩១ និងអំពាវនាវទៅសមាជិករដ្ឋសភា ព្រឹទ្ធសភា និងរដ្ឋាភិបាលអាមេរិក ជួយជំរុញការអនុម័តច្បាប់មួយចំនួន ដើម្បីដាក់ទណ្ឌកម្មលើរបបលោក ហ៊ុន សែន ឲ្យស្តារលទ្ធិប្រជាធិបតេយ្យ និងការគោរពសិទ្ធិមនុស្សឡើងវិញ។
