រំលងទៅមាតិកាចម្បងតើស្រ្ដីមានផ្ទៃពោះមានសិទ្ធិចូលរួមការតវ៉ាទាមទារអត្ថប្រយោជន៍នៅកន្លែងការងារដែរ ឬទេ
ស្រ្តីមានផ្ទៃពោះ និងអ្នកមានកូនតូចជាច្រើននាក់នាំគ្នាចូលរួមកូដកម្មជាច្រើនថ្ងៃមកហើយ ដើម្បីទាមទារឱ្យក្រុមហ៊ុនបនល្បែងណាហ្គាវើលដ៍ (Naga World)ទទួលយកបុគ្គលិកជាង៣០០នាក់ឱ្យចូលធ្វើការវិញ និងបន្តឱ្យមានសហជីព ដើម្បីការពារពួកគេ។ ពួកគេអះអាងទៀតថាការចេញតវ៉ានេះ គឺចេញពីការស្ម័គ្រចិត្ត និងពុំមានចេតនាណាផ្សេងទៀតឡើយ។
ប្រតិកម្មនេះ ឆ្លើយតបនឹងការចោទប្រកាន់ របស់មន្រ្តីក្រសួងការងារ លោក ហេង សួរ ដែលថា ការប្រើប្រាស់អនីតិជន ឬស្រ្តី ពិសេសស្រ្តីមានកូនខ្ចី ឬស្រ្តីមានផ្ទៃពោះ ដើម្បីចូលរួមការតវ៉ាអ្វីមួយជាតាក់ទិចមួយ ដែលមានសរសេរនៅក្នុងក្បួនរបស់អ្នករៀបចំចលនាបដិវត្តពណ៌នៅប្រទេសណាមួយ។ លោកបន្តថា អ្នករៀបចំផែនការតែងតែបន់ស្រន់ឱ្យមានគ្រោះថ្នាក់ដោយចៃដន្យណាមួយកើតឡើងលើអនីតិជន ឬលើស្រ្តី ដើម្បីទាក់ទាញសមានចិត្ត និងបញ្ឆេះកំហឹងមហាជន។
តើស្រ្ដីមានផ្ទៃពោះ និងមានកូនខ្ចី មានសិទ្ធិចូលរួមការតវ៉ាទាមទារអត្ថប្រយោជន៍នៅកន្លែងការងារដែរ ឬទេ?
វាគ្មិនក្នុងនាទីវេទិកាអ្នកស្ដាប់វិទ្យុអាស៊ីសេរី៖
១. អ្នកស្រី អេង ចាន់ឌី នាយិកាប្រតិបត្តិអង្គការយេនឌ័រ និងអភិវឌ្ឍន៍ដើម្បីកម្ពុជា
២. អ្នកស្រី អ៊ូ ទេពផល្លីន ប្រធានសហព័ន្ធសហជីពចំណីអាហារ និងសេវាកម្មកម្ពុជា
៣. លោកស្រី ញ៉ាន ធាវី បុគ្គលិកកាស៊ីណូណាហ្គាវើលដ៏ មានផ្ទៃពោះ
