វីដេអូ

តើការណ៍ដែលលោក​ ហ៊ុន ម៉ាណែត ​រៀបចំឲ្យមនុស្សទៅសម្តែង​ការគាំទ្រលោកឆ្លុះបញ្ចាំងពីអ្វីខ្លះ?

2024-03-03

ក្រុម​លោក​ ​ហ៊ុន ម៉ាណែត​ កាល​ពីថ្ងៃទី៣​ ខែ​មីនា​​បាន​រៀបចំ​ឲ្យ​មនុស្ស​ទៅ​សម្តែង​ដោយ​ដើរ​ស្រែក​គាំទ្រ ​និង​ស្វាគមន៍​លោក​ និង​ភរិយា​ នៅ​តាម​ផ្លូវ​ក្នុង​ក្រុង​ម៉ែលប៊ន​ (Melbourne ) គឺ​នៅ​មួយ​ថ្ងៃក្រោយ​ប្រជា​សហគមន៍​ខ្មែរ​នៅ​ប្រទេស​អូស្ត្រាលី​រាប់​រយ​នាក់​ ប្រមូល​ផ្តុំ​គ្នា​ធ្វើ​បាតុកម្ម​ទាមទារ​ឲ្យ​រដ្ឋាភិបាល​អូស្ត្រាលី​​ដាក់​សម្ពាធ​ទៅ​លោក​ ហ៊ុន ម៉ាណែត​ ឲ្យ​ស្តារ​ប្រជាធិបតេយ្យ​ និង​ការ​គោរព​សិទ្ធិ​មនុស្ស។​ ​​ ​ការ​រៀបចំ​ក្រុម​មនុស្ស​ឱ្យ​គាំទ្រ​ និង​ជួប​សំណេះ​សំណាល​ជា​មួយ​លោក​ ហ៊ុន ម៉ាណែត​ នេះ​ បង្ហាញ​ថា​ក្រុម​នេះ​បាន​កៀរគរ​មនុស្ស​ទាំង​នោះ​មក​ពី​ខាង​ក្រៅ​ប្រ​ទេស​អូស្រ្តាលី​ ​ដែល​ត្រូវ​ចំណាយ​ប្រាក់​មិន​ក្រោម​រាប់​លាន​ដុល្លារ​ឡើយ។​ ​លោក​ ថា ថៃ​ ​រាយការណ៍​ដោយ​ផ្ទាល់​ជុំវិញ​រឿង​នេះ​ ហើយ​អ្នកស្រី ​សុ ជីវី​ ជា​អ្នក​សម្រប​សម្រួល៕ ​