រំលងទៅមាតិកាចម្បងជនជាតិដើមភាគតិចអះអាងថា អាជីវកម្មរ៉ែមាសនៅខេត្តមណ្ឌលគិរីបើកដំណើរការឡើងវិញ
សហគមន៍ជនជាតិដើមភាគតិចរស់នៅស្រុកកែវ សីមា ខេត្តមណ្ឌលគិរី ឲ្យដឹងថា ក្រុមហ៊ុនចិន រ៉ុង ឆេង កំពុងដំណើរការអាជីវកម្មចម្រាញ់រ៉ែមាស ឡើងវិញ ដោយមានសន្តិសុខយាមយ៉ាងតឹងរឹង បើទោះបីជាក្រសួងបានសម្រេចផ្អាកអាជីវកម្មរ៉ែមាសទាំងអស់នៅតំបន់នោះក្តី។ អ្នកភូមិចោទថា ក្រុមហ៊ុននេះគឺនៅពីក្រោយខ្នងនៃការស្លាប់ពលរដ្ឋជាច្រើននាក់កន្លងទៅ និងរាប់រយនាក់បញ្ជូនទៅសង្គ្រោះបន្ទាន់ នៅគ្រាបង្ហូរកាកសំណល់គីមី ឬ ជាតិហ្សានីតចូលក្នុងទឹកអូរធម្មជាតិ។
