វីដេអូ
លោក សម រង្ស៊ី ឆ្លើយតប រដ្ឋសភា និងព្រឹទ្ធសភាកម្ពុជាច្រានចោលការសម្រេចរបស់សភាអឺរ៉ុប
រដ្ឋសភា និង ព្រឹទ្ធសភារបបឯកបក្ស បានចាត់ទុកសេចក្តីសម្រេចរបស់សភាអឺរ៉ុបថា ធ្វើឡើងដោយគ្មានមូលដ្ឋានច្បាប់ មានចរិតលម្អៀង និងក្រោមហេតុផលនយោបាយ។ ស្ថាប័នទាំងពីរនេះអះអាងថា ដំណើរការប្រជាធិបតេយ្យ កំពុងរីកចម្រើនទៅមុខជាលំដាប់។ ការអះអាងបែបនេះ ជាការឆ្លើយតបទៅសេចក្តីសម្រេចសភាអឺរ៉ុបកាលពីថ្ងៃទី១១ មីនា ដែលបានទាមទារឱ្យអាជ្ញាធរកម្ពុជា លុបចោលសាលក្រមផ្តន្ទាទោសមន្ត្រីជាន់ខ្ពស់បក្សប្រឆាំង ដោះលែង និងទម្លាក់ចោលបទចោទប្រឆាំងនឹងសកម្មជនគណបក្ស សង្គ្រោះជាតិព្រមទាំងទាមទារឲ្យគណបក្សសង្គ្រោះជាតិរស់ឡើងវិញ។ សភាអឺរ៉ុបក៏ជំរុញឱ្យក្រុមប្រឹក្សាអឺរ៉ុបដាក់ទណ្ឌកម្មប្រឆាំងនឹងក្រុមមេដឹកនាំនយោបាយ និងកងកម្លាំងប្រដាប់អាវុធនៃរបបក្រុងភ្នំពេញ ដែលជាអ្នកទទួលខុសត្រូវចំពោះទង្វើរំលោភសិទ្ធិមនុស្សធ្ងន់ធ្ងរ ដែរ។ តើមេដឹកនាំគណបក្សប្រឆាំង លោក សម រង្ស៊ី យល់ឃើញយ៉ាងណាដែរចំពោះសេចក្តីសម្រេចរបស់សភាអឺរ៉ុប និងការបដិសេធរបស់ រដ្ឋសភា និង ព្រឹទ្ធសភា របបឯកបក្សនេះ? »» Join Telegram: https://t.me/rfakhmer »» គេហទំព័រ www.rfa.org/khmer »» យូធូប (YouTube) www.youtube.com/RFAKhmerVideo »» ហ្វេសប៊ុក (Facebook) www.facebook.com/rfacambodia »» ទ្វីតធ័រ (Twitter) www.twitter.com/RadioFreeAsiaKH #RFAKhmer #Cambodia #អាស៊ីសេរី #កម្ពុជា
ពាក្យគន្លឹះ
politics
sam rainsy
european union