រំលងទៅមាតិកាចម្បង«សកម្មភាពរបស់លោក កឹម សុខា ដើម្បីផ្សព្វផ្សាយពីសិទ្ធិមនុស្ស និងប្រជាធិបតេយ្យ»
ក្នុងសវនាការលោក កឹម សុខា ប្រធានគណបក្សសង្គ្រោះជាតិនៅថ្ងៃទី២៣ ខែមករា អង្គជំនុំជម្រះសាលាដំបូងរាជធានីភ្នំពេញ បន្តជជែក និងពិនិត្យ លើភស្តុតាងជាឃ្លីបវីដេអូ ពេញមានរយៈជាងមួយម៉ោង ដែលផ្តល់ដោយមេធាវីការពារក្តីរបស់លោក។ មេធាវីការពារក្តី លោក កឹម សុខា បានបញ្ជាក់ថា សកម្មភាពលោក កឹម សុខា រយៈពេលពីឆ្នាំ១៩៩៣ ដល់ឆ្នាំ២០០៧ គឺ ការរៀនពីសិទ្ធិមនុស្ស និងប្រជាធិបតេយ្យ ហើយសកម្មភាពបែបនេះ ក៏មានថ្នាក់ដឹកនាំគណបក្សប្រជាជនកម្ពុជា ធ្លាប់ចូលរួមរៀនសូត្រដែរ។
