ເຂື່ອນດອນສະໂຮງແລະການ ຫາປາ

ມະນີຈັນ
2014-02-21
ອີແມວລ໌
ຄໍາເຫັນ
Share
ພິມ
ທ່ານ ວິຣະພົນ ວິຣະວົງ ກ່າວຕໍ່ສື່ມວນຊົນ ຕອນລົງສໍາຣວດພື້ນທີ່ກໍ່ສ້າງເຂື່ອນດອນສະໂຮງ ເມື່ອຊ່ວງເດືອນພຶສຈິກາ 2013
ທ່ານ ວິຣະພົນ ວິຣະວົງ ກ່າວຕໍ່ສື່ມວນຊົນ ຕອນລົງສໍາຣວດພື້ນທີ່ກໍ່ສ້າງເຂື່ອນດອນສະໂຮງ ເມື່ອຊ່ວງເດືອນພຶສຈິກາ 2013
RFA

 

ໃນການປະຊຸມສາທາຣະນະ ເຣື່ອງເຂື່ອນດອນສະໂຮງ: ໃນຄວາມເຫັນຂອງກັມພູຊາ,ໄທ,ແລະວຽດນາມ ທີ່ບາງກອກໃນວັນທີ 19 ກຸມພາ 2014ທ່ານມົນຕຣີ ຈັນທະວົງ ຈາກໂຄງການຟື້ນຟູ ຣະບົບນິເວດ ໃນພູມີພາກແມ່ນໍ້າຂອງ ຫລືແທຣາຣ໌ ໄດ້ສະແດງຄວາມກັງວົນເຖິງຜົລ ກະທົບຕໍ່ການຫາປາ ຂອງຊາວບ້ານໃນເຂດສີພັນດອນ ຫາກເຂື່ອນດອນສະໂຮງສ້າງແລ້ວ:

"ທ່ານເວົ້າວ່າຈາກການສໍາຣວດ 36ຫລີ່ ທັງ 36ຫລີ່ຫາປາໄດ້ຢູ່ປະມານ 600 ຕັນຕໍ່ປີມູລຄ່າຕົກຢູ່ຣະຫວ່າງ 47ຫາ50 ລ້ານບາດ.ນີ້ຍັງບໍ່ ຮວມເຖິງການບໍຣິໂພຄ 1ຫາ3 ກິໂລຕໍ່ຄອບຄົວຕໍ່ວັນ.ດັ່ງນັ້ນຈຶ່ງວ່າການສ້າງເຂື່ອນດອນສະໂຮງຈະບໍ່ກະທົບໃສ່ພຽງ 11-12 ຄອບຄົວທີ່ ຖືກຍ້າຍແຕ່ມັນຈະກະທົບໃສ່ການຫາປາໃນ 3 ຊ່ອງທາງປາຂຶ້ນລ່ອງ ໝົດເລີຍ".

ໃນປີ 2008 ອົງການ TERRA ຂອງໄທຮ່ວມກັບອົງການ Mekong Watch ຂອງຍີ່ປຸ່ນແລະກຸ່ມດອກຈໍາປາຂອງລາວໄດ້ລົງສຶກສາການ ຫາປາຂອງຊາວບ້ານ ໃນເຂດສີພັນດອນ ຊຶ່ງເປັນພື້ນທີ່ ຈະສ້າງເຂື່ອນດອນສະໂຮງພົບວ່າໃນແຕ່ລະປີຊຸມຊົນເຂດນັ້ນສາມາດຂາຍປາທີ່ ຫາໄດ້ໃນເຂດນັ້ນ ເປັນມູລຄ່າສູງເຖິງ 47ຫາ50 ລ້ານບາດ ຫລືປະມານ 12ຕື້ກີບຕໍ່ປີ ຊຶ່ງການສ້າງເຂື່ອນແລະການຫ້າມຫາປາໃນເຂດນັ້ນ ອາຈສົ່ງຜົລກະທົບໃສ່ວິຖີຊີວິດຂອງຊາວບ້ານ. ທ່ານມົນຕຣີໄດ້ກ່າວໄປເຖິງການພຍາຍາມສ້າງທາງຜ່ານປາໃໝ່ຂອງທາງໂຄງການເພື່ອທົດ ແທນຮູສະໂຮງ ທີ່ຈະຖືກເຂື່ອນຕັນນັ້ນ:

"ທ່ານກ່າວວ່າເດີມທີປາຜ່ານຮູສະໂຮງປິດຮູສະໂຮງແລ້ວກໍຈະໄປຣະເບີດຮູສະດໍາແລະຮູຊ້າງເຜືອກ ເພື່ອທີ່ຈະໃຫ້ນໍ້າໄຫລຜ່ານໄດ້ຕລອດປີ ໃຫ້ປາຂຶ້ນແທນຮູສະໂຮງນີ້ ເປັນພຽງຄິດວ່າປາມັນຈະຂຶ້ນໄດ້ ແຕ່ຈະຂຶ້ນໄດ້ແທ້ຫລືບໍ່ນັ້ນ ຈະພິສູດກັນແນວໃດ ນອກຈາກສ້າງເຂື່ອນແລ້ວໆ ຖ້າມັນຂຶ້ນບໍ່ໄດ້ ກໍເປັນຄວາມເສັຽຫາຍ".

ຢ່າງໃດກໍຕາມທ່ານວິຣະພົນວິຣະວົງຮອງຣັຖມົນຕຣີກະຊວງພະລັງງານແລະບໍ່ແຮ່ຂອງລາວ ໄດ້ກ່າວຕອນທີ່ພາສື່ມວນຊົນໄປສໍາຣວດພື້ນ ທີ່ກໍ່ສ້າງເຂື່ອນດອນສະໂຮງ ເມື່ອຊ່ວງເດືອນພຶສຈິກາ ປີກາຍວ່າການກໍ່ສ້າງເຂື່ອນດອນສະໂຮງນີ້ ຈະສົ່ງຜົລກະທົບຕໍ່ພັນປາ ໜ້ອຍທີ່ສຸດ ແຕ່ນັກວິຊາການແລະນັກສິ່ງແວດລ້ອມຕ່າງກໍຍັງກັງວົນຢູ່.

ຄໍາເຫັນ (1)
Share

ທູກຄົນ ເຂດ ຫລີ່ ຜີ ມີ ຕາດລວງ

ຈາກ ເຂດ ພາກ ໄຕ້ ນໍ້າຕົກ

ຜູ້ມີຕາດ ມີລວງ ລວງລອບ ລວງລີ່ ເຂດດອນຊະໂຮງ ສະດຳ ດອນອີ່ຊົມ ຫລືວ່າ ຄອນລານ ຊ້າງເຜືອກ ທີ່ທາງພັກລັດ ເຈາະເຮັດ ຮູປາຂື້ນ ທົດແທນຮູສະໂຮງ ທີ່ຈະຕັນເຄື່ອນ ໄຟຟ້ານັ້ນ ຕອນນີ້ ບໍ່ໄດ້ໃສ່ລອບແລ້ວ ເພະວ່າເພີ່ນເຈາະ ເຮັດຮູປາຂຶ້ນ ແທນຮູສະໂຮງ ແຕ່ລະປີ ເຄີຍຂາຍປາ ຊື້ເຂົ້າກິນ ແຕ່ວ່າຕອນນີ້ ບໍ່ມີແລ້ວ ຢາກໄຫ້ພັກລັດ ຊ່ວຍແນ່ ກໍ່ເຫັນດີຢູ່ ພັກລັດ ສ້າງເຂືອ່ນໄຟຟ້າ ເພື່ອພັດທະນາ ບ້ານເຮົາ ຂໍແຕ່ວ່າ ບໍ່ໄຫ້ມີຜົນກະທົບ ຕໍ່ທຳມະຊາດ ແລະສິ່ງແວດລອ້ມ ຫລາຍກໍ່ດີໃຈ ນຳພັກລັດແລ້ວ ທີ່ຢາກພັດທະນາ ບ້ານເມືອງ ຂໍໄຫ້ພັກແລະລັດ ເຂັ້ມແຂງ ຮອບດ້ານ ຂໍຂອບໃຈ !



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Feb 26, 2014 04:16 PM

ເຕັມຫນ້າ