ພັລຍາທ້າວກ້ອງຈະຟ້ອງເຈົ້າ ຂອງເຮືອ

ມະນີຈັນ
2016-06-20
ອີແມວລ໌
ຄໍາເຫັນ
Share
ພິມ
ແຜນທີ່ຂອງ ແຂວງເພັຊບູຣີ
ແຜນທີ່ຂອງ ແຂວງເພັຊບູຣີ
Screen captured Siam.de

ທາງຄອບຄົວ ຂອງ ທ້າວ ກ້ອງ ມະຫາຣາດ ອາຍຸ 38 ປີ ຈາກ ແຂວງຄໍາມ່ວນ ທີ່ ເປັນຄົນງານ ໃນເຮືອຫາປາ ທີ່ ແຂວງ ເພັຊບຸຣີ ປະເທດໄທ ຊຶ່ງໄດ້ ເສັຽຊີວິດ ໄປໃນວັນທີ 28 ພຶສພາ. ຕາມຄໍາເວົ້າ ຂອງຄົນຂັບ ເຮືອ ແລະ ເຈົ້າຂອງເຮືອ ວ່າທ້າວກ້ອງ ຕົກນໍ້າ ແລະ ຫາຍໄປ ແຕ່ ທາງຄອບຄົວ ເຊື່ຶອວ່າລາວ ຖືກຄາຕກັມ ຢູ່ໃນ ເຮືອປະມົງ ລໍານັ້ນ ຈຶ່ງຂໍໃຫ້ ສະຖານທູດ ລາວ ທີ່ ບາງກອກ ຊ່ອຍ ສູ້ຄະດີໃຫ້ ຈົນກວ່າ ຈະໄດ້ຮັບ ຄວາມເປັນທັມ.

ປັຈຈຸບັນ ທາງຄອບຄົວ ຂອງ ທ້າວກ້ອງ ກໍາລັງ ປະກອບ ເອກສານ ເພື່ອມອບໃຫ້ ສະຖານທູດ ລາວ ປະຈໍາ ບາງກອກ. ດັ່ງ ເຈົ້າໜ້າທີ່ ຈາກ ມູລນິທິ ສົ່ງເສີມ ຄຸນນະພາບ ຊີວິດ ແຮງງານ ຂ້າມຊາດ ຂອງໄທ ກ່າວຕໍ່ RFA ໃນວັທີ 17 ມິຖຸນານີ້ ວ່າ:

"ນ້ອງສາວຂອງທ້າວກ້ອງ ໄດ້ກັບໄປ ປະເທດລາວ ເພື່ອຮ່ວມກັບ ອ້າຍນ້ອງ ແລ່ນ ເອກກະສານ ແລະ ໃຫ້ນາຍບ້ານ ເຮັດໜັງສື ມອບສິດໃຫ້ ນ້ອງສາວ ທີ່ຢູ່ໃນ ສໍາມະໂນຄົວ ດຽວກັນ ແລ່ນວຽກ ແລະ ມອບສິດ ໃຫ້ ສະຖານທູດລາວ ຊ່ວຍດໍາເນີນ ຄະດີ ຕາມກົດໝາຍ; ຊື່ ຂອງຜູ້ ເສັຽຊີວິດ ໃນໜັງສື ເດີນທາງ ແລະ ຢູ່ປະເທດໄທ ບໍ່ຄືກັນ".

ທ່ານ ກ່າວຕື່ມວ່າ ເມື່ອບໍ່ດົນມານີ້ ທາງຄອບຄົວ ທ້າວກ້ອງ ຜູ້ເສັຍຊີວິດ ພ້ອມດ້ວຍ ເຈົ້າໜ້າທີ່ ຈາກ ສະຖານທູດລາວ ແລະ ເຈົ້າໜ້າທີ່ ທາງການ ແຂວງ ເພັຊບຸຣີ ໄດ້ໄປບ່ອນ ທີ່ ທ້າວກ້ອງ ເຄີຍເຮັດວຽກ ເພື່ອ ຫາຂໍ້ສລຸບ ກັບ ນາຍຈ້າງ. ນາຍຈ້າງ ຈະໃຫ້ເງິນ ຊົດເຊີຍ 20,000 ບາດ, ບໍ່ຍອມໃຫ້ 300,000 ບາດ ຕາມທີ່ ທາງຄອບຄົວ ພີ່ນ້ອງຮ້ອງຂໍ. ດັ່ງນັ້ນ ບັນຫາ ຈຶ່ງ ຍັງຄາກັນຢູ່ ແລະ ທັງສອງຝ່າຍ ຂໍສູ້ຄະດີ ໃນສານ ຊຶ່ງຄາດວ່າ ຈະມີຂຶ້ນ ໃນ ບໍ່ດົນນີ້.

ທ່ານເວົ້າວ່າ ປັດຈຸບັນ ເຈົ້າໜ້າທີ່ ຕໍາຣວດ ກໍາລັງ ຊອກຫາ ສົບ ຂອງທ້າວກ້ອງ ຢູ່ ແລະ ທ່ານຢືນຢັນວ່າ ມື້ທີ່ ທ້າວກ້ອງ ໄດ້ ໂທຣະສັບ ມາບອກເມັຽວ່າ ໃຫ້ບອກ ທະຫານ ມາຊ່ວຍພາ ອອກໄປ ຈາກເຮືອ. ແລະ ມື້ ທີ່ທະຫານ ພົບເຫັນເຮືອ ລໍານັ້ນ ແຕ່ນາຍຈ້າງ ບໍ່ ອະນຸຍາດ ໃຫ້ ທ້າວກ້ອງ ອອກຈາກ ເຮືອລໍານັ້ນ ຫ່າງກັນ ບໍ່ພໍເທົ່າໃດ ມື້ ກ່ອນທີ່ເຂົາ ຈະເສັຽຊີວິດ ໃນວັນທີ 28 ພຶສພາ 2016 ຍ້ອນວ່າ ຖືກວາງຢາພິດ. ຕາມ ຄໍາໃຫ້ການ ຂອງ ຜູ້ເປັນພັລຍາ, ແຕ່ທາງນາຍຈ້າງ ບອກວ່າ ທ້າວກ້ອງ ຕົກນໍ້າ ໄປເອງ.

ກ່ຽວກັບ ບັນຫາ ທີ່ວ່ານີ້ RFA ໄດ້ຕິດຕໍ່ ໄປຍັງ ສະຖານທູດລາວ ທີ່ ບາງກອກ ແລະ ເຈົ້າໜ້າທີ່ ຕໍາຣວດ ເມືອງບ້ານແຫລມ ແຂວງເພັຊບຸຣີ, ແຕ່ ເຈົ້າໜ້າທີ່ ບໍ່ພ້ອມ ທີ່ຈະໃຫ້ ຂໍ້ມູນ ເພິ່ມຕື່ມ.

ຄໍາເຫັນ (2)
Share

ຄົນລາວ

ຈາກ ລາວ

ຂ້າພະເຈົ້າເປັນຄົນລາວຜູ້ໜື່ງ ໄດ້ຟັງຂ່າວແລ້ວຄິດວ່າ ເປັນຫຍັງຂ່າວຢູ່ປະເທດລາວ ຈື່ງບໍ່ເຄີຍຂ່າວເລື້ອງນີ້ ບໍ່ເຄີຍເຫັນຄົນໃນປະເທດໂຕເອງສຳຄັນ ປະຊາຊົນໂຕເອງເປັນຕາຍແນວໃດບໍ່ຮູ້ ໂອຍເປັນຕາໜ້າເວດທະນາເດ ປະເທດລາວເຮົາ ຂ້ອຍຢາກໄດ້ພວກທ່ານເດຊາວລາວເຮົາ ທີ່ຢູ່ຕ່າງແດນມາບໍລິຫານປະເທດ ເຮົາປະເທດລາວ ຄືສິສູງຂື້ນກ່ວານີ້...


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 21, 2016 01:55 PM

ເພັດສະຄາດ ສໍໃພ່ໜາມ

ຈາກ ວຽງຈັນ

ເລື້ອງນິໃສຂອງເຮືອຫາປາໃທ ມັນບໍ່ດີມາແຕ່ສົງຄາມວຽດນາມຢຸດລົງພຸ້ນ ຕາມຂ້າພະເຈົ້າຟັງວິທະຍຸເອເຊຍເວົ້າແລ້ວ ພວກເຮືອຂ້າທາ້ວກອ້ງແລ້ວໂຍນລົງທະເລແລ້ວ ຫາວ່າຕົກທະເລເອງ ທະຫານເຮືອໃທຢາກເຂົ້າຄົ້ນເຮືອຫາປາ ແຕ່ເຂົາກະບໍ່ໃຫເຂົ້າອີກ ຊຳ່ນີ້ເຮົາກະຮູ້ແລ້ວວ່າ ທາ້ວກອ້ງຖືກຂ້າ ນັ້ນລະຄືນິໃສຂອງຊາວປະໂມງໃທ ເພາະໃຫ້ຄອບຄົວທາ້ວກອ້ງ ຮຽກຄ່າເສັຍຫາຍນັກໆໂລດ ແລ້ວຂໍຮອ້ງໃຫ້ເຮືອຫາປາລຳນັ້ນ ຢູດຊົວຄາວອີກ ຂ້າພະເຈົ້າຫວັງວ່າຄອບຄົວ ທາ້ວກອ້ງຄົງຈະເຮັດໃດ້


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 21, 2016 01:53 PM

ເຕັມຫນ້າ